"طعنات الغدر والحب"
بقــــلـــم...(إيــمــــــــــــى )
.......................................................
الفصل الواحد والسبعون
كانت نيرمين جالسة مع دادة فى الفراندة وهما يحتسيان القهوة
وظلا يتحدثا سويا وهما يتبادلان حديثا ممتعا وبعد لحظات بدى على نيرمين التضايق من شئ ما
دادة:مالك يا نيرمين؟؟حاسة انك متضايقة من حاجة
نيرمين:ابدا يا ماما انا بس حاسة انى شامة ريحة مش كويسة ريحة مضايقانى اوى
دادة بتعجب:ريحة؟؟ريحة ايه انا مش شامة غير ريحة فراخ بتتحمر
نيرمين باشمئزاز:يبقى هى دى؟؟
دادة:هى دى اللى قارفاكى اوى كده؟؟
نيرمين بصوت مخنوق:اوى يا ماما لم تكمل حتى قامت وهى تجرى على الحمام واخذت تتقيأ
تتبعتها دادة وامسكت بزراعيها لتسندها وقالت:مالك ياحبيبتى انا ملاحظة عليكى الارهاق بقالك كام يوم حتى وشك اصفر واكلتك بقت ضعيفة اوى
جلست نيرمين على الكرسى وهى تتنفس بعمق وقالت بصوت مرهق:
مش عارفة مالى بقالى كام يوم بحس بدوخة ورجلى مبتقدرش تشيلنى
ابتسمت دادة بفرحة وقالت:نيرمين!!لازم تعملى اختبار حمل
الاعراض اللى عندك دى اعراض حمل يا حبيبتى
نيرمين وقد بدت عليها السعادة:حمل!!معقول بالسرعة دى؟؟
دادة:قولى بسم الله ماشاء الله
اهم حاجة دلوقتى تعملى اختبار حمل وبسرعة علشان لو طلعتى حامل تهتمى بأكلك وصحتك علشان البيبى وكمان تتابعى مع دكتورة لا ايه؟؟
شعرت نيرمين بسعادة بالغة وتنهدت بفرحة وهى تضع يدها على بطنها
احضرت نيرمين اختبار الحمل لترى ان كانت حامل اولا
نظرت نيرمين فى الاختبار وهى تبتسم ثم تنهدت بسعادة كبيرة
ذهبت الى دادة وهى تنادى بسعادة:ماما
ماما انتى فين
خرجت دادة وهى تقول:خير يا حبيبتى
نيرمين بفرحة:انا حامل يا ماما
انا حامل
دادة بسعادة:انتى بتتكلمى جد
نيرمين:انا عملت اختبار حمل واتأكدت انى حامل
احتضنتها دادة وهى تقول بسعادة:الف مبروك يا حبيبتى الف الف مبروك
شوفى بقى يا نيرمين
بلاش تعملى اى مجهود ولازم تتغذى كويس يا حبيبتى علشان اللى فى بطنك وتبدأى تتابعى مع دكتورة كويسة علشان الحمل يتم على خير
ماشى يا حبيبتى
نيرمين:ماشى يا ماما بس بالله عليكى بلاش تعرفى سيف خلينى انا اعملهاله مفاجأة
دادة وهى تبتسم:حاضر مش هقوله
ربنا يسعدكوا ويزقكوا بالذرية الصالحة قادر يا كريم
................................
كانت منى واقفة فى المطبخ وبيدها سكينا تقطع بها الطماطم لعمل السلطة
وبينما هى كذلك تذكرت الاناء الذى وضعته على النار فجرت ناحية الشعلة بسرعة واطفأتها وهى تتنفس بارتياح لانها تذكرتها قبل ان تحترق
ورجعت لتكمل السلطة ولكنها بدأت تشعر بألم فى بطنها وظهرها
ذلك الالم الذى تعودت ان يأتيها كل شهر
شكت منى فى هذا الالم وتمنت الا يكون هو
دخلت الى الحمام بسرعة وبعد لحظات خرجت وهى تشعر بالضيق الشديد
اخذت مسكن لذلك الالم واستكملت اعداد الطعام ثم اخذت احماما وبدلت ثيابها ووضعت برفانها قبل ان ياتى عمر
بعد لحظات رجع عمر فنظر فى ارجاء الشقة وهو يقول:
منى!!!
منامينو!!
