I Wish It Was Me (Book 1)

Chapter 24

"Jacob, ibaba mo nalang kaya ako. Hindi naman na masyadong masakit ang paa ko," sabi ko, pero nagpatuloy lamang siya sa paglalakad.

"No," tipid niyang sagot.

Feeling ko talaga ay nahihirapan na siya sa pagbubuhat sa akin, sa layo ng tinakbo namin ay hindi ko rin alam kung saan banda ng camp itong napuntahan namin.

Tumigil siya sa paglalakad at inayos ang pagkakabuhat sa akin.

"Sorry talaga."

"You will pay me for this."

"Ano? Wala naman sa usapan 'yan ah," agad kung sabi.

Siya ang nagsabi na bubuhatin ako tapos gusto niyang bayaran ko siya.

"I am not talking about money, Samantha," seryoso niyang sabi.

"Eh ano?"

"Grant me a wish."

Laglag ang panga ko.

Ano na naman ang balak ng lalaking 'to?

"Ano ba 'yan?" tanong ko

"Well, hindi ko pa sasabihin ngayon," at saglit akong nilingon.

"Siguraduhin mong madali lang 'yan."

Mas lalo kung hinigpitan ang pagkapit sa kan'yang leeg pero sa paraang hindi siya masasakal.

Ilang minuto ang lumipas pero walang nagsalita sa aming dalawa kaya napatikhim ako.

"Matanong ko lang bakit sa tuwing nakikita kita lagi kang tulog, hindi ka ba natutulog sa bahay niyo?" basag ko sa katihimikan.

Mahina siyang natawa sa sinabi ko, napaismid ako dahil wala naman nakakatawa doon sa tanong ko.

"Because it's my hobby," sagot niya.

"Hobby ba 'yun? Kahit sa school natutulog," sarkastikong sabi ko.

"School is boring," balik niyang sagot na dahilan ng pagpingot ko sa kan'yang tenga.

"Ano? Anong boring?! Kung ayaw mo pala mag aral edi sana hindi ka nag enroll, nagsasayang ka lang ng pera."

Napahinto siya sa paglalakad at tinanggal ang kamay kung nakahawak sa tenga niya habang natatawa.

"Just kidding!" aniya habang natatawa pa rin.

"Bakit ikaw hindi ko malaman kung ano bang ugali ang meron ka, minsan amazona minsan hindi," muli kung hinila ang tenga niya dahil sa sinabi niya.

Trip din ata ng lalaking ito na mang inis.

"Kung ako talaga nakakalakad ng maayos baka kanina pa kita sinapak ng paulit ulit," inis na sabi ko.

Napairap ako dahil hindi siya matigil sa kakatawa.

"Jacob!"

Sabay kaming napalingon sa taong tumawag sa kan'ya at nakita namin si Harvey na kasama si Klea at nanlalaki ang matang lumapit sa amin.

"Anong nangyari?" tarantang tanong ni Angel at tinitigan kaming dalawa.

Tinapik ko ang balikat ni Jacob, senyales na ibaba ako.

"Nadapa kasi ako at pinulikat kaya hindi ako makalakad ng maayos," sagot ko habang inaalalayan pa rin ako ni Jacob.

"Masakit pa ba?"

Agad akong umiling at nagpatuloy sa paglalakad habang akay akay na ako ni Angel habang si Jacob ay nakaalalay din sa likod ko.

Habang papalapit sa Camp ay napapatingin ang iba sa amin at napapatanong kung anong nangyari.