طعنات الغدر والحب بقلم إيمي

٣٣و٣٤

عمر:مش كفاية كنتى هتموتيها
عايزاها فى ايه بعد اللى انتى عملتيه

امشى يالا يا عطيات ومتجيش غير لما اتصل بيكى
عطيات:حاضر يا عمر بيه
خرجت عطيات من الغرفة ونيرمين تنادى عليها بتوسل:لا يا عطيات
خليكى علشان خاطرى
جذبها عمر اليه ونظر اليها نظرات حادة وقال:انتى بقى اللى جنيتى على نفسك
انا كنت لطيف معاكى لآخر لحظة
بس الظاهر ان مينفعش معاكى غير الوش التانى
عندما تأكد عمر من خروج عطيات دفع نيرمين على السرير بقوة
وقال:انا بقى هخليكى تكرهى اليوم اللى شوفتينى فيه
خرج عمر من الغرفة واغلق الباب بالمفتاح
نيرمين بصوت متقطع:يارب استر يارب
يارب استر
بعد قليل فتح عمر الباب وهو يمسك بحبل
نظرت نيرمين الى الحبل الذى فى يده برعب وارتعد جسدها واحست انها ستموت من الرعب
قالت بصوت يرتعد وعيناها تنزف خوفا:انت جايب الحبل ده ليه؟
تقدم عمر اليها دون ان يتكلم وامسك بيديها بقوة
نيرمين:الله يخليك يا عمر
الله يخليك متكتفنيش
عمر وهو يوثق يديها:انتى تخرسى خالص
عايزة تموتينى
عايزة تخلصى منى بعد كل اللى عملته علشان
نيرمين وهى تبكى:انا آسفة يا عمر
انا اسفة مش هعمل كده تانى والله خلاص
خلاص يا عمر
خلاص
اوثق عمر يديها ورجليها وربط الحبل فى السرير
نيرمين:يا عمر حرام عليك
انت ليه بتعمل فيا كده
والله العظيم انا تعبت
ماتموتنى بقى وتريحنى من اللى بيحصلى ده
عمر:فهمينى بقى
انت عايزة تعملى فيا ايه بالظبط
هاه؟
عايزة تموتينى
بقى انا انزل اشترى فستان الفرح واجيبلك الشبكة علشان اثبتلك انى شاريكى
وانى بحبك ومرضيتش اقربلك رغم ان مافيش حد هنا يقدر يمنعنى عنك ومع ذلك حافظت عليكى
جايا دلوقت عايزة تهربى منى
ومش كده وبس
كمان عايزة تقتلينى؟؟
بكت نيرمين بشدة وقالت:مكونتش عايزة اقتلك يا عمر انا بس عايزة اخرج من هنا
انا بجد تعبت من اللى انت بتعمله فيا
ومش قادرة استحمل
عمر:وانا كنت عملت فيكى ايه
ما انا سايبك من غير ما اقربلك ومرضيتش أأذيكى
وعرضت عليكى الجواز وعلشان اثبتلك انى مبضحكش عليكى نزلت اشتريت لوازم الفرح وجهزت كل حاجة
فهمينى بقى ليه عايزة تهربى منى وانتى عارفة انى مش هقربلك الا لما اتجوزك
ايه؟
خايفة تتجوزينى واكتشف انك....
نيرمين:انى ايه....
عمر:انك كدبتى عليا وانى مش اول واحد؟؟
نيرمين:كفاية بقى
انت ايه
مبتزهقش من الاسطوانة دى
لما انت شاكك فيا ليه مصمم تتجوزنى ما تسيبنى وخلاص
عمر:اسيبك؟
تبقى مجنونة لو فكرتى انى ممكن اسيبك بعد اللى عرفته عنك
نيرمين:عرفت ايه؟
عمر:لو اتجوزتك وعرفت انك كنتى بتكدبى عليا
انتى متعرفيش انا هعمل معاكى ايه؟؟
فاعترفى من دلوقتى احسنلك
نيرمين:انت مش طبيعى
بجد انت مش طبيعى
