Chapter 80
လူအချို့က တုံ့ဆိုင်းသွားသော်လည်း အချို့က လင်းချန်၏ တွန့်တိုသောအကြည့်ကို မြင်ပြီး ဘဲအူတစ်ဖတ်ကို သူ၏တူဖြင့် ချက်ချင်းကောက်ယူသည်။
တစ်ခါမြည်းစမ်းပြီးနောက် မလိုမုန်းထားမှုများနှင့် မကြိုက်မှုများအားလုံးကို ပြန်လည်ဖယ်ရှားခဲ့သည်။ သူတို့အားလုံး လင်းချန်နောက်ကလိုက်ကာ ဘဲအူများကို အိုးပေါ်အတက်အဆင်း စည်းချက်ညီညီ ပြုတ်ပြီး ပါးစပ်ထဲတွင် "ငါးခြောက် ခုနစ် ရှစ်" ကို ရေတွက်လိုက်ကြသည်။
ဘဲအူများ အပြတ်ရှင်းခံလိုက်ရပြီးနောက် လူတိုင်းလက်ကျန် အတွင်းအင်္ဂါများကို ရင်ဆိုင်ရန် တုံ့ဆိုင်းမနေတော့ပါချေ။
အမဲအူကြမ်းများကိူ နှမ်းဆီတွင်နှစ်သင့်ပြီး ကိုက်ကိုက်ချင်းတွင် မျက်နှာပြင်ပေါ်ရှိ ဆူးငယ်များကို ခံစားရနိုင်သည်။ အလွန်မာပြီး အဆက်မပြတ်ကိုက်ရသည့်အတွက် အားလုံးကို ပါးစပ်ထဲထည့်ကာ ဖြည်းညှင်းစွာဝါးရပါမည်။ ၎င်းသည် ကြွပ်ဆတ်ပြီး လန်းဆန်းစေကာ အလွန် ဝါးကသည်။ ဝါးလိုက်တိုင်း သွားကြားက ထွက်လာသည့် အူမားမီအရသာနှင့် အစပ်အနံ့ကို ခံစားရနိုင်၏။
ပေါင်းရင်းသားကို အချိန်အကြာကြီး မပြုတ်သင့်ပါချေ။ အိုးထဲကိုထည့်ပြီး ကျုံ့သွားသည်ကိုတွေ့လျှင် ထုတ်ယူနိုင်သည်။ကိုက်လိုက်သောအခါ အနည်းငယ် ခြောက်သွေ့ပြီး နူးညံ့ချောမွေ့သည်။ အသား၏ထူးခြားသောရနံ့သည် အလွန်ပြင်းသော်လည်း အစပ်က ၎င်းကို လျော့ပါးစေသည်။ အင်မတန် အရသာရှိသောကြောင့် သိပ် ဝါးစရာမလိုဘဲ ပျောက်ကွယ်သွားသည်ဟုထင်ရလေသည်။
ဤအချိန်တွင် အချိန်ကြာမြင့်စွာချက်ပြုတ်ရန်လိုအပ်သောအသားလုံးများနှင့်အသားဟင်းလျာများသည် အဆင်သင့်ဖြစ်နေလေပြီ။ အပူက အဆက်မပြတ် မှုတ်ပေးနေသည့်အတွက် အမျိုးမျိုးသော ပါဝင်ပစ္စည်းများသည် အိုးထဲတွင် မြုတ်လိုက်ပေါ်လိုက်လွင့်မျောနေကြ၏။
ဤလူအုပ်စုက အများကြီးမစားမှာကို သူမကြောက်သည့်အတွက် ကျန်းရှုယောင်က ဟော့ပေါ့မှာ ဆီအများကြီးမထည့်ခဲ့ဘဲ အခြေခံပစ္စည်းကလည်း သိပ်မစပ်ပါချေ။သူမသည် ကိုယ်တွင်းအပူကို ဖယ်ရှားရန်နှင့် အရသာကို မြှင့်တင်ရန် တရုတ်ဆေးဖက်ဝင်အပင်များကိုလည်း ထည့်သွင်းခဲ့သည်။ဝါနုလေးများအတွက် အလွန်ကြီး စိတ်လှုပ်ရှားစရာမဟုတ်ပေ။
YOU ARE READING
ခေတ်ဟောင်းရောက်foodieတစ်ယောက်၏ရှင်သန်ခြင်း
Non-FictionNew Normal တစ်ပတ် သုံးပိုင်း update ပါမယ်ရှင် .. Normal novel page မွာ ဒီနေ့ပဲစဖတ်လို့ရပါပြီ Title - Ancient Foodeie Survival Guide Description ကျန်းရှုယောင်တစ်ယောက် ဝိညာဉ်ကူးပြောင်းကာ ဟိတ်ဟန်များသည့် ပုံစံနှင့် ကြိုးတိုးကြောင်တောင် ဝတ်စားဆင်ယင...
