HALIK SA HANGIN (BXB 2020)

HSH PART 13

HALIK SA HANGIN PART 13: KAIBIGAN

ZIDERICK

"ZIDE, ako na r'yan." Ani Sky.

"Ako na. Magaan lang naman 'to." Sagot ko at pinagpatuloy ko ang pagbubuhat ng kahon na may lamang mga groceries niya. Hindi na kami tumuloy sa pamamalengke sa Wet/ Public Market dahil sa nangyari kaya naman sa isang Super Market na lang kami namili.

"Sigurado ka d'yan, ha?" Aniya at pinasan naman niya ang dalawa pang kahon ng walang kahirap-hirap. Iba talaga ang advantage ng malalaking tao.

"Okay na. Nasa loob na lahat ng pinamili natin." Wika ni Sky kaya naman parehas kaming naupo sa sofa at binuksan ko ang bentilador at itinapat ko iyon sa aming dalawa. Hinubad ko na rin ang damit ko at medyo inaantok ako kaya naman ipinikit ko ang aking mga mata habang nakaupo ako. Mayamaya ay nagulat ako nang tapikin niya ako at pinahiga niya ako sa hita niya at hindi na ako nahiya dahil ganoon din si Jepoy sa akin sa Probinsya kapag tumatambay kami sa kanila.

"Sorry sa abala." Aniya at inayos ko ang sarili ko sa paghiga sa hita niya at naamoy ko ang kaniyang amoy na lalaking-lalaki. Nakakadala iyon kaya naman iminulat ko ang aking mga mata at nakita kong nakapikit siya at maigi kong pinagmasdan ang kaniyang hitsura. Naalala ko tuloy kung paano niya ako kinainisan at binully nitong nakaraang Linggo at heto kami ngayon, para na kaming magkapatid. Posible pala 'yon, 'no? 'Yung maging close kayo ng taong hindi mo pa naman lubusang nakikilala.

"Sky, salamat!" Mahinang bulong ko sa hangin at ipinikit kong muli ang aking mga mata at dala na rin ng antok at mabilis akong nakatulog.

Mainit ang aking pakiramdam nang magising ako at nakita kong tulog pa rin si Sky kaya naman nagtangka akong umupo pero hinawakan niya ako bigla sa muka at nilamutak niya pa ito.

"Sky!" Sigaw ko habang tatawa-tawa lang siya.

"Ang cute mong matulog. Sobrang tahimik." kwento niya at ipinakita pa niya sa akin ang larawan kung saan pisil pisil niya ang aking ilong at mayroon ding naka-peace sign siya sa muka ko at mayroon ding kasama ko siya sa larawan.

"Cute?" Natatawa kong tanong at sinuntok ko siya ng pabiro sa braso at bigla kong naalala na may klase ako ng two-thirty.

"Anong oras na?" Tanong ko sa kanya bigla.

"Three-thirty." Aniya at napakamok na lang ako sa ulo at dahil nakahiga pa ako sa hita niya at bigla ko siyang kinagat doon kaya napasigaw siya sa sakit.

"Arayyyyy!" Aniya at napaupo na ako ng wala sa oras.

"Bakit hindi mo ako ginising?" Tanong ko sa kanya at piningot ko pa siya sa tenga. Buti na lang at hindi siya gumanti.

"Ang sarap sarap ng tulog mo kaya hindi na kita inabalang gisingin." Sabi niya kaya wala na rin akong nagawa kundi ang ipikit ang mata ko at huminga ng malalim. Isang absent lang naman, wala naman sigurong epekto 'yon sa scholarship ko.

"Zide, itlog ka ba?" Tanong bigla ni Sky.

"Bakit mo naman naitanong?" Sagot ko.

"Bugok ka kasi." Aniya at tumaw siya na parang ewan at nakahawak pa siya ng tiyan niya habang ako naman nakasimangot at nag-iisip.

"Eh ikaw, itlog ka ba?" Tanong ko pabalik.

"Sarap mo kasing basagin." Sagot ko at sinamaan ko pa siya ng tingin.

"Gumaganti. Ito last na. Itlog ka ba?" Tanong niya.

"Bakit na naman?" Iritable kong sagot.

"Ang sarap mo kasing kainin." Aniya at naasiwa ako sa sinabi niya habang siya at parang tanga na tatawa-tawa sa sarili niyang joke.