طعنات الغدر والحب بقلم إيمي

الفصل الثانى والسبعون

تنهد كارم وهو ينظر لفؤاد قائلا:تفتكر هيسمع الكلام وهيجيب الورقة وييجى لوحده؟؟
فؤاد:اكيد يا باشا
لو المدام غالية عليه اوى
اكيد مش هيتأخر وهيجيلك لوحده ويترجاك تسامحه كمان
نظر كارم الى نيرمين وهو يفكر للحظات ثم اقترب منها قائلا:
تعرفى يا...
الا انتى اسمك ايه
ظلت نيرمين مخفضة بصرها وهى تتنفس بسرعة دون ان ترد عليه
كارم:مش عايزة تقولى اسمك؟؟
على العموم براحتك يا جميل
تعرفى يا مزة لو جوزك مسمعش الكلام وجاب اللى احنا عاوزينه ولوحده هعمل فيكى ايه؟؟
ولا بلاش خليها مفاجأة احسن
ولما ييجى بقى!!هخليه يبوس جذمتى ويترجانى علشان ارحمه
هخليه يلحس تراب الارض وكل اللى عمله فيا هعمله فيه اضعاف
قرب وجهه من نيرمين وقال بتوعد:هخلى الرجالة يقطعوه حتت وقدامك
علشان يحفظ حدوده بعد كده ويعرف مين هو كارم حسين
نظرت اليه نيرمين للحظة ثم اخفضت بصرها وهى تفكرة فيما يقوله
خشيت نيرمين على سيف مما يدبر له كارم وتمنت ان الا يأتى بمفرده ادمعت عينيها خوفا عليه واخذت تدعوا بداخلها الا يأتى سيف بمفرده
.............................................
عمر لسيف بعد ان علم من سيف مافعله بكارم:كده برده يا سيف!!
هو ده كان اتفاقنا؟؟انا مش اكدت عليك متعملش حاجة لوحدك واننا لازم نكون سوا؟؟
سيف بضيق:يعنى كنت عايزنى اعمل ايه اسيبه يفلت باللى عمله فى سلمى؟؟
ده احنا منبقاش رجالة
عمر:اديك قولت منبقاش يعنى الموضوع يخصنا احنا الاتنين
سيف:يعنى لو كنت قولتلك كنت هتوافق؟؟
عمر:طبعا هى مش سلمى دى تهمنى زى مابتهمك
سيف:وساعتها بقى بدل مايخطف مراتى لوحدى يخطف مراتك انت كمان
مش كده؟؟
سكت عمر وهو يفكر فيما يقوله
سيف:ساكت ليه ماترد
تنهد عمر بضيق وقال:طب خلينا فى اللى هنعمله مالوش لازمة الكلام ده دلوقت
انت هترجعله الورقة؟؟
سيف:ودى عايزة كلام اكيد طبعا؟؟؟
عمر:ايوة يا سيف بس انت عارف الورقة دى ممكن تعمل فيه ايه دى هتوديه ورا الشمس وتريحنا منه
سيف:انت بتقول ايه يعنى عايزنى اتخلى عن مراتى؟؟طبعا!!ماهى لو دى مراتك مكونتش قولت كده
عمر بحزن:كده برده يا سيف؟؟ده كلام تقولهولى؟؟يعنى نيرمين دى متهمنيش؟؟
والله العظيم انا بتألم من جوه كأن مراتى هى اللى اتخطفت لان اللى يوجعك بيوجعنى
انت اخويا يا سيف ونيرمين بالنسبة لى زى ندى بالظبط ويمكن اكتر
سيف بندم:انا آسف ياعمر متزعلش منى انا اعصابى متوترة ولازم تقدر الحالة اللى انا فيها
مراتى حامل ومش هتقدر تستحمل اى حاجة والكلب ده انا مش ضامن بيعاملها ازاى دلوقت وده لا بيراعى دين ولا اخلاق ولا اى حاجة
عمر:طب مش يمكن يكون حد تانى؟؟ماهو لازم نحط جيع الاحتمالات قدامنا
سيف:مافيش...لم يكمل حتى رن هاتفه فاخرجه بلهفة ونظر فيه فوجدها نيرمين فقال لعمر بلهفة :دى نيرمين
فتح عليها بسرعة قائلا:ايوة نيرمين انتى فين يا حبيبتى؟؟
كارم:المدام فى الحفظ والصون يا سيف بيه لحد دلوقت محدش قربلها بس موعدكش انى هفضل صابر عليها كده كتير
انا عايزك تسمع الكلام اللى هقولك عليه وتنفذه بالحرف وبدون تفكير
تجيب الورقة اللى كتبتهالى وتجيلى لوحدك ومش هقولك على العنوان كده على طول الا فى الوقت اللى هحددهولك
بس بأكد عليك تيجى لوحدك لو جيبت حد تانى معاك اى حد مهما كان هخلصلك على المدام
سيف بغيظ وغضب شديد:آه يا كلب يا حيوان
والله العظيم لو لمست شعرة منها لتكون نهايتك على ايدى
كارم ببرود:تؤ تؤ تؤ وبعدين بقى فى قلة الادب دى؟؟
انت كده هتخلينا اقفل ومخليهاش تكلمك
احترم نفسك معايا فى الكلام احسنلك ومتنساش ان صباعك دلوقتى تحت ضرسى يعنى لو استغبيت هستغبى انا كمان وانت عارف انى مبهزرش
حاول سيف تهدئة نفسه وقال:طيب
انا مش هنفعل بس ممكن تخلينى اسمع صوتها؟؟
ارجوك
كارم:هههههههه ماشى
علشان تعرف بس ان انا احسن منك
كارم لنيرمين:عايز يكلمك
نيرمين بصوت يرتعد:الو!!!!
