Uni
ထင်ရှားခန့်မှန်းထားသည့်အတိုင်းပင်။ မဟော်က ရက်အနည်းငယ် ကြာလာတော့ နှစ်ယောက်သားတွေ့ကြရန် ချိန်းဆိုလာလေသည်။
နှစ်ယောက်လုံးချိန်းဆိုထားတဲ့ နေရာကိုရောက်နေကြပေမယ့်လည်း ဘယ်သူကမှစကားစတင်မပြောကြ။
အချိန်အတန်ကြာတော့မှ ထင်ရှားကတိတ်ဆိတ်ခြောက်သွေ့နေတဲ့ လေထုကို ဖြိုခွင်းရန် စတင်ပြောဆိုလာသည်။
"မင်း အစ်ကို့ကိုရွေးဖို့ ဆုံးဖြတ်လိုက်ပြီပေါ့.."
"အင်း..."
မဟော်က ခေါင်းညိတ်ပြကာ အသံပြုလိုက်ပြီးနောက် ထင်ရှားကို အလေးနက်ကြည့်ကာ ဖြည်းဖြည်းချင်းပြောသည်။
"ငါ့ကိုအခြားတစ်ယောက်နဲ့ Kingကတွဲခိုင်းတာ။DARKကို မင်းကြားဖူးချင်ကြားဖူးလိမ့်မယ်..။သူကDARKရဲ့ခေါင်းဆောင်ပဲ။သူဘယ်သူဖြစ်မယ်လို့ မင်းထင်လဲ"
"ပတ်တီးနဲ့တစ်ယောက်..."
ချက်ချင်းကို အတိကျကြီး ပြန်ဖြေလာတဲ့ ထင်ရှားကြောင့် မဟော်ဒီတစ်ခေါက်တော့ တကယ်ကြီးအံ့သြသွားသည်။
"မင်း ဘယ်လို သိတာလဲ..."
တကယ်တော့ ထင်ရှားအစကတည်းက ရိပ်မိထားတာ နည်းနည်းရှိသည်။မသေချာပေမယ့်လည်း သူခန့်မှန်းမိထားတာက လုံးဝဖြစ်နိုင်ချေမရှိတာမျိုးတော့ ဟုတ်မနေ။
Kingကပတ်တီးနဲ့တစ်ယောက်မှန်း ဘယ်လိုသိသွားလဲဆိုတာက ရိုးရှင်းသည်။
သေချာစဥ်းစားကြည့်ရင် ဟန်မဟော်ရှိန်းလိုကောင်ကို ဦးမြတ်မဟော်တောင် ထိန်းသိမ်းမနိုင်တာ။တစ်ခုခုနဲ့ခြိမ်းခြောက်ထားတယ်လို့ တွေးရအောင်လည်း ဟန်မဟော်ရှိန်းပုံစံက အဲ့လိုမဟုတ်သေး။
ဖြစ်နိုင်တာက ကျေးဇူးတရားနဲ့ ခိုင်းစေတာပဲ။ဒါဆို ဘယ်လိုပဲတွေးတွေးအဲ့ဒီKingက ဟန်မဟော်ရှိန်းရဲ့အသက်ကို ကယ်ဖူးတဲ့ ပတ်တီးနဲ့တစ်ယောက်ဆိုတာ သေချာသည်။
ဒါပေမယ့်လည်း သူမဟော်ကိုအသေးစိတ် ရှင်းပြချင်စိတ်မရှိပါ။
"မင်းလို ငတုံးမဟုတ်လို့လေ...."
အံ့သြတကြီးမေးလာတဲ့ မဟော်ကို မျက်နှာသေနဲ့ ပြန်ဖြေလိုက်တဲ့ ထင်ရှားရဲ့စကားအဆုံး မဟော်ရဲ့မျက်နှာကဒေါသကြောင့်နီရဲလာကာ မကျေမနပ်နဲ့ ပြောလာတော့သည်။
YOU ARE READING
My lover is not like a gentle (Z+U) (Completed )
Romanceဥာဏ်ကောင်းပြီးလှည့်စားတတ်တဲ့seme နှင့်ရိုးသားပြီးယဥ်ကျေးတဲ့ uke ဥာဏ္ေကာင္းၿပီးလွည့္စားတတ္တဲ့seme ႏွင့္ ရိုးသားၿပီးယဥ္ေက်းတဲ့ uke start date -29.5.2023 end date -16.10.2023