خرجت اليه منى وهى تبتسم واحتضنته وهى تقول:وحشتنى
عمر وهو يضمها بحنان:انتى اكتر يا حبيبتى
بس ايه الجمال ده؟؟انا عمرى ماشوفتك لابسة الفستان ده قبل كده
منى:عجبك بجد؟؟
عمر:يجنن
نظر حوله لحظات وقال:اومال فين الشغالة؟؟
منى:مجتش النهاردة
عمر:اومال مين اللى عمل الاكل انا شامم ريحة بطاطس باللحمة
ابتسمت منى وقالت:ده انت خبير اكل بقى
انا فعلا عاملة بطاطس باللحمة
عمر بسعادة:يعنى هاكل من ايدك النهاردة؟؟
منى:لما اشوف بقى هيعجبك اكلى ولا اكل الشغالة
قبل عمر يدها وقال:طبعا هيعجبنى اكلك انتى
كفاية انك تعبتى نفسك وطبختيلى بايديكى الحلوين دول ولو انى مستغرب
انك طبختى وفى نفس الوقت مش باين عليكى
يعنى لابسة فستان شيك وبرفانك ريحته فايحة وكل حاجة فيكى بتقول انك مدخلتيش المطبخ النهاردة
منى:وانت يعنى عايزنى افضل مستنياك بمريلة المطبخ
وريحة البصل سبقانى بكام متر؟؟لأ طبعا الست الشاطرة اللى تعمل لجوزها الاكل اللى بيحبه وفى نفس الوقت يرجع يلاقيها اميرة
ولا كأنها دخلت المطبخ اصلا
عمر:لالالا مش معقول
ايه ده !!!طول عمرك تجننى وبيعجبنى تفكيرك جدا
.................................
كانت نيرمين مستلقاه على السرير وهى تقرأ كتابا عن تربية الاطفال وبينما هى كذلك سمعت صوت سيارة سيف فاسرعت ناحية النافذة فوجدت سيف ينزل من السيارة فابتسمت ورجعت الى السرير وهى جالسة بانتظاره
بعد قليل دخل سيف الغرفة واغلق الباب خلفه واتجه الى نيرمين وهو يبتسم وقبلها من خديها قائلا:الف سلامة عليكى يا حبيبتى
دادة بتقول انك تعبانة شوية
خير عندك ايه
نيرمين:مافيش يا حبيبى دى دوخة بسيطة متقلقش
سيف بقلق:تحبى اجيب دكتور اهو يطمنا اكتر
اعتدلت نيرمين وجلست بجواره وهى تقول بابتسامة:الموضوع مش مستاهل دكتور
انا عارفة انا عندى ايه
سيف:طب طمنينى
نيرمين وهى تبتسم:انا.....
سكتت قليلا وهى تنظر فى عينيه ثم قالت:انا حامل يا سيف
نظر سيف فى عينيها واثر المفاجأة على ملامحه وقال بصوت سعيد:
حامل؟؟؟
انتى بتتكلمى جد؟؟
نيرمين وقد لمعت عينيها من الفرحة:آه والله العظيم عملت اختبار حمل واتأكدت انى حامل
نظر اليها قليلا ثم احتضنها بشدة وهو يقول:يالله
مش مصدق
معقول هيبقالى عيال منك؟؟
حملها سيف واخذ يدور بها من شدة فرحته ثم وضعها على الفراش وهو يقول:انا آسف انا نسيت ان الحركة مش كويسة علشانك
حاسة بايه انتى كويسة؟؟
ابتسمت نيرمين وهى تضع يدها على بطنها وقالت:آه كويسة متقلقش
تنهد سيف وهو يقول:انتى عارفة انا فرحان ليه؟؟
نيرمين:ليه؟؟
سيف:مش علشان انا نفسى فى الولاد
لأ
علشان ابننا اللى جاى ده هيبقى منك انتى
نيرمين:ومين قالك انه هيبقى ولد؟؟
سيف:انا عن نفسى مش عايز ولد انا عايز بنت وتكون شبهك
متتصوريش انا بحب البنات قد ايه؟
سيف:بس انا نفسى يبقى ولد ويكون شبهك انت؟؟
سيف:لأ بنت
نيرمين:كل اللى ربنا يجيبه كويس المهم ربنا يعافيه ويخلى ذريتنا كلها صالحة ان شاء الله
سيف:ان شاء الله
................................
ذهب خالد للمرة الثانية الى سلمى ليطمئن عليها ربما تكون قد تحسنت
جلس امامها وهو يأمل ان تتكلم معه هذه المرة
خالد:سلمى!!ارجوكى اتكلمى
فضفضيلى كل اللى جواكى صدقينى ياسلمى لو اتكلمتى هترتاحى
نظرت اليه بعينين لامعتين ثم اخفضت بصرها وزرفت دموعا غزيرة
خالد:انا عارف انى مسؤل عن كل اللى حصلك لانى مقدرتش أأمنك كويس
كان لازم اكون قد المسئولية واحميكى
سامحينى يا سلمى
ضغطت سلمى على شفتيها وهى تبكى
خالد:انا بتعذب كل ما ابشوفك فى الحالة دى
ارجوكى متحسسنيش بالذنب اكتر من كده
صدقينى يا سلمى نهاية كارم قربت كلها كام يوم ونقبض عليه واقسملك انى هجيبلك حقك منه اول مايقع فى ايدى
بس اتكلمى وقولى عمل فيكى ايه؟؟
اتكلمى ارجوكى
هو اللى....
