LOVING SEBASTIAN GREENE (Published under Sizzle)

Chapter 10.1.2

CHAPTER 10.1.2

ADISON

Nakakainis! All I wanted was for him to apologize and admit he's jealous! But obviously, wala siyang balak gawin iyon. Kung kaya niya akong tikisin, titikisin ko rin siya! Hmp!

Pero nagugutom na ako! Hindi pa naman ako kumain sa school kanina dahil gusto ko sana sabay kaming mag-dinner. Pero nang subukan kong pumunta sa kusina ay nand'un pala siya at kumakain. Hindi man lang ako inalok! Kaya natulog tuloy ako nang walang laman ang tiyan! Nakakainis talaga!

It's seven o'clock in the morning at kailangan ko na bumangon dahil nagugutom na talaga ako! Buong magdamag ko na nga tiniis ang gutom. Sana lang ay tapos na siyang kumain or sana nakapasok na siya sa opisina. Baka kasi mapilitan na naman akong magtiis nang gutom para lang hindi siya makaharap.

Paglabas ko ng kwarto ay agad kong naamoy ang masarap na niluluto ni Tita Norma. Parang soup yata...

Oh my, I am really starving.

I really hoped Sebastian is not there.

"Good morning, Ady," nakangiting bati ni Norma.

Yes! Wala si Sebastian!

"Good morning, Tita..." balik bati ko rin naman at tipid na ngumiti. Lumapit ako sa kanyang niluluto at halos kumulo ang tiyan ko sa sobrang pagkagutom.

"Gutom ka na?"

Tumango ako at hinimas ang aking tiyan.

"Anong oras po ba kayo nagluluto para sa susunod ako na muna ang gagawa?" Hindi ko na siya hinintay na ipagtimpla pa ako ng kape at ako na lang ang gumawa.

"'Wag mo na 'yun intindihin pa, hija. Pag-aaral mo na lang muna ang asikasuhin mo. Ako na ang bahala sa kusina," sabi pa niya sabay kindat.

"Sa susunod nga makikipag-unahan ako sa inyo," biro ko pa.

"Tingnan natin," natatawa rin namang sagot niya.

"Maupo ka na. Ipaghain kita."

"Ako na po."

"Maupo ka na," pagpipilit pa niya atdinilatan pa ako ng mga mata bago nangingiting umiling-iling.

Oh well, alam ko rin namang hindi ako mananalo sa kanya kaya naupo na rin ako sa high stool. May regular dining table naman sila, pero ewan ko ba, parang si Sebastian, trip ko rin ang nakaupo sa mataas. Parang ang sarap kumain.

"Hindi mo ba itatanong si Sir Sebastian sa akin?" mapanukso pang tanong niya.

"Ah, nasaan po ba siya?" pa-inosenteng tanong ko naman.

Alam ko namang obvious na sa kanya na may LQ kami kasi nakita ko pa siyang nagluluto ng dinner namin kagabi. Oh wait, we're not lovers so it's not categorized as lover's quarrel... Hmp!

"Lalabas na 'yun. Maagang kumain," ngingiti-ngiti pang aniya. Alam kong gusto niyang manukso, pero alam ko ring tinatantiya pa niya ako.

Ipinatong niya sa tapat ko ang soup na kanina ko pa naaamoy. Ewan ko kung anong klaseng soup 'to, may mga herbs na ewan. Pero ang sarap sa ilong. And yes, may rice na rin siyang inihain, fried egg at corned beef. Whoa... gutom na gutom na talaga ako!

"Mukhang ginutom ka, a," nakangiting puna pa ni Tita.

Sa halip na magkomento ay ngumiti lang ako. Hindi ako sanay na nagugutom. Mabuti na nga lang kahit medyo malakas akong kumain hindi ako tabain.