Monstrous Academy 2: Chasing the bad girl [EDITED]

Chapter Twenty two

22: Battlefield.
-

“Gusto mo lang talaga na halikan kita, eh.” Pahabol ni Zero matapos niyang suntukin ‘yong lalaking nasa gilid ko.

“Hey now, don’t be so full of yourself. Kung may gusto ka sa ‘kin, say it. Lol!” Binigyan ko ng isang malakas na sipa ang nasa likuran ko. Hindi na rin nagawang sumagot pa ni Zero, the hell was wrong with me to say that stupid word?! Parang in-encourage ko siyang mag-confess sa akin. Ugh, seriously!

“Erin!” Tawag ni Jester bago niya ako mabilis na nahatak palayo.

“What are you doing?” Tanong ko ngunit patuloy siya sa paghatak sa akin. Nanlaki na lang din ang mata ko nang makita kung sino nakikipagsuntukan sa tatlong lalake, you’ve gotta be kidding me.

“Chloe.” Banggit ko sa pangalan nito pero hindi niya iyon narinig. Sinabihan ko na lang si Jester na tutulungan ko si Chloe pero sumunod pa rin siya sa akin.

“What the fuck are you doing?” Tanong ko nang hatakin ko ang damit no’ng lalaking pasugod kay Chloe mula sa likuran niya.

“Erin.” Sinuntok niya ang isa pang sumugod sa kanya. The hell? Marunong siyang makipagsuntukan? Am I seeing things or what?!

“What’s with the face? Gusto ko tumulong.” Nakangiting sabi niya at napailing na lang ako. Sa susunod ko na siya tatanungin, uubusin muna namin itong mga asungot na ‘to. Kahit napatumba na namin ang tatlo, patuloy lang sila sa pagdami. I Thought nasa 20 or 30 plus something lang sila. Honestly, namamanhid na ang kamao ko.

“Erin, baby!” Sigaw ni dad. Sinamaan ko naman siya ng tingin imbis na sumagot, what’s with the baby? Nakakahiya.

“Sorry, tara rito.” Hinatak niya ako at saka inilagay sa gitna kung saan napapalibutan ako nila Tito Jiro, ngayon ko lang din napansin na nandito rin pala sila Tito Ramon, seriously. Kailan pa sila dumating?! Wala akong magawa kung hindi ang manuod sa kanilang lahat.

Si Zero at Xian na sabay makipagsutukan sa limang lalake. Si Chloe at Jester na tumutulong kay Tyler, sila mom at tita Tymee na pilit kinakausap ang mga napatumba nila para humingi ng impormasyon at si daddy na nakikipagkwentuhan kay Tito Liam. ‘Yong totoo?!

“Dad! Dinala mo ba ako rito para panuorin kang makipagkwentuhan kay tito?” Iritang tanong ko.

“Ha? Kinausap niya ako eh, sabi niya umamin na raw sa ‘yo si Xian.” Napanganga na lang ako nang sabihin niya iyon. Hindi ko alam kung paano magre-react, now isn’t the right time to talk about that! Bakit kasi naimbento pa ang probity sa school na ‘to, eh.

Gustuhin ko man lumaban at tumulong wala na rin akong nagawa kasi tapos na, hindi ko rin akalain na may darating na mga pulis. Sobrang laki ng gulo na ‘to para sa school, tatanggapin pa ba ako rito? Baka bukas makalawa malaman ko na lang na kick out na pala ako.

“Bumalik ka na sa kwarto, ako na ang mag-aayos ng gulo na ‘to.” Sabi ni dad at mabilis naman akong nayakap ni mommy, tumingin ako sa lahat ng tumulong at nginitian nila ako.

“Ihahatid ka na namin.” Lumingon ako sa likuran at doon nakita ang lima, mukhang nakabalik na rin ng girl’s dorm si Aki dahil nandito na si Alex.

“Bye, Ate.” Paalam ni Third, ngumiti ako at maya-maya lang din ay nakabalik na ako sa dorm pero hindi ko maintindihan kung bakit nandito rin ‘yong lima, hindi ba sila aware na bawal sila rito?

“I told you I’m fine, bakit kailangan niyo pa tumambay rito?” Tanong ko pero parang hindi nila ako naririnig. Tinignan ko naman si Aki, halatang tensyonado siya ngayon. Uh! Nandito nga pala si Zero kaya hindi na nakakabigla ang reaksyon niya.