نظرت اليه سلمى والدموع تنساب من عينيها بغزارة وهزت رأسها علامة على انه هو من اعتدى عليها
خالد وهو ينظر اليها بصدمة:ابن الكلب!!!
سلمى وهى تمسح دموعها التى مازالت تنساب وكانت يديها ترتعدان:
بعد ما اعتدى عليا طلقنى
حكت سلمى كل شئ وهى تتذكر كل ماحدث معها ثم استكملت قائلة:
كنت بموت فى اليوم مية مرة
وقبل سيف وعمر مايوصلوا وصى رجالته يعتدوا عليا هم كمان بس ربنا ستر وسيف وعمر لحقونى على آخر لحظة
اجهشت فى البكاء وهى تخفض بصرها وكان جسدها يرتعد مما تذكرته
وقالت:انا انتهيت يا خالد
ظلت تبكى بهستريا وهى واضعة يديها على عينيها وهى تقول:
يارب اموت
انا مش عايزة اعيش
لاول مرة يتأثر خالد لدرجة ان نزلت الدموع من عينيه دون ان يشعر وظل ساكتا لانه لم يستطع ان يجد كلمة يداوى بها جراحها الغائرة
واخفض بصره وهو يشعر بالذنب لانه لم يستطع ان يحميها منه
علم سيف من خالد ماحدث لسلمى فاشتطاط غضبا لان كارم لم يراعى حرمة الاعراض وما آلم سيف ان سلمى ليس لها احدا فى هذه الدنيا سواه هو وعمر فهما بمثابة اخوة لها ولكنهما لم يستطيعا ان يحمياها من ذلك الكلب
احتقر سيف نفسه لانه فشل فى الدفاع عنها وفى حمايتها واقسم على الانتقام منه هذه المرة
اما خالد فحاول ان يتحكم فى اعصابه والا يتهور لان ميعاد تسليم البضاعة قد اقترب واذا فعل اى شئ سيفسد ما خطط له ففضل الصبر على ان يندفع بعمل قد يندم عليه
عزم سيف على ايجاد خطة يستطيع بها ان يذله وظل يفكر كيف يستدرج كارم بعيدا عن البوديجاردات التى تحميه فعثر سيف على فكرة يستطيع بها ان يستدرجه بعيدا ليفعل به ما يشاء
فسيف يعلم ان نقطة ضعف كارم هى النساء الجميلات
طلب سيف من ولاء ان تجد له فتاة جميلة من الفتيات التى تعرفهم لانه يريدها فى تنفيذ امر مهم واكد عليها ان يتم هذا الموضوع بسرية تامة وان تختار امرأة تثق فيها لان الموضوع الذى يريدها فيه خطير جدا
ارادت ولاء ان تفهم مايريده منها اذ من الممكن ان تقوم هى بالمهمة الا ان سيف رفض ادخالها فى الامر لانه لا يستطيع ان يستغلها فى شئ كهذا مقابل الخدمات التى قدمها لها وأصر على اختيار فتاة اخرى
وهذا ما قد كان
....................................
ذهبت ريم تلك الفتاة التى اختارها عمر الى الشركة لمقابلة سيف
وقفت امام السكرتيرة وطلبت منها الدخول الى سيف
تعجبت السكرتيرة من مظهرها وملابسها الجريئة فقالت لها:اقوله مين
ريم :قوليله ريم
جيالك من طرف ولاء
اللى بتشتغل عنده هنا
دخلت اليه السكرتيرة واخبرته بذلك فاذن لها
دخلت اليه ريم وقالت برقة:هاى
اسند سيف ظهره للوراء ونظر اليها بجدية قائلا:اتفضلى اقعدى
تعجبت ريم من طريقته فى الكلام وجلست
سيف:لو عرفتى تنفذى اللى هطلبه منك بالحرف هديكى اللى انتى عاوزاه وزيادة كمان
ريم:أأمر
اخبرها سيف بالمطلوب وسألها ان كانت تستطيع ذلك ام لا
ريم:بس كده؟؟ده الموضوع سهل خالص
سيف:بس لازم تبقى فاهمة ان الموضوع مش هيوصل للى فى بالك انا بس عايزك تستدرجيه وبعد كده سيبى الباقى عليا
ريم:قصدك انه مش هيلحق...
سيف مقاطعا:طبعا
اومال انتى فاكرة ايه
ريم:كويس اوى ان كان كده فالموضوع سهل وبسيط
سيف:وبالنسبة للمقابل فالمبلغ اللى هتطلبيه هديهولك وبزيادة بس هديكى نصه دلوقت والنص التانى بعد ما الموضوع يخلص
قولتى ايه
ريم:قولت اوك طبعا
وهنبدأ امتى
سيف:من بكرة لانى مش عايز اضيع وقت اكتر من كده
............................
