I Wish It Was Me (Book 1)

Chapter 27

Inusog ko ang aking upuan dahil kanina pa itong si Mateo na hindi makapakali sa kan'yang upuan at panay pa ang pagsipa sa upuan ko.

"So, turn your books into page 201 activity 6," ani ni Ma'am Carol, ang Prof namin sa income taxation kaya kinuha ko na ang libro ko sa bag at agad iyon binuklat.

Habang nagsusulat si Ma'am sa blackboard ay binabasa ko ang pinapagawa nilang activity ng magvibrate ang cellphone ko, napatingin ako kay Ma'am na busy pa rin nagsusulat kaya agad kung kinuha ang cellphone ko at tinakip ang libro doon para walang makakita.

Mateo:
Do you have ballpen? Can I borrow please?

Napakunot noo ako, ballpen?

Mabilis ko siyang nireplayan.

Ako:
Wala akong ballpen.

Kahit na ang totoo ay meron talaga, baka mamaya ay magtaka ang iba kung bakit ko siya aabutan ng ballpen.

Humarap na si Ma'am kaya agad kung tinakpan ang cellphone ko gamit ang libro.

Nakinig lamang ako sa discussion ng maramdaman kung muli ang pagvibrate ng cellphone ko.

Mateo!

Inilibot ko ang tingin ko at seryoso silang lahat na nakikinig, gamit ang kanang kamay ay kinuha ko ang cellphone ko sa ilalim ng libro at agad iyon inilagay sa lap para buksan ang mensahe niya.

Mateo:
Damot : (

Muntik na akong matawa buti nalang ay agad ko iyon napigilan dahil sa reply niyang may emoji pang nalalaman.

Napailing iling ako sa aking sarili at pinigilan ngumiti dahil sa pinaggagawa niya. Hindi na ako nagreply sa kan'ya para tumigil na  siya kakakulit sa akin at nakinig nalang.

Lumipas muli ang ilang araw ay mas lalo na ang kulit ni Mateo sa akin, minsan ay may pakiramdam kung may nakakalahata na sa amin dahil lagi niya akong kinukulit sa klase, hindi ko lubos akalain na ganito pala siya. Natatawa nalang ako minsan sa pinaggagawa niya.

Kahapon lang ay nagkaroon ng biglaang recitation at siya ang natawag, sa pag aakalang hindi niya masasagot ang tanong ni Ma'am ay nagulat ako ng masagot niya iyon ng maayos, buong akala ko ay sa pangugulo niya sa akin ay hindi siya nakikinig.

"Ang talino mo pala eh bakit hindi mo ako turuan sa income natin, baka 'yun ang dahilan para hindi ako makagraduate sa third year," biro ko habang nasa rooftop kaming dalawa dahil nasaktuhan namin na walang tao dito ngayon.

"I can teach you, but I don't know if I can make it right because I am distracted into your beauty," hinampas ko ang kan'yang braso.

"Saan ka ba natututong magsabi ng ganyan?" natatawa kung sabi.

Ngumisi siya. "Secret."

Muli kung hinampas ang braso niya at pinagmasdan ang mga estudyante sa baba.

Inilabas ko ang cellphone ko ng may maalala na gawin, pumunta ako sa contacts at pinindot ang pangalan niya at binura ito, kinagat ko ang aking labi habang pinapalitan ito ng bago.

"What are you doing?" tankang tanong niya kaya agad kung ipinakita sa kan'ya ang ipinalit kung pangalan niya.

"My boyfriend," banggit niya at mas lalong lumawak ang ngisi niya at inilabas niya rin ang kan'yang cellphone at ipinakita ang pangalan ko doon.

Uminit ang pisngi ko ng makita ang nakalagay.

"Say it," aniya pero umiling ako dahil nahihiya akong sabihin iyon. "Come on." mas lalong lumaki ang ngisi niya.

Naningkit ang mata ko sa kan'ya dahil hilig niya na talaga akong asarin.

"Bumaba na tayo at next class na natin," sabi ko.