18 ROSES: Laws of the Elite || #Wattys2017 Winner [UNDER REVISION]

46TH ROSE || The Petition

46TH ROSE || The Petition

- MICHELLE SUMASTRE -

"Please, don't make me worry again, class president."

Bahagya kong ipinilig ang aking ulo nung sumagi sa isip ko ang sinabi sa akin ni Nathaniel kahapon. Simpleng kataga lang iyon ngunit nagdala iyon sa akin ng malaking palaisipan.

Ginoo ko, naglibog dyud ko. (Panginoon ko, naguguluhan talaga ako.)

Huminga na lamang ako nang malalim at pinilit na lamang kalimutan ang nangyari kahapon. Ayoko kasing magmukhang naiilang kay Nathaniel, baka kung ano'ng isipin no'n at magiging assumera pa ang labas ko nito. Baka trip lang n'yang gawin 'yon at nag-jo-joke lang s'ya. Tama, gano'n lang 'yon. Minsan talaga maloko iyong si Nathaniel kahit madalas seryoso at authoritarian iyon kaya trip lang n'yang gawin 'yon para asarin lang ako.

Habang naglalakad ako papunta sa aming classroom ay agad na nahagip ng mga mata ko ang isang babaeng nakatayo roon. Pagkaaninag ko ay si Lynneth pala iyon.

"Ahm... hello," nahihiyang bati n'ya sa akin.

"Uy, Lynneth! Andito ka pala. Kumusta na ang pakiramdam mo? Okay ka lang ba?" tanong ko agad sa kanya.

Bahagya naman s'yang tumango. "Oo, okay lang ako. Nga pala, kaya ako nandito kasi... gusto kong magpasalamat sa inyo sa ginawa n'yong pagtatanggol sa akin kahapon. Hindi ko lubos maisip na magagawa ninyo 'yon ni President Gatcheco. Bukod do'n, gusto ko talagang magpasalamat sa iyo. Simula dun sa paglibre mo sa akin ng pamasahe hanggang sa pagtanggol mo sa akin kahapon, kahit hindi mo'ko kaano-ano, nagpapasalamat parin ako kasi bukas-loob mo iyong ginawa."

Ngumiti naman ako ng malapad sa kanya. "Naku, maliit na bagay lang 'yun. Tsaka, kahit sino naman gagawin 'yon."

Ngumiti naman s'ya sa akin. "Salamat talaga. Nga pala, papasok ka na?"

"Oo eh. Ayoko kasing ma-late lalo pa't medyo terror 'yung teacher naming Hapon."

"Ay, oo nga pala, si Mr. Ishigawa. Narinig ko ngang medyo terror nga s'ya. Hahaha. Kaya mo iyan!" nag-fist pump pa s'ya.

"Hay naku, sana nga. Hahaha. Sige, pasok na ako ah?"

Tumango naman s'ya bilang tugon.

Akmang bubuksan ko na ang pintuan ng classroom namin at akmang aalis na rin si Lynneth nung biglang narinig ko ang boses ni Quia. "Michelle!"

Napalingon naman kaming dalawa sa kanya at kitang-kita ko pa ang paghingal n'ya. "O, Quia, bakit?"

Agad naman n'yang hinawakan ang dalawang balikat ko. "I heard what happened yesterday kaya agad akong umuwi from Macau para i-check ka. Okay ka lang ba?"

Napakurap naman ako ng tatlong beses bago s'ya sinagot. "O-Oo naman. Okay lang ako."

"Good to hear that. But it's not really the real issue here."

Nagtaka naman ako sa ekspresyon n'ya dahil puno iyon ng pangamba. "Bakit, Quia? Ano bang nangyayari sa'yo?"

"Hindi sa akin, kundi sa tatlong nambully sa inyo kahapon," agad naman n'yang hinawakan ang kamay ko. "You have to see this."

Nagkatinginan naman kaming dalawa ni Lynneth at agad kaming sumunod kay Quia.

Dinala kami ni Quia sa harap ng SSG Office at kitang-kita namin mula doon ang kumpulan ng mga schoolmates namin. Nasa gitna ng kumpulang iyon sina Tric at 'yung lalaking bumuhos sa akin ng pagkain kahapon. Teka, ano'ng nangyayari?

Agad namang lumapit sa aming tatlo si Chantal. "I don't know what happened yesterday but today isn't really that good."

Kumunot naman ang noo ko. "Teka nga muna, ano ba talagang nangyayari?"