بدأ تنفيذ الخطة
فاثناء رجوع كارم من شركته كانت ريم واقفة امام سيارتها وهى تنظر حولها بحيرة ربما تجد احدا يساعدها فى تركيب عجلة السيارة حسب الخطة المدروسة
عندما لاحظت اقتراب سيارة كارم وقفت امام السيارة وظلت تشير بيدها
كى يوقف السيارة
كارم للسائق:فى ايه بالظبط
السائق:مش عارف ياباشا يظهر واحدة عربيتها عطلانة
اوقف السائق السيارة فنظرت الفتاة الى كارم وهى تقول بدلال:معل استأذن حد فيكوا يساعدنى فى تركيب كاوتش العربية احسن مش عارفة اتصرف خالص؟؟
كارم بابتسامة:أوى اوى
طلب كارم من السائق والبودى جارد النزول لعمل اللازم
ثم نزل هو الآخر وهو ينظر اليها باعجاب
نظرت اليه ريم بدلال وقالت:Iam soo sorry
انى عطلتكوا
كارم بنظرات ماكرة:ولا يهمك يا جميل
احنا بنعمل الواجب
مقولتليش اسم الجميل ايه؟؟
ريم:هايدى
كارم:اسمك رقيق اوى
ريم:ميرسى
كارم:ماتتفضلى تركبى معايا اوصلك للمكان اللى انتى عايزاه ولما يخلصوا هخليهم يجيبولك العربية لحد عندك
ريم:لا انا محبش حد غيرى يسوق عربيتى
ظكارم:انتى خايفة عليها ولا ايه؟؟
ريم:لا مش مسألة خايفة بس انا كده مبحبش حد غيرى يسوق عربيتى
انتهى السائق ومن معه مما كانوا يفعلوا واصبحت سيارة ريم جاهزة
ريم:على العموم ميرسى اوى على مساعدة حضرتك ليا
واسفة اوى انى عطلتك
كارم:لالالا استنى رايحة على فين
عايزة تمشى اوام كده؟؟
مش تدينى فرصة اتكلم معاكى ونتعرف على بعض؟؟
مش يمكن تحتاجينى فى يوم من الايام؟؟
ريم:على فكرة بقى انا بفهمها وهى طايرة فياريت منلفش وندور على بعض وقولى بصراحة كده انت عايز ايه؟؟
كارم:مادام كده بقى فانا هدخل فى الموضوع على طول
مال عليها وقال بابتسامة:ايه رايك نقعد مع بعض قاعدة لطيفة واهو نتعرف على بعض كويس
متهيألى دى مافيهاش حاجة ولا ايه
ضحكت ريم ضحكة انثوية ثم قالت:مش تقول كده من الصبح
على العموم انا موافقة
كارم:قولت موافق طبعا
تحبى بقى نسهر فين ؟؟
ريم:ايه ده انت عندك اكتر من مكان؟؟
كارم:طبعا
بس انا بفضل اننا نسهر عندى فى الفيلا لانها مش بعيدة وعلشان الوقت
ريم بدلع:تؤ تؤ
انا من رأيى انك توزع اللى معاك دول وتركب معايا
كارم:قصدك نسهر عندك؟؟
ريم:شقتى امان وهدوء ومش هتلاقى حد يزعجنا قولت ايه؟؟
نظر كارم الى رجاله ثم نظر اليها قائلا:اوك
ثانية واحدة هوزعهم واجيلك يا جميل
ذهب كارم الى السائق وطلب منه ان يسبقه على الفيلا هو والبوديجارد
البوديجارد:ايوة يا باشا بس حضرتك هتمشى من غيرى؟؟
كارم:مصلحة كده هقضيها ومش هتأخر ولو حصل حاجة هبقى اتصل بيك
البوديجارد:اوك يا باشا
رجع كارم الى ريم وقال:خلاص يا جميل وزعتهم
ريم:اهو كده تعجبنى
ركبت ريم السيارة وبجانبها كارم وانطلقت بالسيارة الى حيث امرها سيف
بعد حوالى نصف ساعة نظر كارم الى ريم قائلا:فاضل كتير ولا ايه؟؟
ريم وهى تبتسم:انتى زهقت ولا ايه؟؟لاااااا انا مبحبش الاستعجال
انا بحب البال الطويل
كارم:متقلقيش خالص من جهة البال الطويل فمش هتلاقى واحد باله اطول منى بس المشكلة اننا بقالنا كتير ماشيين بالعربية وكل ما اسألك قربنا تقولى لسة شوية
ريم:اصل الشقة دى انا تعمدت انى اختارها فى مكان بعيد عن الناس علشان محسش كل شوية بقلق من الناس وكلامهم وانت عارف ان الناس لما بتحشر مناخيرها فى حاجة مبتسيبهاش
كارم:احسن برده اهو الواحد يمزج نفسه على رواقة من غير ازعاج
بعد قليل وصلت ريم الى الشقة ودخلتها قائلة:اتفضل يا...