سيف بلهفة:نيرمين
حبيبتى انتى كويسة
حد ضايقك؟؟
نيرمين ببكاء مكتوم:انا كويسة يا حبيبى متقلقش محدش عملى حاجة
سيف:متقلقيش يا حبيبتى انا هنفذلهم كل اللى هم عاوزينه وهرجعك اوعى تخافى طول ما انا موجود
نيرمين وعينيها تدمع:متجيش لوحدك يا سيف دول عايزين...
قبل ان تكمل نزع كارم الهاتف من على اذنها وقال لسيف:مع السلامة هبقى اتصل بيك تانى
سيف:الو!!
الو!!
قفل السكة ابن الكلب
كارم لنيرمين بغضب:ايه اللى انت راحة تقوليهوله ده؟؟عايزة تخليه يجيب معاه حد علشان تودينا فى داهية وياترى عايزاه يجيب معاه مين البوليس!!
انا كنت هبقى جدع معاكى وهخليكى تكلميه تانى بكرة لكن عقابا لكيى مش هسمعك صوته لحد ماييجى هنا
خرج كارم من عندها واوصى رجاله ان يحرسوا المكان جيدا واعطى الاوامر بانهم اذا رأو احدا لا يعرفونه يقترب من هذا المكان دون اذن منه فليقتلوه
ظلت نيرمين تبكى وتشعر بالخوف على سيف وقالت بصوت منخفض وخائف:يارب ماييجى لوحده يارب
يارب نجيه منهم ومتخليش حد يئذيه يارب
.........................
كان خالد جالسا فى مكتبه فرن هاتفه
نظر فيه فوجده سيف
فتح عليه فرد عليه سيف قائلا:خالد!!انا عايز الورقة اللى فيها اعتراف كارم وباسرع وقت وياريت متجيبهاليش بنفسك ابعتها مع اى حد تانى
خالد:انا مش فاهم حاجة ما تفهمنى يا سيف فى ايه مال صوتك وبعدين انت عايز الورقة فى ايه؟؟
سيف:هبقى اقولك بعدين المهم دلوقت تعمل اللى بقولك عليه دى مسألة حياة او موت
خالد بقلق:طب اهدى بس وفهمنى فى ايه علشان اعرف اساعدك
سيف:كارم خطف مراتى وطلب منى ارجعله الورقة اللى فيها الاعتراف ياكده يا هيئذى مراتى وكل دقيقة بتمر فيها خطر على حياتها
انت متعرفش الكلب ده ممكن يعمل فيها ايه
خالد:معقولة؟؟طب هو اتصل بيك وطلب منك كده؟؟
سيف:ايوة اتصل وهددنى
خالد!!ارجوك لو فعلا بتحبنى وقلبك عليا ساعدنى ارجع مراتى
رجعلى الورقة ارجوك نيرمين حامل ومش حمل بهدلة يعنى وجودها عنده وهى فى الظروف دى فيه خطر على حياتها
خالد:طب اهدى يا سيف وانا هتصرف
سيف بغضب شديد:انا مش عايزك تتصرف انا عايزك تبقى بعيد لانك لو ظهرت فى الصورة هيفكر انى بلغت وفى الحالة دى مش هشوف نيرمين تانى
خالد:مش هظهر فى الصورة يا سيف بس انت هتروحله لوحدك؟؟
سيف:اه هروحله لوحدى ده شرطه والا هيقتل نيرمين
تنهد خالد بحزن ثم قال:خلاص يا ياسيف انا هبعتلك الورقة مع حد ميكونش معروف علشان لو كانوا مراقبينك ولا حاجة
بس انا من رأيى انك متروحش لوحدك خلينى افكرلك فى طريقة تاخد بيها حد معاك من غير مايعرفوا علشان لو غدروا بيك تلاقى حد جنبك
بس لازم تقولى هتروحله امتى؟
سيف:مش عايز حد يا خالد انا مش هجازف وآخد حد وفى الآخر مراتى هى اللى تدفع التمن
بعد ان انهى خالد المكالمة تنهد بضيق قائلا:وبعدين بقى يا كارم الكلب حسابك تقل اوى
كلها يومين وتقع فى ايدى بس لو سيف يصبر ويسمع الكلام؟؟
......
