HALIK SA HANGIN (BXB 2020)

HSH SEASON 3: PART 47

HALIK SA HANGIN PART 47: HALIK SA HANGIN

ZIDERICK

ISANG buong Linggo akong ginugulo ng aking isipan at paulit-ulit kong naririnig sa isip ko ang sinabi ni Sky sa akin.

"Mahal pa rin kita at sa pagkakataong ito ay hindi ko na hahayaang mawala ka pa uli."

Iyon ang eksaktong sinabi niya sa akin kaya naman napasandal na lang ako sa pader ng aming building bago ako naglakad papasok sa aking sasakyan. Pag-start na pag-start ko ng engine ay nag-pop up ang text message mula sa numero ni Sky. At kung paano niya nakuha ang number ko ay dahil kay Direktor Jang.

"I miss you." Ang pagbabasa ko ng mensahe niya at natawa na lang ako dahil hanggang ngayon pala ay joke pa rin ang dating ko sa kanya. Hindi na ako 'yung Zide na basta-basta maniniwala sa kanya.

Bwiset na bwiset ako kay Sky dahil sa pangungulit niya sa akin simula noong makuha niya ang numero ko dahil kada oras ay may-chat siya sa akin. Kala mo talaga ay madadala ako sa gano'n. Lolo niya lokohin niya.

---
"Are you okay?" Tanong ni Generson habang nakaupo kami sa sea wall. Ito ang isa sa plano ko na ngayon pa lang ay umuusig na agad sa konsensya ko.

"Oo naman!" Sabi ko sabay hawak sa kamay niya. Buti na lamang talaga at naka-hoodie kaming dalawa at face mask kaya't mahirap ma-identify kung sino kami. Mahirap na, baka ma-issue kami sa Nation Television.

"Mabuti naman," sagot niya.

"Ang ganda ng langit, 'no? Bughaw na bughaw at payapang-payapa. Tamang-tama para sa kakalmahan ng alon," pagsasalaysay niya bigla kaya namangha ako sa talinhaga niya. Hindi ko alam na may ganitong side pala siya.

"Oo nga eh. Ang ganda." Sabi ko at nagkatinginan kami bigla.

"Nga pala, Zide. Maiba tayo," aniya. "Bakit pala bigla kang nagyaya rito. Okay lang bang malaman ko 'yung reason?" Tanong niya at doon na ako napalunok ng malaki.

"Let's meet halfway, Generson." Sabi ko.

"Anong ibig mong sabihin?" Tanong niya.

"Kilalanin natin ang isa't-isa. Let's date, formally." Sabi ko at naubo siya bigla at napahawak siya sa balikat ko bago tumayo.

"Talaga? Kurutin mo nga ako sa abs, baka nananaginip lang ako," sabi niya at pinisil ko siya sa kamay niya at nagsisigaw niya na parang bata at sobrang saya niya sa aking palagay.

"WOOOOOOOHHH!" Iyon ang sinisigaw niya at napapatingin na ang ibang tao sa kanya dahil sa ingay niya.

"Ano ba 'yan, ang ingay naman. Parang bano!" Reklamo ng isang babaeng nag-e-emote sa 'di kalayuan.

"Miss, sorry. Masaya lang!" Sigaw na sagot ni Generson at tingnan ko siya at hinawakan ko siya sa kamay para maupo na.

"Zide, salamat! Pinasaya mo ako, sobra." Sabi niya at napakamot na lang ako sa kilay nang halikan niya ako sa noo.

"Hindi ka ba nahihiya sa mga nakakakita sa'tin? Baka anong sabihin nila," wika ko matapos niya akong halikan pa ng isa sa noo.

"Eh ano naman? Isipin na nila ang dapat nilang isipin dahil wala naman silang ambag sa buhay natin. Bakit pati ako mahihiya eh mahal kita?" Diretsahan niyang sagot na para bang sinasabi niyang proud na proud siya sa akin. Iyon ang bagay na hindi napakita ni Sky sa akin dahil tago ang relasyon namin. Kumbaga sa movie at "hiram na sandali" lang mayroon kami noon.

Bakit ko nga ba iniisip na naman ang lokong 'yon?

Noong matapos ang aming panonood sa alon at dapit-hapon ay sandali naming tinanggal ang aming aming mask ay hinalikan ko siya sa labi bago kami pumasok sa kotse niya. Para siyang natameme sa ginawa ko. Bagama't mabilis lang iyon ay iba pa rin ang epekto no'n sa kanya kaya tinapik ko siya.

"Gen? Wuy! Okay ka lang?" Sabi ko at bigla niya akong hinalikan ng isa sa pisngi kaya natawa ako dahil para siyang batang aliw na aliw sa kaniyang nararamdaman.

"Hindi ka magsisisi sa'kin, Zide." Sabi niya habang inaayos ang kaniyang seatbelt niya. Nakakatuwa siya dahil pinagbuksan niya pa ako ng pinto at pinagkabit niya rin ako ng seatbelt. Pakiwari ko tuloy ay isa akong dilag bagama't hindi naman.

Imbes na sumagot ay tiningnan ko lang siya ng makahulugan bago ako ngumiti.

