HARRISON UNIVERSITY: The School Of Monsters [Published under PSICOM]

Chapter 31 [ The Queens Rule]

BLAISE HARRISON BLAIRE

Dahil sa pagka-excite ay iginugol ko sa pagaayos ng aking sarili ang natitirang mga oras bago ako tuluyang bumaba para kumain. Sobrang nasasabik na akong makita si Mizuki. Kahit pala napakadaming problema ang dumadating sa buhay ko ay may dadating parin para pasayahin ako. At si Mizuki iyon.

"Ipaghanda niyo na ng makakain si Young master!" Utos ni manang Ising sa ibang mga maids.

Habang naghihintay ay umupo nalang ako sa mahabang mesa. Isang lamesa na dati'y punong-puno ng saya pero ngayun? Napakatahimik nito. At lungkot ang bumabalot sa kainang ito dahil ngayo'y magisa lang ako. Ang hirap talaga ng wala si Celine sa bahay, mas nararamdaman ko ang lungkot, mas nararamdaman ko kung gaano tinakasan ng masasayang ala-ala ang lugar na ito...

Si Celine...

Si Celine nga pala?!

What the hell. Anong oras na? Bakit hindi ko pa nakikita si bunso?!

"Manang Ising, nakauwi na po ba si Celine?" Tanong ko dito. Ngunit kinabahan ako ng sagutin ako nito ng nagtatakhang ekspresyon.

"Hindi pa ba nag text sa inyo Young master? Hindi pa po siya umuu—"

"Goood evening Philippines!!"

Nabigla at napalingon agad kami ni Manang Ising sa bukana ng dining room ng ang sigaw na ito ay umatingaw sa buong lugar.

At ito ay ang napakaganda kong kapatid.

Si Celine Harrison Blaire.

Hubog na hubog sa kanyang mukha ang kagandahan ng aming ina. Ngunit ang ngiti nito ay sadyang naiiba. Ngiting nakakapagbigay buhay sa buong mansyon.

Gayunpaman ay sinalubong ko siya ng masamang tingin kasabay ng aking pagtayo at pagpamewang.

"At saan ka galing?" Pagtaas kong tonong tanong dito.

Ngunit imbis na matakot ay masaya lang ulit ako nitong nilapitan at inakbayan. Inakbayan, matapos niyang tumungtong sa isa pang upuan.

"Yahh! Ang panget mo nanaman kuya. Lumabas lang kami ni Kuya Myrko! My new friend hihihi." Sabay talon nya pababa at umupo na sa upuan ko.

And who the hell is Myrko?!

"At sino naman siya?" Walang gana kong tanong dito.

Kuya Myrko?! Bakit? Bago na ba ang kuya niya?! Ako lang dapat hindi ba?

"Well I just met him last week kuya. Wahh ang cute niya kuya. Ang sarap niya sigurong maging kapatid. Ang saya siguro kung magiging dalawa kayong kuya ko!" Tili pa nito na agad kong pinigil.

"Enough."

Ako lang ang pwedeng mong maging kuya Bunso. Ako lang...

Ikaw nalang ang natitira sakin Celine, at ayokong ibahagi ka sa iba. Hindi ako papayag!

"Kuya..." Tawag sakin ni Celine pero hindi ko lang siya pinansin. Umiwas ako sa kanya ng tingin at hindi na nagsalita pang muli.

Nagsimula nang dumating ang mga pagkain at nagsimula narin akong kumain. Buong hapunan ay walang nagsasalita samin hangang sa matapos na ako at tahimik lang ding inakyat ang kwarto ko. Maya-maya na ang laban. At kinakailangan daw naming magpunta doon sa hindi ko mawaring dahilan.

Magulo ang sinabing iyon ni Sakura sa email, but I still trust my Queen, I know she planned something good tonight.

"K-kuya." Nanigas naman ako sa kinatatayuan ko ng biglang may yumakap sakin mula sa likuran ko.