HARRISON UNIVERSITY: The School Of Monsters [Published under PSICOM]

Chapter 55: [Cloud Montague]

MYRKO JOONG

Dere-deretyo lang akong lumabas sa studio kung saan nakatakda sana akong mag photoshoot para sa isang clothing line. Bago pa man tumagal ang kombersasyon namin sa loob ay umalis na ako. Tama na ang isang paliwanag para sa rason ko.

Ikinansila ko ang lahat ng mga nakatakdang projects ko ngayong buwan. Hindi ko na sakanila kailangan pang ipaliwanag ng mabuti kung bakit. Dahil alam naman ng manager ko na sapat nang dahilan si Myrttle para bitawan ito.

Isang lingo, isang linggo na niya akong hindi kinakausap, tinatawagan o kinakamusta man lang. At ito na ang pinakamasakit na bagay para sakin. Ang kagalitan ako ng kambal ko.

Mabilis ko lang na iniharurot ang sasakyan ko ng makita kong nagsisimula na akong sundan ng mga media. I'm sick of being popular to the point na maging ang pribado kong buhay ay aalamin na nila. Dahil kung ako sa kanila, hindi ko na nanaising malaman pa.

Pero kahit na ganoon.

Hindi ko parin bibitawan ang career kong ito. Because being an actor is my only escape to reality. Kung saan ako ang laging bida, at ako ang laging masaya sa huli. Hindi katulad sa kung anong meron sa realidad. Malayong-malayo sa script at scene na ina-aral ko araw araw.

I want to fix this problem first before anything else.

Gusto ko munang ayusin ang lahat sa pamilya ko bago ang sarili ko.

Bago ako lumipad patungong Pilipinas. Minabuti ko munang dumaan sa bahay kung saan kami lumaki ng kambal ko. Isang bahay sa Seoul kung saan pala kami ikinulong ng matagal.

"Young master." Nag bow ang mga kasambahay ng sabay-sabay sakin at ganun din naman ako sa kanila. This was the first time na makita nila ako sa ganitong sitwasyon. Ang maging tahimik at seryoso.

Agad akong pumunta sa kwarto naming dalawa ng kapatid ko. Since gusto ko lagi siyang kasama. Ginusto ko naring magkasama kami sa iisang kwarto.

Natuwa naman ako dahil hanggang ngayon ay hindi parin nila napapabayaang linisin ang kwarto namin. At kahit isa din sa mga gamit na nasa loob ay walang ginalaw. Isa lang naman ang kulang sa kwartong ito ngayon eh, at iyon ay si Myrttle.

Agad akong dumiretso sa walk in closet ng kapatid ko. At napailing nalang ako ng makita ko nanaman ang napaka-ayos niyang gamit. Mula sa kulay nito hanggang sa mga size ng mga gamit niya ay naka-arrange. May isa ding parte ang closet kung saan nakasabit ang ibat-ibang face mask ni Myrttle.

Face mask...

Lolo told her that she needs to wear those mask everytime na aalis siya sa mansyon. Pero tinanggal niya rin naman ito sa pamumuhay niya ng nagdalaga na siya. She doesn't have any idea kung bakit niya kailangang gawin iyon. Pero ako alam ko.

At iyon ay pala ay para mailayo siya ni Lolo sa gulo.

Bata palang si Myrttle ay sinubukan na siyang kuhanin ng hindi pa malamang grupo. Kaya naman bantay sarado ko ang kapatid ko mula noon para hindi na ito maulit.

Chairman Joong is known as the first Giant ng limang kilalang pamilya sa buong mundo. At ito ay base sa yaman nito at sa katanyagan ng pangalan nito sa underground transactions.

Sa aming dalawa ni Myrttle, si Myrttle ang paboritong apo ni Chairman Joong. Na wala namang halaga sakin, dahil sapat na ang kapatid ko para sumaya ako.

Pero ito rin ang nakikita kong posibleng dahilan ng grupong iyon para subukang kuhain si Myrttle. Because they knew that Myrttle may be the weakness of the first Giant. But they failed on stealing Myrttle from us. Dahil imbis na si Myrttle ang makuha nila, si Dayle ang nakuha.