تصدق انى لحد دلوقت معرفش اسمك ايه؟؟
كارم:اسمى كارم
ريم بدلع:طب اتفضل يا كروما
دخل كارم وهى يضحك قائلا:حلوة اوى كروما دى
جال كارم بنظره فى الشقة ثم نظر اليها قائلا:انا بقول بلاش نضيع وقت
ولا ايه
ريم:استنى بس انت هتعمل ايه؟؟مش هنا لما تدخل جوه على الاقل تقلع هدومك وتروق نفسك وتستنانى
غمزت له قائلة:ولما تخلص نادى عليا هتلاقينى انا كمان جهزت
وفى ثانية هكون عندك
امسكته من يده وتوجهت الى الغرفة وفتحتها قائلة:ادخل اقلع هدومك هنا
وانا هاجيلك بس بعد ما تخلص
اوك؟؟
كارم:طب ماتدخلى معايا لازمته ايه بس كل واحد يبقى فى حتة
سحبته الى داخل الغرفة وقالت:وبعدين بقى انت متعب اوى كده ليه
اسمع الكلام بقى من غير ماتتعبنى معاك
اول ما تخلص ناديلى هتلاقينى بقولك شبيك لبيك
ماشى؟؟
كارم:ماشى يا جميل
توجهت ريم ناحية الباب ثم اشارت له قائلة:متتأخرش اوك؟؟
كارم:اوك يا مزة
خرجت ريم بينما ابتسم كارم وهو يدندن واخذ يخلع ملابسه
خرجت ريم الى الصالون واتجهت الى سيف وقالت بصوت منخفض:كله تمام يا سيف بيه الفار وقع فى المصيدة
سيف بصوت منخفض:برافو عليكى امشى انتى دلوقت وبكرة ابقى عدى عليا فى المكتب علشان اديلك بقية فلوسك
ريم:اوك
خرجت ريم بينما نظر سيف الى الرجلين اللذين معه وقال لهما :
جاهزين يا رجالة؟؟
الرجلين:جاهزين يا سيف بيه
بعد لحظات نادى كارم قائلا:انا جاهز يا دودى
مش يالا بقى
اخرج سيف مسدسه وتوجه سيف ناحية الغرفة وركل الباب بعنف ودخل وخلفه الرجلين الضخمين ونظر الى كارم باستهزاء قائلا:واحنا كمان جاهزين
نظر كارم الى نفسه ولم يكن يرتدى سوى شورت ونظر الى سيف بصدمة قائلا:سيف!!!
انت ايه اللى جابك هنا؟؟
سيف وهو يخطوا بخطوات بطيئة وشهر سلاحه ناحيته قائلا:
كنت عارف انك وسخ وان مافيش طريقة تانية هعرف اجيبك بيها غير الطريقة دى
كارم وهو ينظر الى المسدس:ممكن تنزل المسدس ده ونتكلم بهدوء؟؟
بلاش تتهور وتودى نفسك فى داهية
اشار سيف الى رجاله براسه فتحركوا ناحية كارم وامسكوه من ذراعيه
نظر كارم اليهم وقال بصوت مضطرب:انتوا هتعملوا ايه؟؟
سحب سيف كرسى وجلس عليه ووضع قدمه اليمنى على اليسرى باستعلاء ونظر الى كارم قائلا:الرجالة بس هيعملوا معاك الواجب لزوم الترحيب علشان بعد كده نعرف نتكلم على رواقة
مستنيين ايه يا رجالة انا عايز صوته يرن فى ودانى واتمزج بيه
انهال الاثنان عليه ضربا مبرحا
فامسك احدهم ذراعه للخلف واخذ الآخر يضربه فى بطنه ويلكمه فى فكه واخذ يركله بركبته فى بطنه
وسيف ينظر اليه بشماته
كارم بصوت مخنوق من شدة الالم:والله العظيم ماهسيبك
اقسم بالله لاخليك تجيلى راكع وساعتها مش هرحمك
سيف وهو يبتسم باستهزاء:جرى ايه رجالة؟؟واضح ان الضرب مأثرش اوى
انا عايزه يعيط زى النسوان فين الهمة
زاد كل منهم فى ضربه حتى جثى كارم على ركبتيه والدماء تسيل بغزارة من انفه وفمه وخارت قواه ولم يستطع حتى ان يرفع راسه لينظر الى سيف
مال سيف عليه قائلا:جرى ايه يا كارم بيه انت نخيت بسرعة اوى كده ليه؟
دا انا قولت هتاخد فى ايديهم ساعة ولا اتنين
لااااا ده انت طلعت اى كلام بقى
كارم وهو ينهج:ماشى!!
