HARRISON UNIVERSITY: The School Of Monsters [Published under PSICOM]

Chapter 65: [The Gift]

DAVIAN YATSUMI

Hininhit ko ang huling buhay ng aking sigarilyo bago pumasok muli sa Head Quarters. Itinago ko naman din ulit sa bulsa ko ang aking baril na ngayon ko lang ulit inilabas. Pero anong gagawin ko? Sino ang tatawagan ko para makahingi ng tulong? Si Big Boss ba o si Gunther?

Agh, wengya sinasabi ko na nga ba at may kakaiba sa eskwelahang ito. Kung bakit ko pa kasi napagdesisyunang matapos muna ang Foundation day na ito bago ako mag report sa Big boss namin eh! Ngayon, makakalabas pa ba ako ng buhay dito? Kaming lahat, makakalabas pa ba kami sa lugar na ito?

Isa akong private investigator na ipinadala sa eskwelahang ito upang bantayan ang mga kahinahinalang bagay na nagaganap sa loob nito. Hindi lang lugar dahil nandito rin ako para bantayan ang kilos ng iisang tao..at iyon ay si Mr. Harrison.

Ang organisasyong kinabibilangan ko ay ang gobyerno. Hindi, mas sekreto pa sa kung anong meron ang gobyerno ang organisasyong kinabibilangan ko. Ito ay ang organisasyong nag mamatyag ng palihim sa mga institusyong hindi na saklaw ng pamahalaan. At kabilang dito ang Harrison University. Mahigpit makapasok sa paaralang ito sa hindi malamang dahilan. Kaya naman nagsimulang magkaroon ng interes ang organisasyon ko rito. Kami ni Gunther ang nakaatas sanang magmatyag at pumasok sa lugar na ito ngunit hindi siya nakapasa sa standard ng paaralan. Well hindi na ako nagtatakha, pangalawa lang siya lagi sakin sa lahat ng bagay. Si Gunther Momither, ang isa sa mga nangungunang tauhan ng aming organisasyon. Kaibigan ko rin ito at katuwang sa lahat ng aming misyon pero dahil hindi nakapasa sa paaralang ito ang engot na 'yun. Ako nalang ang natira dito habang siya ay inaatasan sa ibat ibang lugar para magimbistiga ng ibang mga bagay.

Noong una ay inaakala kong madali lang ang misyon na gagawin ko ngunit hindi pala ito madali. Bukod sa trabaho kong bantayan si Mr. Harrison ay hindi ko rin maiwasang makapansin ng mga ibat ibang mga bagay na nakakapagtakha dito sa loob ng Harrison University. At ngayon lang ako nalinawan sa lahat. Kaya naman pala iba ang pakiramdam ko sa lugar na ito ay nagtatago pala talaga ito ng isang napakalaking sekreto. At maging akong pinakamagaling sa aming organisasyon ay hindi ito nalaman. Kinakailangan ko pang maging SSC President para lang maging inform sa lahat. Hanggang sa isang misyon pa ang ipadala sakin, at ito ay ang pagmamatyag kay Myrttle Joong. Sa kanya ko nadiskubre ang lahat. Dahil mula ng bantayan ko siya ay nagkaroon ako ng clue kung ano ba talagang maaring mayroon sa lugar na ito. Pero nanatili lang akong tahimik dahil gusto ko munang malaman lahat lahat bago gumawa ng aking kilos.

"Yoboseo." Napataas nalang ako ng kilay ng marinig ko si Gunther sa kabilang linya. Oo, si Gunther ang napili kong tawagan dahil alam kong sa Big boss talaga namin ito manghihingi ng tulong.

So nasa Korea pala ang mokong.

" Huwag mo kong Alien'in Mokong ka. Kailangan ko ng tulong mo." Agaran kong sambit dito.

"Oy pareng abo! Kamusta na dyan sa School na yan Haha Tuluyan ka na bang naging nerd? " Pangaasar nito sakin pero hindi ko pinansin.

Tsk, pero hindi ko matiis!

"'Eh, ikaw kamusta ka na diyan tuluyan ka na bang naging talunan?" Bwelta ko dito at narinig ko ang pagsinghal nito.

"Loko ka pre, may bagong misyon ako. Hihi hahanapin ko yung babaeng may pambihirang lakas na nakaingkwentro ko nung nakaraan! Wengya pre! Sinabihan ko siya na maganda siya! Pilipino din pala!! " Natawa naman ako sa sinabi ng thermometer na to.

"Maya ka na magkwento . Tsk masyado ka talagang madaldal." Pigil ko dito. "Tawagan mo si Boss sabihin mo....."

Nanlaki ang mata ko at agad na tinignan ang phone ko at inis kong nakitang may 'x' ng signal nito!