18 ROSES: Laws of the Elite || #Wattys2017 Winner [UNDER REVISION]

35TH ROSE || Across His Chinky Brown Eyes

In-off ko naman ang cellphone ko nung matanggap ko ang message ni Nathaniel na nakasaad ang address ni Tric. Magtetext s'ya ng address eh andito na ako sa bahay ni Tric. Late reaction rin 'tong si Nathaniel minsan.

"Tao po?" sigaw ko sabay doorbell. Nakatatlong 'tao po' at doorbell ako bago ako pinagbuksan ng dalawang guards nina Tric maging ang apat na naka men in black slash bodyguard ni Tric ay naroon.

"What can I do for you, miss?" tanong nung isa sa mga bodyguards ni Tric.

"Ah, hello. I'm Michelle Sumastre, Tric Marion Baek—I mean, Baek Tae Hyun's classmate. I need to talk to him about something related to our school."

Nakabulungan naman ang apat na men in black na kaharap ko at agad namang kinuha nung kausap ko ang cellphone n'ya at mukhang may tinatawagan. Hindi ko rin maintindihan dahil wikang Koreano ang ginamit nila sa pag-uusap. Kainggit. 'Yung bodyguard naka iPhone pa. Tutyal.

Napatingin naman sa akin ang bodyguard na kausap ko kanina pagkatapos n'yang tumawag sa kung sino. "Get inside, miss."

"Kamsanida," sabi ko.

He chuckled. "That's kamsahamnida, Agassi."

"E-Eh? Ah! Oo nga pala. Hehehe. Sorry po. A-Ah, kamsahamnida," naiilang pa akong ngumiti sa kanya kasabay ng pag-bow ko. Tengne, nakakatanga ang Korean.

Agad naman nila akong inescort papasok ng mansyon nina Tric at hanggang ngayon ay naloloka parin ako dahil sa laki, gara at karangya ng mansyon nila.

Nung makapasok na ako, kasama ang mga bodyguards sa enggrandeng sala nina Tric ay agad naman kaming sinalubong ng butler ni Tric na si Mr. Choi sa pagkakatanda ko.

"Hello, Miss Michelle. You visited us again. How are you?" nakangiting tanong n'ya.

Ngumiti rin ako sa kanya. "Okay lang po ako, sir. Hehehe. Ah, andito po kasi ako para makausap si Tric. Ilang araw ko po kasing 'di s'ya nakikita sa school eh may appointment po s'ya sa SSG eh ako po 'yung napag-utusan. Andito po ba s'ya?"

Bahagya naman s'yang tumango. "Yes, Miss. Just go to his room."

"Ah, salamat po. Kasinida—ay I mean, kamsahamnida," sabi ko sabay yuko.

Ngumiti naman s'ya sa akin at nakiyuko na rin. Agad naman akong umakyat sa enggradeng hagdanan nila para puntahan si Tric sa kanyang kwarto.

Matapos kong maligaw dahil nakalimutan ko kung saang banda ang kwarto ni Tric, finally ay nakita ko rin iyon. Inayos ko muna ang hawak kong folder bago kumatok. "Tric? Tric? Tric, si Michelle Sumastre ito kaklase mo. Pwede ba kitang makausap? Importante lang."

Wala akong nakuhang sagot sa kanya. Marahil ay soundproof ang kwarto n'ya. Tatawagin ko sana si Mr. Choi nung wala sa sarili kong pinihit ang doorknob at bumukas ang pinto. "Ay grabe, bukas naman pala ito. Akala ko mamamaga ang kamay ko sa kakakatok eh bukas naman pala ito."

Tahimik lang akong pumasok sa kwarto ni Tric na kasinlaki lang ng bahay ko sa Pagadian. Prsh. Edi s'ya na mayaman. Lumingon-lingon naman ako sa paligid at hinanap s'ya. "Tric? Yuhoo~ Tric andito ka ba?"

Naagaw naman ang atensyon ko nung makarinig ako ng mahinang paghilik. Dumako naman ang atensyon ko sa isang dark green sa single couch na nakatalikod sa akin. Dahan-dahan naman akong lumapit dito at bumungad sa akin si Tric na mahimbing na natutulog. Sa itsura nito ay mukhang kakagaling lang nito sa isang business meeting dahil bukod sa nagkalat sa sahig ang suitcase at folders n'ya ay hindi man lang n'ya magawang magpalit ng damit.