"طعنات الغدر والحب"
بقــــلـــم...(إيــمــــــــــــى )
.......................................................
الفصل الثالث والسبعون والرابع وسبعون
امسك سيف بملابس نيرمين التى كانت ملقاه على السرير واخذ يشم فيها وعينيه تدمعان وتذكر عندما علم بخبر حملها وكل كلمة دارت بينهما تذكر ابتسامتها ونظرة عينيها ورقتها وجمالها
تذكر عندما جرحها واهانها وعذبها
تذكر عندما صفحت عنه ونسيت كل مافعله معه من اجل حبها له
ادمعت عينيه وهو يقول بصوت منخفض:سامحينى يا نيرمين
انا السبب
كانت نيرمين فى تلك اللحظة جالسة على الارض فى المكان الذى حبسوها فيه وهى تتذكر لحظاتها مع سيف فكم اشتاقت اليه والى النظر اليه والى بسمته ونظرة عينيه ورائحته كم كانت مفتقدة لحضنه الدافئ
قالت بصوت باكى ومنخفض:يارب احميه يارب
ارجوك ده هو اللى ليا فى الدنيا
انا مقدرش اعيش من غيره
يارب لو مش علشانى يبقى علشان ابنه
يارب استر يارب
..****************..
فى اليوم التالى كان سيف واقفا فى الفراندة وهو ينظر امامه وعينيه غارقة فى افكاره فلم يذق طعم النوم والهاتف لم يفارق يده على امل ان يتصلوا به
جاءه اتصال هاتفى ففتح بلهفة
كارم:جهزت الورقة يا سيف بيه؟؟
سيف:معايا اجيبهالك امتى؟؟
كارم:تجيلى النهاردة الساعة 7ولوحدك اى دقة نقص مراتك هى اللى هتدفع التمن
سيف:لالالا صدقنى انا هجيبلك الورقة ولوحدى بس ارجوك اوعى تئذيها
كارم:برافو عليك اهو كده تعجبنى
سيف:بس مقولتليش هجيلك ازاى؟؟مش هتقولى على المكان؟؟
كارم:لااااا هقولك على ازاى توصل بس عن طريق التلفون قبل ماتيجى بنص ساعة هتصل بيك وخليك معايا على الخط وهبقى اوصفلك الطريق وانت جاى
خلاص؟؟
سيف:اللى تشوفه
بس عايز منك طلب خلينى اكلم مرتى علشان اطمن عليها
كارم:لما تيجى هتبقى تشوفها وتكلمها براحتك لكن حاليا لأ
مع السلامة
اغلق كارم الهاتف فبسق سيف على الهاتف بغيظ قائلا:كلب!!
تنهد سيف بغيظ وهو يضرب على سور الفراندة
................