نظر عمر الى سيف قائلا:انا هاجى معاك يا سيف
سيف:لأ يا عمر هروح لوحدى لو جيت هيقتلوها
عمر:مش هبان خبينى فى شنطة العربية
سيف:طب افرض فتشوا العربية حتة حتة قبل ما يرجعلولى نيرمين ولقوك ساعتها بقى اعمل ايه؟؟
خليك بعيد يا عمر لو بتحبنى وبتخاف على نيرمين خليك بعيد وانا هتصرف وربنا هيساعدنى ان شاء الله
عمر:اومال دادة فين من ده كله اكيد زمانها عرفت اللى حصل من عم حسين
سيف:لحسن الحظ ان دادة مسافرة علشان تحضر فرح بنت اختها
لو كانت هنا كانت طبت ساكتة
عمر:ربنا يستر ونيرمين ترجع بالسلامة قبل رجوع دادة
سيف:يارب يا عمر
يارب
........................................
وقف ناجى فى الشارع وهو يتكلم فى الهاتف قائلا بصوت منخفض:
ايوة يا خالد بيه انا عرفتلك معاد تسليم البضاعة بالظبط
هيسلموا البضاعة بكرة الساعة 12 بالليل فى المكان اللى قولتلك عليه قبل كده وهيخلوا اشارة التسليم نور العربية
يعنى هيخلوا نور العربية يئيد ويطفى مرتين دى معناها انهم جاهزين للاستلام والمفاجأة ان كارم بيه هيكون حاضر التسليم بنفسه
خالد:انت متأكد ولا هيطلع معاد وهمى وهيفلتوا مننا المرة دى
ناجى:لا يا خالد بيه المرة دى المعاد مظبوط وان شاء الله هيسلموا زى ما قولتلك
تنهد خالد بارتياح وهو يقول:يارب خليها تتم على خير المرة دى ونخلص من اللى اسمه كارم ده بقى
.................................
بينما كان سيف جالسا فى مكتبه وهو يدلك وجهه بحزن شديد
وكان يتذكر جميع اللحظات الجميلة التى قضاها مع نيرمين ادمعت عينيه بصمت فجاءه اتصالا هاتفيا فى تلك اللحظة من خالد ففتح عليه
خالد:سيف!! طمنى مافيش اخبار جديدة ؟؟
سيف:للاسف لأ
خالد:انا جتلى اخبار جديدة دلوقت ومش هينفع اقولهالك بالتفصيل بس كل اللى اقدر اقوله ان بكره ان شاء الله مراتك هتكون عندك وكارم ده هجيبهولك لغاية عندك زى الكلب
سيف:وده هيحصل ازاى؟؟
خالد:ماقولتلك الموضوع سرى ومينفعش اقوله بالتفصيل
انا كل اللى عايزه منك انك تحاول تماطل معاه لو طلب منك تروحله بكره يعنى اتحججله باى حجة قوله مثلا انك لسة بتدور على الورقة واول ماتلاقيها هتوديهاله
سيف:انا لو عملت كده يبقى بجازف بمراتى افرض بقى انه مصدقنيش وعمل فيها حاجة؟؟
خالد:مش هيلحق يا سيف قولتلك بكره هيكون خلاص وقع وساعتها هنقدر نعرف مكان نيرمين من غير ماتدخل عش الدبابير برجليك
سيف:عش الدبابير اللى انت بتتكلم عنه مراتى جواه وانا لا يمكن اتخلى عنها حتى لو كان التمن حياتى
خالد:طب اسمع بس يا سيف
والله العظيم ماهيلحق يعملها حاجة ثق فى كلامى بلاش تروح انا مش مطمن لمرواحك لوحدك وحاسس انه ناصبلك فخ علشان ينتقم منك على اللى عملته فيه
تنهد سيف بحزن قائلا:ايا كان اللى ناوى عليه لازم اروح ومتقلقش هعمل حسابى وهاخد معايا سلاحى
خالد:سيف....
سيف مقاطعا:مع السلامة يا خالد انا مضطر اقفل لانه ممكن يتصل بيا ويلاقى موبايلى مشغول
اغلق سيف الهاتف وهو ينظر الى الهاتف بحزن على امل ان يتصل عليه كارم ليخبره بالميعاد
اتصل خالد على عمر وطلب منه ان يقنع سيف بعدم ذهابه بمفرده وان يصبر لغدا فقط فاخبره عمر ان سيف مصمم على الذهاب وبمفرده وانه تعب من كثرة محاولاته لكى يقنعه بعدم الذهاب بمفرده
بعد مكالمة عمر مع خالد فكرعمر مع نفسه قليلا ثم جاءته فكرة قرر ان ينفذها حتى يساعد سيف على الخروج من هذه الازمة بأمان