Monstrous Academy 2: Chasing the bad girl [EDITED]

Chapter Thirty seven

37: She’s awake.
-

“Ground Zero? Ito ba ‘yong battle ground ng mga gangster?” Tanong ko at tumango naman siya. Mabilis akong nilapitan ni Chloe nang makita niyang humarap sa amin ang grupo ni Josh.

“Hi sweetiㅡ” Mabilis kong nasiko ang mukha ni Kevin nang akbayan niya ako.

“Stop messing around, Kevin!” Singhal ko, akma ko pa sana siyang susuntukin pero pinigilan na ako ng mga kasama ko bago ko pa magawa. Damn it!

“What the hell?” Reklamo ni Kevin habang nakahawak sa ilong niyang nagdudugo na.

“Kaibigan? Sinasabi mong kaibigan mo si Akira tapos anong ginawa mo?”

“Eh, kung hindi ko siya binaril malamang nauna niyo ng nalaman na kami ang may kagagawan nito bago pa namin ipaalam.” Nakangising sabi niya nang tumabi siya kila Josh. Ugh! Seriously, ang kapal ng mukha niya.

“It’s true na nag-e-enjoy ako kapag kasama kayo pero hindi ko kayang talikuran ‘yong dahilan kung bakit ako lumipat sa Monstrous.” Dagdag niya at napairap na lang ako. I can’t deal with his bullshits, sumasakit ang bangs ko sa mga pinagsasabi niya.

“Magsama kayo sa impyerno mga hayop kayo!” Sigaw ko na lamang, dahilan para mapunta sa direksyon namin ang atensyon ng ibang taong nandito sa loob.

“Hoy! Kayo d’yan.” Puna ng lalaking may hawak na mic. Lumapit si Josh doon at may kung anong ibinulong. Maya-maya ay lumapit na rin kami sa may parang malaking boxing ring.

“Nandito kayo para magkaroon ng personal battle?” Tanong ng lalake at tumango lang sila Zero.

“Yo! Guys listen, we will have a special fight for today. Mga estudyante ng Monstrous Academy.” Announce no’ng lalake at nag-ingay naman ang mga taong narito na akala mo’y first time nilang makakakita ng battle.

Bago tuluyang umakyat sa ring ay hinarap ako ni Zero at saka hinawakan ang kamay ko, pinaglaruan niya ‘yon habang nakatingin sa akin.

“Hindi ako magpapatalo. Gagawin ko lahat para matapos ‘yong problema mo, I love you.” Hinalikan niya ang noo ko at napanganga na lang ako. What was that? I didn’t manage to say anything dahil umakyat na siya.

“Uy, Erin. Okay ka lang?” Tawag ni Chloe nang hawakan niya ang balikat ko. Napalingon naman ako sa kanya at tumaas na lang ang kilay ko nang makitang namumula ang pisngi niya.

“Kinikilig ako sa inyo.” Komento niya, dahilan para mapairap ako. Nilingon ko si Jennie na tahimik lang sa may gilid. She’s out of place, maaawa na ba ako? Well, ano bang nagustuhan ng shungang si Jester na ‘yon sa babaeng ‘to? Tch.

“Let the fight begin!” Walang sabi-sabi mabilis na sumugod ang dalawang grupo. Obvious na obvious ang pagkagalit ni Alex sa katapat niyang si Kevin. Salitan lang sila ng suntok and I can’t believe na hindi talaga lampa si Kevin. He’s the opposite, kapag nasuntok siya ni Alex ay agad siyang nakakabawi.

I shifted my gaze to Tyler na ngayon ay umiiwas sa mga suntok na binibigay ni Ming. I am not biased pero sigurado na ang pagkapanalo ni Tyler. Mabilis kong napatumba si Ming noon kaya sure ako na sisiw na lang ‘yong laban na ‘to para kay Ty.

“My God! Erin.” Bigla na lang niyakap ni Chloe ang braso ko kaya napalingon ako sa kanya. Halos hindi naaalis ang tingin niya kay Jester na halos duguan na at gano’n din naman ang katapat niyang si Jun. Saglit pa lang pero makikita na sa dalawa na walang gustong magpatalo sa kanila.

“Fuck! Xian sa likod mo!” Sigaw ni Jennie. Mabilis nasuntok ni Hoshi si Xian mula sa likuran pero ang hindi niya alam ay nakaabang na ang isang kamao ni Xi para ipatama sa may panga nito. Tumalsik naman ang dugo mula sa bibig ni Hoshi nang tamaan ito. Ngayon ko lang din nakitang ganito kagalit makipaglaban si Xi, duguan na rin ang mukha niya at pawis na pawis.