ارتدى عمر ملابسه ثم نظر الى منى قائلا:انا ورايا مشوار مهم واحتمال اتأخر لو اتأخرت اتعشى انتى ونامى
منى بقلق:مش هتقولى رايح فين؟؟
عمر :لما آجى هبقى اقولك
منى بحزن :مافيش اى اخبار عن نيرمين؟؟
عمر بحزن:للاسف لسة
ادمعت عيون منى وهى تقول:يا حبيبتى يا نيرمين ربنا معاكى
يارب نجيها يارب
تنهد عمر بحزن ثم قبل منى من خديها وعانقها بحنان قائلا:اشوف وشك بخير
اراد ان يذهب فاوقفته منى قائلة:مالك ياعمر بتقولهالى وكأنى مش هشوفك تانى
عمر:لأ ابدا انا بقول كده علشان هتوحشينى على ما ارجع مش اكتر
منى بدموعها:عمر!!ارجوك خلى بالك من نفسك
احتضنها مرة اخرى وقال:متقلقيش عليا ان شاء الله كل حاجة هتبقى تمام
لا اله الا الله
منى:محمد رسول الله
اتصل عمر على سيف بعد ان نزل من شقته
سيف:ايوة يا عمر؟؟
عمر:ايه الاخبار يا سيف طمنى
سيف:انا هروحله النهاردة يا عمر
عمر:ايه؟؟النهاردة ؟؟
سيف:ايوة النهاردة
عمر:هتروح الساعة كام
سيف:قالى الساعة 7
عمر:سيف ارجوك خلينى اجى معاك متمشيش من غيرى انا مش مطمن
سيف:مينفعش يا عمر لو جيت معايا هبقى بخاطر بحياة نيرمين
انا بس كنت عايز اقولك انى مسامحك على كل حاجة
ومن قلبى
يمكن زمان مكونتش قادر انسى اللى ارتكبته فى حقى وحق نيرمين
بس بعد ما اتأكدت انك اتغيرت وبقيت بتشوف نيرمين زى اختك
وبقيت بتخاف عليا زى مابتخاف على نفسك اتأكدت ساعتها انك تستحق حبى ليك
ادمعت عيون عمر وهو يستمع لكلام سيف
سيف وقد لمعت عيناه:عمر!!! ارجوك لو جرالى حاجة وكارم مرجعش نيرمين اوعى تتخلى عنها
وصيتى ليك انك تحافظ عليها وتنقذها من الكلب ده لو غدر بيا
ازدادت دموع عمر وقال:وليه تروحله برجليك وانت حاسس انه ممكن يغدر بيك
ليه منشف دماغك وانت عارف ان مرواحك لوحدك فيه خطر عليك
سيف بحزن:لانه مسبليش اختيار تانى يا عمر
وجود اى حد معايا معناه موت نيرمين وانا بفضل انى اموت ولا انه يمس شعرة واحدة منها
اشوف وشك بخير يا عمر
عمر:استنى بس يا س....لم يكمل حتى انهى سيف المكالمة ووضع الهاتف فى جيبه واخرج مسدسه وهو يتفقد طلقاته وظل ينظر فى المسدس وهو يفكر
نظر عمر فى ساعته فوجدها الساعة ال6
فاسرع الى السيارة وهو يدعوا ان يلحق بسيف حتى لا يذهب الى كارم بمفرده
وصل عمر بالقرب من القصر وركن سيارته وراقب القصر من بعيد فوجد سيارة سيف مازالت موجودة فعلم انه لم يذهب بعد
ومن هنا قرر ان ينفذ فكرته حتى لا يترك سيف يذهب بمفرده
بعد قليل ركب سيف السيارة وانطلق بها الى حيث اتفق معه كارم وهو مازال جاهلا للعنوان بالكامل
اما خالد فبعدما ارسل شخصا لمتابعة سيف اكتشف سيف ان سيارة تتبعه واستشف من ذلك ان خالد ارسل احدا ليكون معه فتهرب سيف من تلك السيارة خوفا على حياة زوجته اذا اكتشف كارم هذا الامر ومن هنا انتاب خالد حالة من القلق الشديد على سيف عندما علم انه تهرب من السيارة التى ارسله خلفه ولم يبق له امل سوى نجاح خطة القبض على كارم لانقاذه
..............................