اخذ يتنفس بشدة ثم قال:انا مش هفوتهالك
والله لاخليكى تجيلى راكع وساعتها هخليك تندم على كل اللى انت بتعمله ده
صفعه سيف على وجه بشدة قائلا بصوت غاضب:ماتتكتم بقى!!انت لسة فيك نفس تتكلم؟؟
وبعدين انت كنت فاكر انى هسيبك تفلت بعملتك دى؟؟
اعتديت على بنت عمتى وفى وجودى وخليت الكلاب بتوعك يتلموا عليا ويضربونى
وخطفتها وعذبتها واعتديت عليها لتانى مرة
انت اقذر انسان شوفته فى حياتى
وعلشان انت كلب وندل وواطى كنت هتخلى الكلاب بتوعك يغتصبوها هم كمان مع انها مراتك
انا فى حياتى ماشوفتش اوسخ منك
اتفوووو عليك
مسح كارم التفلة من على وجهه وقال بغيظ:سلمى معدتش مراتى
انا طلقتها خلاص
سيف:وعلشان مبقتش على ذمتك يبقى تسيب رجالتك يعتدوا عليها؟؟؟
انت عارف؟؟
انا هخليك تلحس التراب اللى على الارض
هخليك تتذل زى الكلاب
بس قبل ده ما يحصل هخليك تكتب اعتراف بخط ايدك بكل اللى عملته مع سلمى من اول ما مضيتها على عقد الشراكة لشركة وهمية علشان تورطها معاك فى تجارة المخدرات لحد ماخطفتها
كارم:تبقى بتحلم
سيف وهو يبتسم:تبقى انت اللى مش عارف ايه اللى هيحصلك لو عملت فيها دكر وقاوحت معايا
كارم:اعلى ما فى خيلك اركبه
سيف:مممممممم
واضح كده انك مش هتيجى بالزوق
نخلى الرجالة يشوفوا شغلهم
اشار لهم سيف فانهالوا عليه ضربا مرة اخرى
ولكنه حاول الا يستسلم لطلب سيف وتحمل الضرب المبرح الذى يتعرض له
هنا اشار سيف لهم بالتوقف ثم قال:واضح ان الضرب لوحده مش كفاية
كتفوه
اجلسوه على كرسى واوثقوه بالحبل
كارم بغضب وهو يحاول ان يتفلت منهم:انتوا بتعملوا ايه؟؟
اوثقوه بالكرسى رغما عنه حتى شلوا حركاته تماما
اقترب سيف منه ونظر اليه باستحقار قائلا:عرفت بقى انك من غير الكلاب بتوعك متسواش حاجة؟؟
ممشى وراك بوديجاردات فى كل مكان علشان انت جبان
وعارف انك ندل وواطى وظلمت ناس كتير
ماهو لو انت ماشى بما يرضى الله مش هتبقى خايف على حياتك اوى كده
كارم:احنا نتفاهم احسن لان اللى انت بتعمله ده مش هيجسيب نتيجة ومش هيعدى على خير وانت عارف كويس اوى انا ممكن اعمل ايه
سيف بغضب شديد:انت مش هتلحق تعمل حاجة ياروح امك عارف ليه؟؟
لانى هقتلك هنا
كارم:لو كان على اللى عملته فى بنت عمتك انا مستعد لاى تعويض تطلبه
سيف باستهزاء:تعويض!!
انت شايفنا مش لاقيين ناكل وشحاتين زيك
تعويض ايه يا كلب ده شرف
عارف يعنى ايه شرف؟؟
آه صحيح انا نسيت ان اللى زيك معندوش شرف اصلا فأكيد ميعرفوش
كارم:طب انت عايز ايه بالظبط علشان نخلص من الليلة الزفت دى؟؟
سيف وهو يمرر المسدس على وجه كارم:عايزك تكت ورقة بخط ايدك بكل حاجة عملتها فى سلمى
كارم:بس انت كده هتودينى فى داهية احنا عايزين حل يرضى الطرفين
سيف:ومين قالك ان رضاك يهمنى اصلا انت تعمل اللى اقولك عليه وبس والا والله العظيم هخليك تبوس جذمتى علشان ارحمك وبرده هتنفذ اللى قولتلك عليه
كارم بعند:وانا مش همضى على حاجة حتى لو قطعتنى حتت
تنهد سيف ونظر اليه لحظات قائلا:ماشى!!
