မနက်စောစောတွင် နားနေခန်းသည် လွန်စွာမှ
စည်ကားလျက်ရှိ၏။
လူတိုင်းက မနေ့ညက သရဲမအော်သံအကြောင်း
ဆွေးနွေးနေကြသည်။ သူတို့မအိပ်နိုင်လောက်အောင်
ရုတ်ရုတ်ရုတ်ရုတ် ဖြစ်ခဲ့သည်ဆိုသော်လည်း
အတင်းအဖျင်းကို လူတိုင်းစိတ်ဝင်စားနေကြဆဲပင်။
အချို့လူများမှာ လူမဟုတ်သရဲမဟုတ်
ဖြစ်သည်အထိ မီးလောင်ထားသောမော့ရွှယ်၏
မျက်နှာကို မျက်စိနှစ်လုံးနှင့် မြင်ပြီးကြပြီဖြစ်၏။
သူတို့မှာ ညဘက်ပင်အိပ်မပျော်ချေ၊ မျက်လုံး
မှိတ်လိုက်သည်နှင့် သူမ မျက်နှာက ပေါ်လာလေ
သည်။ ၎င်းက တော်တော်လေးကြောက်ဖို့ကောင်း
သည်။
သို့သော်လည်း တုံ့ယွီအကြောင်း ဆွေးနွေးနေကြ
သူများလည်း ရှိနေသည်။
ဒဏ္ဍာရီလာလိုဏ်ဂူအကြောင်း သတင်းက
အခြေအမြစ်မရှိတာတော့ မဟုတ်လောက်၊
မဟုတ်လျှင် ဤမျှလူအများကြီးကို ဆွဲဆောင်
နိုင်မည်မဟုတ်ပေ။ ယနေ့ထက်ထိ ဤနေရာကို
လူအများအပြား အပြေးအလွှားလာရောက်နေကြပြီး
တုံကျိုးက အင်အားစုများပင်ပါသေးသည်။
လူတိုင်းက ပြင်းပြင်းပြပြဆွေးနွေးနေကြတာ
မြင်တော့ ယူရှောင်းမိုလည်း လင်းရှောင်ကို
တိတ်တိတ်လေးမမေးဘဲ မနေနိုင်တော့ချေ။
"သူတို့ မြေပုံအကြောင်းသိနေတာတော့
မဟုတ်လောက်ပါဘူးနော်"
သူတို့ မြေပုံလေးပိုင်းကို ဆက်ပြီးပြီးချင်းမှာ
ဤသို့သောကောလဟလမျိုး ပျံ့နှံ့လာခြင်းက
တွေးကြည့်လျှင် သွေးရိုးသားရိုးမဟုတ်မှန်း
သိနိုင်သည်။
"သဲလွန်စ များများစားစားမရှိဘူး၊ တစ်ဝက်က
အမှန်၊ တစ်ဝက်ကအတု"
လင်းရှောင်က မြေပဲတစ်တောင့် ခွာလိုက်သည်။
သူ မြေပဲကြိုက်တာမြင်တော့ ယူရှောင်းမိုလည်း
ခွာပေးရင်း မေးလိုက်သည်။
"ဒါဆို မဟူရာချောက်တုန်းက အနက်ဝတ်လူက
ဘယ်အင်အားစုကလို့ထင်လဲ"
သူက လေ့ကျင့်သားပြည့်ဝပြီး ကြံရာတစ်ယောက်
လည်းဖြစ်ရာ အဖွဲ့တစ်ခုမှဖြစ်ရပေမည်။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
Chapter-585
Start from the beginning
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)