Lady of the Blue Moon Lake

Chapter 10: Unexpexted visitor

Sa isang airport...

Makikita ang pagdating ng isang babae mula sa ibang bansa. Isa syang balik-bayan at kapansin pansin na malaki ang pagkakahawig nya kay Leo.

----------

Dahil sabado ngayon ay bumabawi sina Sagi at Leo sa mga gawaing bahay. Kahit kasi sinabi na ni Lilian na sya na ang bahala dito ay gusto pa rin ng dalawa na tumulong. Ang sagwa naman siguro kung hindi nila tutulungan ang babae kapag may oras naman sila. Parang lumalabas tuloy na inaalila nila ang babae.

Nagsasampay na si Leo ng mga nilabhan nyang uniporme nila ni Sagi. Siya ang naglaba samantalang si Sagi naman ang namalengke. Syempre kasama ni Sagi si Lilian, may misyon ang babae eh.

"Kung sasama ka lang rin naman pala sa akin ay sana ikaw na lang ang namalengke."yamot na sabi ni Sagi.

"Wag ka ngang ganyan Sagittarius! Akala ko ba gusto nyo muna akong magpahinga sa mga gawaing bahay, eh bakit gusto mo na ako ang mamalengke?"- nakasimangot na sabi ni Lilian habang kumakain ng ice cream.

"Yun na nga! Pahinga mo ngayon! Tapos sumama ka naman. Dapat nagpapahinga ka sa bahay at nanonood lang ng T.V."

"Well, pahinga sa gawaing bahay at hindi sa pagbabantay sa'yo."

Napailing na lang si Sagi. Wala talaga syang magagawa para tigilan ng babae kahit sandali lang ginagawa nitong pagbabantay sa kanya.

Nagliligpit naman na si Leo ng mga ginamit nya sa paglalaba ng tumunog ang doorbell. Naisip nya na baka dumating na ang dalawa ngunit nagtaka naman sya dahil bakit nagdoorbell pa ang mga ito.

"Oh, Sagi ang bilis nyo n--"

"Hi, Leo!"

"A-Ate Eneri?!"

---------------

Halos malapit na ring matapos sila Sagi sa pamamalengke. Pupunta na lang sila sa isang meat shop na sinasabi ni Leo na magaganda daw ang panindang karne. Sa paglalakad nila Sagi ay may nadaanan sila isang boutique. Napahinto naman si Lilian dahil sa nakita nyang magandand damit na nakadisplay sa boutique.

"Woooooow. Ang ganda naamn ng damit na iyon." bulong ni Lilian at lumapit sa salamin na bintana ng boutique.

"Hmm? Hoy, ano bang ginagawa mo diyan?" tanong ni Sagi kay Lilian ng mapansin nyang huminto ang babae sa paglalakad.