اللى انت عاوزه
بس متلومنيش بقى على اللى هعمله
ظل سيف يصفعه بغيظ ومرر اصابعه بحركة دائرية على وجهه ليغيظه قائلا:انا هروقك دلوقت
توجه سيف الى سلك الكهرباء الموصول بالتلفزيون وقطعه وقال للرجلين :هاتهولى هنا
حملوه بالكرسى واخرجوه ثم وضعوه امام سيف
كارم بخوف:انت هتعمل ايه؟؟
سيف باستهزاء:هندخلك كهربا
كارم:كهربا لأ كهربا لأ
سيف وهو يمسك بالسلك:غيرت رايك ولا لسة منشف دماغك
كارم وهو يفكر بحيرة
سيف بصوت غاضب:اخلص
نظر كارم الى السلك بوجه يتصبب عرق ثم نظر الى سيف وكأنه يفكر فى تحمل ذلك
اراد سيف ان يقطع عليه تفكره فوضع السلك على صدره
ظل كارم يصرخ وهو يشد اعصابه من شدة الالم
نزع سيف السلك وقال:هاا؟؟نجرب تانى؟؟
اراد ان يكرر ذلك مرة اخرى فاوقفه كارم وهو ينهج قائلا:
لالالا خلاص هعملك اللى انت عاوزه
ظل يتنفس بسرعة من اثر الالم بينما امرهم سيف ان يفكوه
اجلسوه على الطاولة واعطاه سيف ورقة وقلم ووضع المسدس فى رأسه قائلا:اكتب
مستنى ايه؟؟
نظر كارم اليه بغيظ وامسك بالقلم وكتب ما املاه عليه سيف
سيف:يالا امضى
نظر كارم الى الورقة وهو متردد
سيف:اخلص
مضى كارم فى نهاية الورقة
انتزع سيف الورقة وطبقها ووضعها فى جيبه وقال:برافو عليك
اهو كده بقى اقدر اقول انك عاقل وبتسمع الكلام
يالا بقى يا أمور علشان معاد الدش جه
كارم:دش ايه انتوا مش خدتوا اللى انتوا عايزينه عايزين ايه تانى
سيف للرجلين:حطوه تحت الدش
كارم بغضب جم وهو يحاول ان يتفلت منهم :اوعى انت وهو
بقولك اوعى
حملوه رغما عنه ووضعوه تحت الدش واغرقوه بالماء وقيدوا يديه مرة اخرى واركبوه سيارة سيف بناءا على طلبه
انطلق سيف بالسيارة الى الصحراء فى مكان خالى وانزله من السيارة
وتركه بالعراء وبدون ملابس فلم يرتدى سوى الشورت فقط واثار مياه الدش على جسده
كارم وهو ينظر حوله برعب:انت هتسيبنى هنا؟
سيف:اومال جايبك ليه علشان اشممك هوا؟؟
كارم:ليه؟؟انا مش عملتلك اللى انت عاوزه؟؟
سيف باستهزاء:خلى بالك من نفسك وابقى ادفى كويس علشان ميجلكش برد هاه؟؟
باى
انطلق سيف بالسيارة وترك كارم فى الصحراء وهو موثوق اليدين
ظل ينظر حوله بخوف وكان جسده يرتعد من برد الصحراء
كارم بغيظ:آه يا ابن ال......
اقسم بالله ماهسيبك
.....................................
رجع سيف الى القصر ودخل غرفته فوجد نيرمين نائمة اقترب منها ببطء كى لا يوقظها وقبلها من خدها فقلقت من نومها ونظرت اليه قائلة بصوت فيه خمول:سيف!!انت جيت؟؟اتأخرت كده ليه؟؟انا مستنياك بقالى كتير
سيف:معلش يا حبيبتى كان ورايا مصلحة بقضيها والحمد لله خلصت منها
نيرمين:طب انا هقوم احضر العشا زمانك مأكلتش من الصبح
سيف:لالالا ارتاحى انا كلت
نيرمين:كلت فين
سيف:ماهو انا لما لقيت نفسى هتأخر عملت حسابى وكلت المهم انتى اتعشيتى ولا لسة؟؟
نيرمين:بصراحة مجاليش نفس خالص
سيف بحزن:كده يا نيرمين هو ده اتفاقنا احنا مش قولنا لازم تتغذى علشان صحتك انتى واللى فى بطنك انتى عايزة تزعلينى منك ولا ايه؟؟
نيرمين:ماهوانا كل ما آكل مبقدرش استحمل وارجع اللى اكلته وانا بصراحة مبطيقش اشوف الاكل قدامى
سيف وهو يمرر يده على شعرها:نيرمين!!علشان خاطرى تعالى على نفسك وكلى كويس حتى لو رجعتى مش مشكلة جسمك هيستفيد من الاكل برده الدكتورة هى اللى قالت كده
نيرمين وهى تبتسم:خلاص يا حبيبى هحاول
سيف:طب بما انك هتحاولى انا هخلى زينب تجيبلك العشا لغاية هنا
نيرمين:لالالا ارجوك عديها النهاردة علشان اعرف انام واوعدك من بكرة هعمل اللى قولتلى عليه
سيف:وعد؟؟
نيرمين:وعد
ابتسم سيف وهو ينظر فى عينيها ثم احتضنها بحنان واخذ يمسح على ظهرها
..................................................
