ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-2 ]

[၁၉၅] မိစ္ဆာနတ်ဘုရား၏ရည်းစားဟောင်း။

Arc(9) မိစ္ဆာနတ်ဘုရား၏ရည်းစားဟောင်း(၁၀)။

ရွှီယန့်ထိုနေရာမှာတုတ်တုတ်မလှုပ်ဘဲအကြာကြီးရပ်နေတာကိုလင်ခုံးလုမြင်လိုက်ရတော့ တီးတိုးထပ်ပြောလိုက်သည်။
"မြန်မြန်သွားလေ။"

ရွှီယန့်သူ့ကိုတည်ငြိမ်စွာကြည့်လိုက်ပြီး အချိန်အတော်ကြာသွားပြီးမှအက်ရှရှအသံဖြင့်မေးလိုက်သည်။
"ဒီညတစ်ယောက်ယောက်ရောက်လာရင်ဘယ်လိုလုပ်မလဲ။ သခင်လေးလဲ...."

သူပြီးအောင်မပြောရသေးခင် သူဒီညပြတင်းပေါက်ကိုကျော်ပြီးတကယ်ရောက်လာခဲ့မှန်းရုတ်ခြည်းသတိရသွားပြီး နေ့ခင်းတုန်းကသူပြောခဲ့တဲ့စကားကြောင့်.....

သူနှုတ်ခမ်းစေ့ကာချက်ချင်းစကားပြောင်းလိုက်ပြီး သူ့လေသံမှာအေးစက်နေလို့နေကာ သူတည်ငြိမ်စွာပြောလိုက်သည်။ "ဟုတ်ကဲ့။"

သူ....နောက်ကျရင်ဖြစ်လာမဲ့အရာအားလုံးကိုမျှော်လင့်စောင့်စားနေမိပြီ။

ဒါကိုတွေးမိတော့ သူလင်ခုံးလုနင့်နင့်နဲနဲတစ်ချက်ကြည့်လိုက်ပြီး အနောက်လှည့်ကာရေချိုးခန်းဆီလျှောက်သွားလိုက်သည်။

လင်ခုံးလု: "....."

သူတစ်ဖက်လူဘာပြောချင်မှန်းခန့်မှန်းမိတော့ သူမနေနိုင်ဘဲရင်ထဲမှာတိတ်တခိုးပြုံးလိုက်မိသည်: ဘယ်သူလဲ။ မင်းဒီညမလာရင် ဒီညစနစ်ကိုစောင့်ကြည့်ခိုင်းမှာလေ။

0687: "?"

လင်ခုံးလု: "ဒါပေမဲ့အနည်းဆုံးတော့သူအဆင်သင့်ဖြစ်ချိန်ကျရင်ဘယ်လိုရပ်ရမလဲဆိုတာသိသား။ ဒါတိုးတက်မှုပဲ။"

လင်ခုံးလုအလွန်ကျေနပ်စွာပြောလိုက်သည်။

တစ်ဖက်လူရေချိုးခန်းထဲမှာရှိနေတုန်း သူပျင်းလာသဖြင့်လက်ဆန့်ကာအိပ်ရာဘေးကမီးအိမ်ကိုဖွင့်ပြီး ပုံပြင်စာအုပ်ထုတ်ကာ ပုံပြင်ဖတ်နေတုန်းရေချိုးခန်းထဲကရေသံကိုနားထောင်လိုက်သည်။

ရွှီယန့်ရေချိုးခန်းထဲကထွက်လာတော့ မောက်မာသောသခင်လေးကကုတင်ပေါ်မှာလိမ်လိမ်မာမာလေးလှဲနေရင်း ပုံပြင်စာအုပ်တစ်အုပ်ကိုင်လျက် စိတ်ပါဝင်စားစွာဖတ်နေတာကိုမြင်လိုက်ရသည်။