Monstrous Academy 2: Chasing the bad girl [EDITED]

Chapter Nine

Dismissal at naglalakad na ako sa hallway nang may biglang bumangga sa akin, more of talagang sinadya dahil ang lawak ng daan.

“Tumingin ka nga sa dinaraanan mo.” Sabi noong babaeng nagmamaganda, it’s her again. Noong sabado pa ‘tong babaeng ito, ano ba talagang problema niya sa akin? Konti na lang bibingo na siya. Pasalamat siya at wala pa rin ako sa mood ngayon kaya naman hindi ko siya binigyang pansin at nag mpatuloy sa paglakad.

“Don’t you ever turn your back when I’m talking!” Naramdaman kong may ibinato siya sa akin kaya naman huminto ako sa paglalakad. I clenched my fist and let out a deep sigh, she really wants to mess with me, huh?

Yumuko ako para hubarin ang sapatos ko, matapos noon ay ibinato ko iyon sa kanya. Huh, beat that sucker!

“Aw!” Sigaw niya at bigla na lang siyang tumumba. Eh, late reaction naman itong babaeng ‘to. Tch, magpapatuloy na sana ako sa paglakad pero nakita ko si Zero. Tahimik na naglalakad habang nakatingin sa cellphone niya.

“Ang sama talaga ng ugali mo, ano bang ginagawa ko sa ‘yong masama?!” Sigaw ng babae kaya napalingon ako sa kanya. Oh here she is again with her fake drama!

Nagmadali akong pumunta sa kanya para kunin ang sapatos ko pero bago ko pa makuha ay may nakapulot na.

“Akin na.” Pilit kong inagaw ang sapatos ko kay Zero pero masyado siyang matangkad. Tumalon talon na ako lahat lahat pero hindi ko pa rin makuha. Ugh, nagmumukha na akong tanga rito, nanunuod na rin ang ilang nakatambay sa hallway.

“Zero ano baㅡ” Hindi ko na naituloy ang pag msasalita nang bigla niyang ilapit ang mukha niya sa mukha ko. I can feel his fucking breath!

“Binalaan na kita.” Aniya at nanlaki na lang ang mata ko nang ihagis niya ang sapatos ko palabas ng building. Napanganga na lamang ako at narinig na nagtawanan ang mga estudyanteng kanina pa nanunuod sa eksena rito.

Tinignan ko si Zero ng masama dahil sa ginawa niyang iyon pero agad ding bumaling ang tingin ko sa hawak niyang cellphone. Agad ko iyong kinuha at pinilit niyang agawin pero tinatabig ko ang kamay niya.

“Omg! Ini-stalk mo ‘yong facebook ni Xian?” Sigaw ko para marinig ng lahat.

“Look everyone! Zero’s gay!” Sigaw ko. Halatang nainis siya sa sinabi ko kaya inangat ko ang cellphone niya.

“Look! Ito ba ‘yong lalaking gusto niyo? Lalaki rin ang gustㅡano ba ibaba mo ko!” Sigaw ko nang buhatin niya ako na parang sako ng patatas. Hinampas hampas ko ang likod niya ngunit hindi man lang siya natitibag hanggang sa narinig kong nagbukas siya ng isang pinto. Inilapag niya ako roon at bigla na lang isinara ang pinto.

“Inuubos mo talaga pasensya ko.” Sabi niya mula sa labas ng pintuan.

“Zero ano ba! Ilabas mo ako rito! Zero, please ilabas mo ako rito!” Sigaw ko habang kinakalampag ang pintuan pero parang wala na siya roon kaya naman napaupo na lamang ako at nagtakip ng ulo. Natatakot ako, ayoko sa ganitong lugar, hindi ako makahinga ng maayos.