استطاع كارم بعد جهد شاق ان يصل الى الطريق الذى تمر عليه السيارات
وانتظر حتى رأى سيارة قادمة من بعيد ووقف امامها وهو يشر بيديه الموثوقتين ربما تقف
وقفت السيارة وطلب كارم من السائق ان يفك يده وان يوصله فى طريقه
الى حيث يريد وسيعطيه المقابل الذى يريده بشرط ان يوصله الى عنوانه
وافق السائق مقابل مبلغ كبير من المال واوصل كارم الى فيلته
بمجرد ان وصل اخذ الهاتف واتصل على فؤاد قائلا:فؤاد!!
عايزك تجيلى حالا ثوانى الاقيك قدامى انت فاهم؟؟
فؤاد:طب فهمنى يا باشا انت عايزنى فى ايه؟؟
كارم:لما تيجى هقولك بس متتأخرش
فى مصيبة حصلت ولازم تيجى علشان نشوف حل ليها
فؤاد:امرك يا باشا
ثوانى واكون عند حضرتك
.....................................
ذهب سيف لزيارة سلمى فى المستشفى فاستأذن من الطبيب ليدخل اليها
طرق الباب بلطف
كانت سلمى حينها مرتدية اسدال الصلاة وهى تصلى فى الركعة الاخيرة
سلمت ثم قالت بصوت هادئ :ادخل
دخل سيف فوجدها تطبق سجادة الصلاة فانبهر من التغير الذى حدث لها فقال وهو يبتسم:ازيك يا سلمى
وضعت سلمى السجادة ثم قالت بصوت هادئ:الحمد لله
ازيك انت يا سيف؟؟وازى نيرمين؟؟
سيف:بخير الحمد لله
اقترب وسحب كرسى وجلس امامها قائلا:انا ملاحظ انك اتغيرتى اوى
واضح انك ابتديتى تقربى من ربنا اكتر
سلمى بصوت حزين:كان لازم اقربله من زمان
جيتله متأخر اوى
سيف:متقوليش كده يا سلمى ربنا بيفرح برجوع العبد ليع حتى ولو بعد عنه كتير المهم دلوقت تكونى اتحسنتى وبقيتى احسن
سلمى:انا هخرج قريب ان شاء الله
سيف بسعادة :طب كويس
اخفضت سلمى بصرها وهى صامتة وكأنها تستحى من النظر الى سيف بعد ما علم ما حدث معها
سيف:سلمى!!!انتى عارفة انا جيتلك النهاردة ليه؟؟
سلمى:ليه؟؟
سيف:انا خدت بتارك يا سلمى
اخرج الورقة من جيبه وقبل ان يعطيها لها قال:
انا عايزك تعرفى انى انا وعمر عمرنا مانسيناكى ولا اتخلينا عنك
صحيح انا مقدرناش نحميكى من الكلب ده بس احنا اخدنالك بتارك منه
اعطاها الورقة وقال:اقرى الورقة دى كده؟؟
اخذتها سلمى وهى لا تفهم شيئا فقرأتها وبعدما انتهت اخفضتها وهى تنظر الى سيف وكأنها لا تصدق
سيف:الورقة مكتوبة بخط ايده وبإمضته كمان
سلمى:طب ازاى؟؟
سيف:بطريقتى الخاصة
انا خليتهولك مذلول زى الكلب
علشان يفكر مية مرة بعد كده قبل مايلمس شعرة منك
اخفضت سلمى بصرها وادمعت عينيها
سيف:وليه الدموع دى بقى؟؟
سلمى:انت متعرفوش زيى انا متأكدة انه مش هيسكت
سيف:كان عندى استعداد اقتله بس لقيته كده كده هيقع وساعتها حبل المشنقة هيبقى مستنيه فمرضيتش اتعب نفسى ولا اودى نفسى فى داهية علشان كلب زيه
بس صدقينى يا سلمى يوم مايقع هخليه يكره اليوم اللى جه للدنيا فيه
ومتخافيش منه تانى انا ماسكه من ايده اللى بتوجعه ومعايا اعتراف بخط ايده بكل اللى عمله فيكى يعنى مش هيقدر يقربلك
صدقينى
سلمى:بس لازم تخلى بالك منه
الراجل ده مش سهل زى ما انت فاكر واكيد مش هيسكت
سيف:ميقدرش يعمل حاجة طول ما اعترافه معايا
سلمى:طب وناوى تعمل ايه بالورقة دى؟؟
سيف:ناوى اديها لخالد وهو يبقى يتصرف
المهم انتى بس شدى حيلك علشان تخرجى وتفرحى مامتك بقى لان من ساعة اللى حصل وهى حالتها صعبة اوى
سلمى:ان شاء الله
