18 ROSES: Laws of the Elite || #Wattys2017 Winner [UNDER REVISION]

35TH ROSE || Across His Chinky Brown Eyes

35TH ROSE || Across His Chinky Brown Eyes

- MICHELLE SUMASTRE -

Pagkatapos ng nakakainspire at nakakainlove na pag-uusap namin ni Mark ay dumiretso na ako sa SSG Office dahil sa pinatawag ako ni Nathaniel. Nakatatlong katok muna ako bago ako pinagbuksan ng isa sa mga officers na naroon. In fairness, maganda ang isang ito.

"Yes, may I help you?" magalang at friendly n'yang tanong sa akin.

"Ah, I am Michelle Sumastre. I have an appointment with President Gatcheco," sagot ko sa kanya. At ewan ko ba kay Nathaniel kung bakit nagpauso s'ya ng ganito dito sa Empire Academy eh wala naman kami sa isang kompanya. Tsk.

"Ah! The class president of Class 12-1 and the new Top 1 of Power 20!" tuwang-tuwa n'yang sabi sabay lahad ng kamay n'ya. "I am your huge fan and it's such a great day that I met you personally! Hi! I am Naizze Tiu. SSG's Grade 12 Senator."

Bahagya naman akong tumango at naiilang na tinanggap ang kamay n'ya at humigpit naman ang pagkakahawak n'ya sa akin at nakipag-shake hands. Idol talaga? Ang awkward lang. "Hehehe. Nice to meet you."

"Come in. Kanina ka pa hinihintay ni Pres," pangiting sagot n'ya at sabay kaming pumasok sa loob ng opisina.

"Pres, Sumastre's here," sabi n'ya pagkatapos ay ngumiti s'ya sa akin at nagpaalam na umalis.

Pinaikot naman ni Nathaniel ang swivel chair n'ya at humarap sa akin. "Good afternoon, class pres."

"Magandang hapon din," bati ko sa kanya. "Ano palang kailangan mo sa'kin? Gusto mong ipagtimpla kita ng kape?" 'yun na kasi ang naging usapan namin. Kapag pinatawag n'ya ako, magpapagawa lang s'ya ng kape sa akin. O, 'di ba? Ginawa pa akong utusan ng kumag na 'to? Nakakainis.

"I love too. But first, may iuutos ako sa'yo," sagot n'ya.

Napairap na lamang ako sa hangin dahil sa sagot n'ya. "Hindi naman ako isa sa SSG Officers para utusan mo."

"But you are the 12-1's class president and it is your duty to take the responsibility in 12-1's business," kaswal n'yang sabi.

Bumuga naman ako ng hangin at tinignan s'ya. "Ano naman 'yun?"

Tumikhim naman s'ya at binigay sa akin ang isang kulay gold na folder. Agad ko namang binuksan ang folder at napakunot naman ang noo ko. "Teka, eto 'yung agreement sa event ng acquaintance party ah? Tapos na naming pirmahan 'to eh."

"Yes, tapos n'yo ng pirmahan 'yan with your External Vice President, Secretary and Treasurer. Pero magiging null ang agreement sa event kapag may kulang na pirma. At ang pirma ni Tric Marion Baek, which happens to be your Internal Vice President ang kulang. So all you have to do is to go to his house and let him sign it. Don't worry, I'll excuse you from your class."

"Scoffs. Eh kasi naman hindi talaga namin s'ya napapirma neto dahil nasa Korea at Japan s'ya," sabi ko naman.

"Kaya nga puntahan mo s'ya sa bahay nila para papirmahan 'yan sa kanya. Ayaw mo naman siguro magka-penalty ang Class 12-1 dahil hindi kayo nag-participate sa agreement, hindi ba?"

Napaismid naman ako. Ang galing talagang mamblackmail ng isang 'to. "Tsk. Oo na, oo na. Ge, alis na ako."

Agad naman akong tumalikod. Akmang lalabas na sana ako ng opisina ngunit tinawag na naman n'ya ako. "Sumastre."

Lumingon naman ako sa kanya. "Ano 'yun?"

"My coffee?" he smiled sheepishly. "My creamy white coffee?"

"Hindi ako walking coffee shop," bumuga naman ako ng hangin bago bumalik doon at ipagtimpla s'ya ng kape. Nung ma-satisfy ko s'ya nung ibigay ko sa kanya ang kape ay agad naman akong umalis doon at pumunta sa bahay ni Tric.