Masaya ang naging mini date ni Generson kaya naman pagbaba ko ng kaniyang sasakyan ay hinalikan ko pa siya ng isa sa pisngi dahil deserve niya iyon.

"Zide, salamat sa oras! Sa susunod uli." Aniya.

"Sa'yo rin. Ingat ka, ha? Text mo ako kapag nakauwi ka na." Pahabol kong sagot at pinanood ko siyang umalis lulan ng kaniyang kotse.

Pagtalikod na pagtalikod ko ay biglang may humila sa akin at kitang-kita ko ang galit sa mga mata ni Sky kaya naman binawi ko ang kamay ko at nagsimula akong maglakad.

"Zide, sino 'yon? Boyfriend mo ba 'yon?" Tanong niya at hindi ko siya nilingon. Ayokong makipag-usap sa kaniya. Pero likas sa sa taong 'yon ang katigasan ng bungo.

"Zide!" Tawag pa niya.

"May ubo ba ang utak mo o tanga ka lang?" Sabi ko pagharap ko sa kanya. "Wala ka ng pakialam sa buhay ko. Matagal ka ng burado sa isip ko," sabi ko pa kahit mabigat iyon sa dibdib.

"Tell me, boyfriend mo ba 'yon?" Tanong niya at napangiwi ako sa tanong niyang iyon.

"Uulitin ko, Sky. WALA. KANG. PAKIALAM. SA. BUHAY. KO!" Singhal ko sa kanya.

"Sagutin mo na lang 'yong tanong ko," sabi niya ng may diin. Siya pa talaga ang may ganang magalit sa'kin? Tigas naman ng muka niya.

"Tigas din naman talaga ng muka mong tanungin ako ng ganyan eh. Lakas mong mang-good time, Sky. Awit na awit ako sa'yo! Pagkatapos mo'kong iwan, babalik ka ng may girlfriend? Ang lakas mo! Araw-araw hinihintay kita kasi baka dumating ka na. Pero alam mo, sana hindi ka na lang uli bumalik dahil ginugulo mo na naman ang buhay ko. Tsaka, hindi mo ako katulad. Hindi ko ugaling mangako ng hindi ko tinutupad!" Nanggagalaiti at naiiyak sa galit kong bwelta sa kaniya kaya naman natigilan siya bigla at napatitig na lang siya sa akin habang unti-unti lumuluwag ang pagkakahawak niya sa aking kamay.

"Natameme ka kasi gago ka! Puro ka pangako! Puro ka matatamis na salita eh wala ka naman palang bayag! Mas mabuti pang hindi kita nakilala eh. Nagsisisi na akong naghintay pa ako sa'yo. Ikaw ang pinakagago sa lahat ng gagong nakilala ko. Tsaka saan ka humuhugot ng lakas ng loob para magtanong sa akin kung boyfriend ko ba 'yong kasama ko kanina? Lakas talaga ng tama ko. Wala kang karapatan dahil noong sandaling sinabi mong may girlfriend ka, tinapos ko na ang lahat sa'tin. Hindi na ako para humawak pa sa relasyong ako na lang pala ang may alam." At tuluyan ng pumatak ang mga luha ko dahil sa halu-halong emosyon na dinadala ko.

Akmang magso-sorry siya pero pinigilan ko siya.

"Kung magso-sorry ka ay huwag na. Nasaktan mo na ako at napaikot. Masaya ka na bang naging miserable ang buhay ko dahil sa'yo? Minahal lang naman kita ah? Masama ba 'yon? Masama ba!?" Sigaw ko at akmang hahawakan niya akong muli kaya umatras ako at pinunasan ko ang mga luhang lumalandas sa aming mga mata pababa sa aking baba.

"Sasagutin ko ang tanong mo kung boyfriend ko ba si Generson," panimula ko.

"Oo. Boyfriend ko si Generson at masaya ako sa kanya kaya ngayong alam mo na, layuan mo na ako. Patahimikin mo na ang mundo ko. Bitawan mo na iyong role bilang kapareha ko sa movie at sa buhay ko. Hindi ka masarap mahalin. Puro sakit lang ang pinaparamdam mo sa'kin. Simula noon hanggang ngayon, umiiyak pa rin ako dahil sa'yo." Sabi ko at niyakap niya ako ng isa.

"Hindi ako naniniwala. Alam kong mahal mo pa rin ako kaya gagawin ko ang lahat para bumalik ka sa'kin. Hindi mo alam kung gaano kita kagustong yakapin, halik-halikan at angkinin noong nakita kita. Zide, mahal na mahal na mahal pa rin kita at gusto kong malaman mong kaya ko iyong patunayan." Aniya at nagkumawala ako sa pagkakayakap niya.

"Hindi na, Sky. Okay na sa akin ang humalik sa hangin kaysa patuloy na saktan ang sarili ko dahil sa pagmamahal ko sa'yo," sabi ko at iniwan ko siyang nakatayo roon sa parking are.

Hanggang ngayon, ikaw pa rin, Sky pero hindi na mahalaga iyon dahil ang lahat ng iyon ay katangahan at pawang halik sa hangin.

Itutuloy..