جلس كارم على الكرسى امام نيرمين وفؤاد بجانبه
نظر الى نيرمين قائلا:كلها ساعة وحبيب القلب يشرف
انتى متعرفيش انا مشتاق انى اشوفه قد ايه؟؟
ادمعت عيون نيرمين بشدة ودقات قلبها قد تسارعت من شدة الخوف على سيف
نظرت الى كارم وقالت:ارجوك متئذهوش هو هينفذلك كل اللى انت عايزه من غير ما تئذيه
كارم:الحكاية مش حكاية ورقة كان ماسكها عليا وهيرجعهالى وبس
الحكاية تار بايت وحساب لازم اصفيه معاه
اصلك متعرفيش جوزك غلط فيا قد ايه
وانا اللى بيغلط فيا يا اما بيتأدب يا اما بيموت
تختارى ايه؟؟أأدبهولك؟؟ولا اموته؟؟
على العموم الاختيار ليه هو بس لما ييجى
فؤاد لكارم:جرى ايه يا باشا انت ايه اللى خلاك تخليه ييجى النهاردة انت ناسى ان البضاعة هتتسلم وحضرتك لازم تبقى موجود؟؟
كارم:لأ مش ناسى بس انا مصدقت انه خلاص هيقع فى ايدى وهشفى غليلى منه
انت متعرفش انا نفسى اشوفه مذلول قد ايه
وخصوصا فى وجود المزة دى
فؤاد:طب والبضاعة هنعمل فيها ايه نأجل استلامها ولا ايه النظام
كارم:روح انت بدالى وعرف الرجالة انى فى ايدى شغل ولما اخلصه هبقى اتصل بيهم
فؤاد:اللى تشوفه يا باشا
غادر فؤاد بينما نظر كارم الى نيرمين للحظات وهو يفكر
احست نيرمين ان نظراته لها تضايقها لدرجة انها اخفضت بصرها حتى لا ترى تلك النظرة
كارم بنظرات غير مريحة:بقول ايه يا مزة
تفتكرى لو انا عملت معاكى زى ما عملت مع سلمى سيف هيكون احساسه ايه؟؟اكيد هيموت من الحسرة مش كده؟؟
نيرمين بصوت مرعوب:مالوش لازمة الكلام اللى انت بتقوله ده
حاجتك هتجيلك لغاية عندك ولو عايز سيف يتعهدلك انه مش هيتعرضلك تانى هيتعهدلك ومش هيبقى له دعوة بيك
كارم:وتفتكرى ده بالنسبة لى كفاية؟؟
جوزك يا هانم أجر بغلين زى الرجالة اللى انتى شايفاهم دول
ونزلوا فيا طحن لما كسرولى عضمى وربطونى وكهربونى وفى الآخر غرقونى بالمية ورمونى فى الصحرا من غير هدوم
وايديا متكتفين يعنى لولا ستر ربنا كانت الديابة مخليتش فيا فتفوتة
جايا دلوقتى تقوليلى يتعهد انه ميقربليش؟؟؟
نيرمين:وهو عمل كده من نفسه ماهو عمل كده علشان انت عملت فيه وفى بنت عمته اكتر من كده
كارم بغضب:انا ميهمنيش هو عمل كده ليه؟؟اللى يهمنى انه عمل وخلاص
ومادام اتجرأ ودخل عش الدبابير برجليه يبقى يستحمل قرصه
نيرمين برعب:حتى لو كلامك صح انا ذ نبى ايه
كارم:ذنبك انك مراته
نيرمين بتوسل:ارجوك متئذهوش ولا تئذينى واللى انت عايزه هو هيعملهولك
كارم بغيظ:اللى انا عايزه انى اذله وامسح بكرامته الارض وده مش هيحصل الا لما يشوف مراته اللى بيحبها واللى جاى على ملا وشه علشان ياخدها هههههههههه بين اديا وهو يعينى مش قادر يعملها حاجة
حاجة مؤلمة مش كده؟؟
شعرت نيرمين بالصدمة مماسمعته ووضعت يدها على بطنها ودقات قلبها قد زادت سرعتها لدرجة انها شعرت ان قلبها سيتوقف
امسك كارم بالهاتف وقام وهو يتصل على سيف ثم اعطى الهاتف لاحد رجاله وقال له:خليه معاك على الخط واوصفله المكان واحدة واحدة وكل مايوصل لنقطة اوصفله اللى بعدها ومتقولوش على العنوان كده مرة واحدة هاه؟؟
الرجل:امرك يا باشا
رجع كارم الى نيرمين وجلس وهو ينظر اليها وكانت نيرمين تنظر فى الارض وجسدها يرتعد من شدة الخوف حتى انها ظنت انها قد يحدث لها شئ من شدة الخوف
كارم:كلها كم دقيقة والبيه يشرف علشان نبدأ نستمتع بالعرض المسرحى
وهيكون افضل عرض مسرحى شوفته فى حياتى
نيرمين بتوسل ومازالت عينيها فى الارض ودموعها تتساقط بغزارة:انا حامل
ارجوك متئذنيش
لو مش عايز ترحمنى ارحم اللى فى بطنى
ارجوك
كارم:حامل!!!
