[Book 1] Warning: Bawal Ma-fall

26. Jealous-type

26. Jealous-type

Wait up. Sa sobrang pagkabigla ko sa paghila sa akin ni Tyrone ay natulala nalang ako't nagpatangay sa kanya. Gusto kong mag-react pero hindi ko magawa. Ano'ng ibig sabihin nito? Gusto ko rin na sumama sa kanya? Kung papapiliin naman ako kung kanino ko gustong sumama sa pagitan nila Tyrone at Badaf, aba, mas pipiliin ko naman si Badaf, 'no. Tyrone must've been my crush but Badaf is whom I fall in love with. Ay, taray! Mag-monologue ka pa sa utak mo at magpatangay ka lang, Misty. Ginusto mo yan e.

Ginusto? Hindi, ano! Teka. Paano si Badaf? Speaking of Badaf, ba't ko ba siya sinasali sa options ko, e hindi naman niya kami pinigilan?

"Hoy, saglit nga! Misty!"

Or so I thought. AAAAAH!! Gusto kong magtitili nang maramdaman kong may humawak sa free-hand ko sabay hila nang bongga sa akin, pero dahil hawak nga ni Tyrone ang isa kong kamay ay parang naging lubid tuloy ang drama ko ngayon.

"France---" Magsasalita sana si Tyrone pero pinutol agad siya ni Badaf.

"Saan mo siya dadalhin?"

"Magmimiryenda lang kami."

Tinignan muna ako ni Badaf bago kay Tyrone ulit. In fairness, hingal na hingal siya ah. Talagang hinabol niya kami. Yieee. Okay, shuttap, Misty. Anong nakakakilig dun?

"...Sama ako."

Nalipat naman ang tingin ko kay Tyrone matapos sabihin iyon ni Badaf. He may seem not to agree with Badaf coming with us because I saw his forehead creased a little. He must be polite to turn him down. Siguro ako nalang ang magdedecline kay Badaf. So, I broke free from Tyrone's grasp. Nagtaka pa nga siya kaya, nag-'wait' signal muna ako sa kanya sabay sabing; "Just a minute, Tyrone. Excuse lang."

"Okay."

I smiled before I pulled Badaf few meters away from Tyrone. Hawak-hawak pa rin niya ang wrist ko kaya pinalo ko iyon. Kaloka, para akong preso sa hawak niya.

"Badaf, hayaan mo na kami ni Tyrone. Miryenda lang naman e," bulong ko sa kanya.

Kumunot naman ang noo niya. Nakita ko tuloy yung butil ng pawis na nandun. Gusto ko sanang punasan kaso ang clingy ko naman kung ganun. I am clingy pero noon yun nung wala pa akong gusto sa kanya. "Ba't ayaw mo akong isama? Chararat ka talaga."

"Hello! Ililibre niya yata ako e, tapos sasabit ka?"

Nag-roll eyes siya. "So, nagtitipid? Hanggang dalawang tao lang ang budget niya? Juskobels. Walang datung? Pakisabi ako nalang manlilibre sa inyong dalawa. 'Di ko naman hinahangad na ilibre niya ako e."

This time, ako naman ang nag-roll eyes. Akala niya siya lang ang marunong. Duh. "Mahiya ka naman. Ako lang kaya ang niyaya," sabay halukipkip ko na may kasamang mapang-asar na ngiti.

Sinundot naman niya ang noo kaya napa-'ah!' ako at palo sa kamay niya. "'Wiz ka na ngang sumama sa kanya. Tomjones ka ba? Edi lalafang tayo. Saan mo ba gusto?"

Ba't ba ayaw niya akong pasamahin kay Tyrone? Nagtataka na ako ah. Hindi naman siya ganito dati. Tinaasan ko nga siya ng kilay. "Why don't you just let me go with Tyrone?" I asked on a serious tone.

Pasimple muna siyang tumingin sa likod ko sa direksyon ni Tyrone at saka siya tumingin sa akin. Medyo nilapit pa nga niya yung mukha niya sa akin as though he's about to whisper something. "I don't trust that guy," he said, stressing every word he said.

Tinawanan ko lang siya at napailing nalang ng ulo. What's with the sudden impression? "Ewan sayo, Badaf. Talk to you tonight on Facebook. Ingat sa pag-uwi."

"Misty."

Hindi ko na siya pinansin at tinalikuran nalang siya para balikan na si Tyrone nang marinig ko siyag magsalita ulit...