HARRISON UNIVERSITY: The School Of Monsters [Published under PSICOM]

Chapter 8: [ Forced decision]

Myrttle's Point of View

ILANG ARAW na rin ang nakalipas mula noong kausapin ako ng ilan sa mga myembro ng Rulers para sumali sa grupo nila. Mabuti na lamang at tumigil na rin ang mga ito dahil wala silang kayang gawin para mapilit ako.

Ang totoo ay wala akong balak salihan ang kahit na ano pa mang mayroon sa school na ito. Hangg't maari, ayokong ma-involve sa kahit na ano. Lalo nang malaman ko ang tungkol sa Legendary Rulers? Ayoko, masama ang kutob ko.

At kung mali man ako, ayoko ring utus-utusan lang ako ng kung sino.

"Xander, kuha mo ko ng tatlong balot ng lahat ng iyan. Dalian mo, hindi ko abot!" Utos ko kay Xander na ginawa naman agad nito pero ang totoo niyan ay gusto ko lang siyang asarin dahil sa pagkapandak niya.

Nandito kami nila Shenny at Xander sa mall para bumibili ng mga pagkain ko. Ubos na rin kasi ang stocks ko sa bahay at hindi ako mabubuhay ng walang gummy worms.

"Grabe! Naubos mo na talaga agad iyong binili ko sayong Gummy worms nung nakaraan? Anong klaseng bituka 'yan Myrttle" sermon ni Shenny na tinalikuran ko lang.

Ang akala niya ba gummy worms lang habol ko? Hindi! Lahat ng makukulay sa Cancy store na ito!

Nang matapos na kami sa pagbili ng stocks ay pinabuhat ko na ito sa pansamantalang driver ko at naghanap ng makakainan.

"I heard some news about the group you're talking about, Myrttle. Harrison University Rulers, right?" seryosong pagbibida sa'kin ni Xander na dahilan upang mapatigil ko sa pagkain at seryoso silang tiningnan.

Nasa isa na kaming kainan ngayon dahil napagod ako kalalakad kanina.

"Spill it."

Nakakatawa lang dahil kahit anong pilit kong palampasin lang ang lahat ng curiosity sa katawan ko'y nagkukusa pa rin itong maghanap ng impormasyon tungkol sa mga Rulers.

He sighed. "Since nauna akong mag-aral dito sa Harrison University. May naririnig-rinig din ako tungkol sa mga Rulers na sinasabi mo. In fact, sila ang inaabangan ng mga estudyante ng University. Kung nakakakita ka ng nagtutumpukang estudyante sa gate. Well, ang rulers ang mga hinihinay nito."

Halata nga.

"Sa pagkakaalam ko'y matagal nang bulong-bulungan ang pagtatalaga sa bagong Rulers. Pero ngayong taon ang opisyal nilang paglabas sa publiko. " dugtong pa nito.

"So you mean, bago lang sila?" singit ni Shenny.

"Yeps, ngayon lang sila lumabas dahil ilang taon run silang nanatili sa loob ng restricted area."

"Restricted Area?" Paglilinaw ko.

"Yes, Restricted Area. They own the other part of Harrison University sa likod ng nagtataasang pader. " Paliwanag naman ulit ni Xander.

This guy never failed me.

But what he says triggers my curiosity more. Dang! Ano nga bang mayroon sa likod ng nagtataasang pader na iyon? Ang nag-iisang daanan papasok sa pader na iyon ay golden gate na napakaraming bantay.

Well, Ilang beses ko na ring sinubukang akyatin o hindi naman ay pasukin ang golden gate. Pero lagi akong bigo dahil sa higpit ng siguridad dito. Nakapagtatakha lang na silang anim lang ang nakapapasok sa lugar na iyon. Ano bang mayro'n?

"Anyway, here are the basic information about them. Nakuha ko lang ito sa fans club nila sa school. They made website for the Rulers Fandom. " Matapos nito ay naglabas si Xander ng laptop at kung ano-ano ang pinindot dito.

Magaling din si Xander sa pagha-hack ng mga accounts at paghahanap ng mga impormasyon. Kaya kung may ipagagawa ako sa kanya, tiwala akong hindi ako nito bibiguin.