نيرمين:ايوة حامل
ارجوك ارحم طفل لسة مشافش نور الدنيا ولا له ذنب فى اى حاجة
كارم:انتى عارفة انك كده فرحتينى اكتر؟؟
اهو انا كده هضرب عصفورين بحجر واحد
يعنى الضربة دى هتبقى ضربتين
مراته
وابنه
قال بغيظ:لما اشوف بقى ساعتها هيعمل ايه
.........................
وصلت سيارة سيف الى المكان المطلوب فاوقف سيف السيارة بناء على طلب احد رجال كارم الذى كان واقفا بالخارج
نزل سيف من السيارة ورفع يديه قائلا:انا جبت الورقة فين مراتى
الرجل:خليك عندك لحد ما ابلغ كارم بيه
بعد قليل خرج كارم وهو يبتسم قائلا:اهلا اهلا اهلا
صحيح انت اتأخرت عن معادك ربع ساعة بس مش مهم
سيف:فين مراتى؟؟
كارم:جرى ايه يا سيف بيه
مالك داخل حامى اوى كده ليه مش تستنى لما تاخد نفسك الاول
سيف بعصبية:بقولك فين مراتى؟؟
كارم:جيبت الورقة؟؟
رفع سيف يده بالورقة قائلا:اهى
كارم لاحد رجاله:شوف عربيته فيها حد تانى ولا لأ
تفقد السيارة فوجدها خالية فقال:فاضية يا باشا
سيف:عايز اشوف مراتى
كارم:حقك
اشار الى احدهم ليحضر نيرمين وبعد لحظات خرج وبيده نيرمين
سيف بلهفة:نيرمين!!!
نيرمين وهى تبكى:سيف!! اهرب يا سيف دول....
قبل ان تكمل كمم الرجل فمها
بينما تحرك سيف بغضب لمافعله الرجل ولم يلبث ثوانى حتى ضربه احدهم على رأسه من الخلف فسقط مغشيا عليه
بينما ظلت نيرمين تصرخ وهى تقول بصرخات متتالية:سيف!!
سيف!!
ارجوكم سيبوه
حملوه الى الداخل بعد ان نجحوا فى ايقاعه فى الفخ الذى نصبه له كارم
اوثقوه على عمود بالداخل وهو مازال مغشيا عليه فصبوا على وجهه دلوا مليئا بالماء ففتح عينيه وهو يشهق من اثر المياه فوجد نفسه موثوقا بالعمود
ظل يحرك جسده ويده بعنف ثم قال بغيظ لكارم:كنت عارف انك وسخ وهتغدر بيا وهتنصبلى فخ
كارم:ووقعت فيه
علشان تعرف انى مبسيبش حقى
اخرج كارم المسدس التابع لسيف من بين ملابسه وقال:شوفت بقى انك كنت ناوى على الغدر
سيف:انا خدته علشان عارف ان الغدر من طبعك وكنت عايز أأمن نفسى وأأمن مراتى
كارم وهو ينظر فى المسدس:تفتكر دلوقت انا ممكن اعمل معاك ايه؟؟
انا بصراحة محتار
اقتلك؟؟
ولا اخليهم يديوك علقة زى اللى اخدتها قبل كده؟؟
ولا اكهربك زى ماعملت معايا؟؟
ثم ابتسم وهو يمسك بنيرمين قائلا:ولا ابدأ بمراتك
سيف بغضب جم وانفعال:ملكش دعوة بيها
انت حسابك معايا انا لو عايز تقتلنى اتفضل انا قدامك اهوه بس خليها هى بره الموضوع
كارم:ودى تيجى برده؟؟المدام طرف اساسى فى اللى بيحصل اومال انا هنتقم منك ازاى
سيف بصوت غاضب وقد احمرت عينيه من شدة الغضب:
لو لمست شعرة واحدة منها هقتلك اقسم بالله لاقتلك
كارم :مش لما ابقى اسيبك تعيش اصلا
انا هخلص عليك هنا ومش هخلى الدبان الازرق يعرفلك طريق جرة
...........................