عمر:انتى شايفانى مجنون قدامك؟؟
انتى دلوقت تحت ايدى واقدر اعمل اى حاجة ومحدش هيقدر يمنعنى
انطقى
سيف لمسك ولا لأ
نيرمين :وايه الفايدة انى اتكلم وانت مبتصدقنيش
انا قولتلك ميت مرة قبل كده انى مخليتش حد يقربلى
لا سيف ولا غيره
حتى انت انا مش هخليك تعملها ولو ده حصل
انا هموت نفسى
عمربصوت هادئ ووجه متأثر:وتموتى كافرة؟؟
بكت نيرمين وهى تضع كفيها الموثوقين على وجهها بانهيار وقالت:استغفر الله العظيم
استغفر الله العظيم
انت عايز تاوصلنى لايه بالظبط؟؟
تراجع عمر ناحية الباب وجلس على الارض واسند ظهره عليه مطأطئا راسه لاسفل
بعد عدة لحظات رفع رأسه ونظر اليها وعينيه تلمع من الدموع المحبوسة فيهاوقال بصوت حزين:
انتى ليه بتكرهينى يا نيرمين؟؟
انتى الانسانة الوحيدة اللى قدرت تدخل قلبى
ومن بين كل البنات اللى عرفتهم اختارتك انتى علشان تبقى مراتى
انا مكونتش مفكر ان فى واحدة فى الدنيا دى هتقدر تخلينى احبها واتجوزها غيرك انتى
انتى متعرفيش انا عملت ايه علشان اوصلك
انا خسرت اقرب الناس ليا
انتى متعرفيش سيف ده بالنسبة لى كان ايه
خسرته
وخسرت شغلى
خسرت كل حاجة علشانك انتى
بس يا خسارة
كل اللى انا عملته ده مغيرش فيكى حاجة
لسة برده بتحبيه ومش عايزانى
كانت نيرمين تستمع لكلماته وهى تبكى
ولم ترد عليه
ظل ينظر اليها والدموع فى عينيه ثم قال:انا بحبك يا نيرمين
ومش هقدر اعيش من غيرك
نيرمين:انت ليه بتعمل فى نفسك كده
ليه تدمر حياتك بايدك
انت فى ايدك تسعد نفسك وتخرج من اللى انت فيه ده
ادى لنفسك فرصة تحب واحدة تانية غيرى
اختار صح ولو مرة واحدة فى حياتك
تغير وجهه بعد ما سمعه منها وتبدلت تعابير وجهه الحزينة الى نظرات قاسية يخرج منها الشر وقال:
مش هسيبك يا نيرمين
لو فاكرة انك تقدرى تضحكى على عقلى وتخلينى اسيبك تبقى غلطانة
انتى ليا انا
ليا انا لوحدى وبس
ومحدش هيقدر ياخدك منى
قام من مكانه واقترب منها
رفعت نيرمين يدها الموثوقتين وهى تقول:انت بتقرب ليه؟؟
مد عمر يده ونزع حجابها بقوة وهى تصرخ وتقول :حرام عليك
كفاية بقى
القاه بعيدا ومزق ملابسها بيديه وهى تصرخ بين يديه
قرب وجهه من وجهها ونظر اليها وهو يدقق فى عينيها
حاولت ان تبعد وجهها عنه وهى تقول:ابعد عنى
متقربليش
ولكنه لم يستمع لها وقبلها رغما عنها و بعنف
حركت يديها الموثوقتين لتدفعه بها وابعدت وجهها عنه وهى تقول:
هى دى الرجولة انك تعتدى على واحدة ست ضعيفة وكمان مكتفها؟؟
توقف عمرعما عزم على فعله وهو يتنفس بسرعة ونظر الى جسدها الذى يرتعش وزم شفتيه نادما عما فعله ثم تركها وغادر الغرفة
انهارت نيرمين واخذت تبكى بشدة وهى تقول:يارب ريحنى من اللى انا فيه بقى
يارب اموت وارتاح
يارب اموت
انا تعبت
تعبت اوى