Monstrous Academy 2: Chasing the bad girl [EDITED]

Chapter Seven

7: Acquaintance.
-

“Erin, sure ka ba na hindi ka a-attend ng acquaintance party?” Tanong ni Akira habang abala itong nag aayos sa harap ng vanity table. Ako naman ay nakahiga lang sa kama at nag-i-snapchat.

“No thanks, mabo-bored lang ako.” Walang emosyong sagot ko pero bigla siyang tumayo at naupo rito sa kama ko. Sinamaan ko siya ng tingin ngunit nginitian niya lang ako. She’s really weird as fuck, manhid ba siya or what?

“Sure? Kahit na special guest ‘yong Dark? I mean ‘yong grupo ng daddy mo dati? Excited na nga ako dahil sa wakas, makikita ko na rin ang mga legendary gangsters ng M.A dati.” Masayang sabi niya, dahilan para agad akong mapabangon sa kama ng wala sa oras. Wait, kaya ba uuwi si dad ay para roon?

“Kapag nagsisinungaling ka sa ‘kin, you’re dead.” Banta ko kay Akira at saka nagmadaling pumasok ng banyo. Rinig na rinig ko naman ang kasiyahan niya. Tch. Bakit ba kasi gustong gusto ako kasama ng babaeng ‘yon?! Wala ba siyang friends?

ㅡ

“Hmm, ayan na talaga susuotin mo? I mean. Ayaw mo bang mag-dress?” Tanong ni Akira, nagsuot lang kasi ako ng itim na crop top at maong shorts na tinernuhan ko lang ng timberland. Wala naman kasing theme ang party, so meaning I can wear whatever I want to wear. And in fact, ganito na talaga ang mga damit ko noong nasa Amerika pa ako.

“Hindi ako makakakilos ng maayos kapag nag-dress ako.” Pagsasabi ko ng totoo at saka lumabas ng kwarto. Nakasunod lang siya sa akin na akala mo’y bodyguard ko siya, kung ano ano rin ang kinukwento niya sa akin habang nasa daan, mostly ay pag-fa-fangirl niya sa grupo nila dad.

Pagpasok na pagpasok naman namin sa function hall, I already got everyone’s attentions like it’s normal. Ugh!

“She’s here!” Sigaw ng babae and for some reasons, bigla na lang nagsitabihan ang mga estudyante, nag karoon ng daan sa gitna and it giving me goosebumps nang makita ko si dad sa dulo malapit sa stage. Hindi na ako nagdalawang isip pa at tumakbo papunta sa kanya. I immediately pulled him into a super tight hug.

“Dad!” He lift me up at saka nagpaikot-ikot.

“I missed you baby!” Ani dad nang kumalas siya sa pag yakap at ibaba ako. Hinawakan niya rin magkabilang pisngi ko, dahilan para hindi ako nakasagot. Ang tahimik, nagpalingon lingon ko sa paligid and everyone’s literally watching us with wide smile on their faces.

“O-Ookay. That’s akward, Dad. I’m not a baby anymore. It’s embarassing.” Nakayukong sabi ko pero agad din akong tumingala nang maramdaman kong may mga taong nakatayo sa likuran ko. Hinawakan ako ni dad sa balikat at saka ihinarap sa mga taong iyon.

“Let’s talk in private.” Sabi ito sa mga kasamahan niyang gangster dati. Si Tito Axel, Matthew, Jasper at Tito Jiro. I still remember their handsome faces.

Nag umpisa na kaming maglakad at bakas sa mukha ng mga estudyante ang pagkamangha. Ipinagkibit balikat ko na lamang iyon at tuluyan kaming lumabas ng function hall at nagpunta sa boy’s dorm. Okay this is weird. What’s going on?

Huminto kami sa second floor, kumatok naman si Tito Jiro at nanlaki na lang ang mata ko nang makita kung sino ang nasa loob ng kwartong iyon. Si Alex, Tyler, Jester, Xian at Zero.

Pumasok kami at saka naupo sa may kama. Maya-maya lang ay may kumatok, ni isa walang nag-abalang tumayo maliban kay Xian.

“It’s dad.” Aniya at pagbukas ng pinto ay naroon nga si Tito Liam. Pumasok na rin siya at sobrang saya niya, I mean lahat silaㅡparang ngayon na lang ulit sila nagkita kita.

“Okay, hindi ko na kayang manahimik. What’s going on, Dad? What is this all about?” Tanong ko at isa-isa silang nagtinginan ng mga kagrupo niya. Panandaliang nagkaroon ng katahimikan na lalong nag-curious sa akin.