كان عمر فى هذه اللحظة يفتح شنطة السيارة الخلفية بزاوية ضيقة ونظر بهدوء ليرى ان كان هناك احد ام لا ثم فتحها اكثر وخرج منها وهو ينحنى حتى لا يراه احد
اخرج عمر المسدس من جيبه وهتفقده جيدا ثم جهزه للاستخدام
ثم اخرج مخدر الاسبراى وهو ينظر اليه بتفكير
كان عمر قد وصل للقصر قبل مغادرة سيف ولانه يعلم ان سيف لن يوافق على اصطحابه فعل ذلك دون علمه
.....................................
كان خالد قد نشر جميع الفرق التابعة له حول المكان الذى سيتم فيه التسليم وهم ينتظرون حضور سيارات التسليم وبدأوا يترقبون المكان ربما يلاحظا اى اشارات ضوئية كا كان متفق فى عملية التسيلم
......................................
اقترب كارم من سيف وبيده سلك كهرباء ونظر الى سيف قائلا:
ايه رايك تجرب طعم الكهربا وتقولى رايك
نيرمين بانهيار:بالله عليك لأ
ارجوك
ارجوك متئذهوش
ظلت تبكى بشدة
سيف لنيرمين بصوت مطمئن:متخافيش يا نيرمين متخافيش يا حبيبتى
ارجوكى متعيطيش
كارم باستهزاء:لأ لأ لأ انا كده هعيط انا مش حمل المشهد المؤثر ده
انا بقول نجرب ونشوف الفولت عالى ولالأ
كشف كارم صدر سيف ووضع اطراف السلك على صدره فتألم سيف بشدة حتى انه شد جميع اعصابه وهو يتأوه بصوت مكتوم
ونيرمين قد وضعت يديها على عينيها حتى لا تراه يتألم وهى تبكى بانهيار وهى تتوسل لكارم ان يتركه
كرر كارم هذا الامر ثلاث مرات ثم ابعد السلك ونظر الى سيف
فوجد وجهه يتصبب عرقا وهو ينهج
كارم:مقولتليش ايه رايك فى الكهربا حلوة؟؟
نظر اليه سيف بغضب مكتوم وهو ينهج ولم يرد عليه
كارم:ندخل على المرحلة التانية
نظر الى سيف لحظات ثم لكمه عدة لكمات وركله فى بطنه بشدة حتى سال الدم من فم سيف بغزارة
ونيرمين تصرخ:كفاية
حرام عليكوا كفاية انتوا عايزين منه ايه
سيبوه بقى
...............................
كان عمر يدور حول المكان من بعيد ربما يجد منفذا غير الباب الذى يقف عليه اثنين من الحراس ضخام البنية فوجد بابا من الخلف ولكنه مغلق باحكام حاول فتحه لكنه فشل
نظر عمر من بين ثناياه ليرى ما يجرى بالداخل فوجد سيف موثوقا بالعمود وكارم ينهال عليه ضربا وبجانبه رجل ضخم آخر ممسك بنيرمين
شعر عمر بالغيظ وظل يفكر كيف سيتصرف
