Uni
~ကောင်လေးကြောင့်တော့ ရူးတော့မှာပဲ...~
နှစ်ယောက်သား ခဏလောက် တိတ်ဆိတ်နေပြီးနောက်မှာတော့.....။
အခန်းထဲက ဘာမှန်းမသိသော အရာကြီးသည် အငိုရပ်သွားကာ ဝမ်းနည်းစရာကောင်းသလို ကြက်သီးထဖွယ်ရာလည်းကောင်းတဲ့ အသံနက်ကြီးဖြင့် ဆွဲဆွဲငင်ငင်ပြောလာ..တော့..သည်..။
"မကြား..ကြ..ဘူးလား.....တစ်.ယောက်မှ...မကြား...ကြ.ဘူး..လား...."
ထိုအသံကြီး သူ့ကိုတုံ့ပြန်တဲ့လူမရှိတော့ ဒေါသတွေစွက်လာကာ အော်လိုက်တာကြီးက စူးစူးဝါးဝါး။
"ဘာလို့..တစ်ယောက်မှ..မကြားကြရတာလဲ!!!....ငါ.အကူညီ....တောင်းနေတာကို!!!!... ဘာလို့...တစ်ယောက်မှ..မကြားကြရတာလဲ!!!!..."
"......."
ဝေဟင် အသက်ပြင်းပြင်းပင်လမရှူရဲ....။သူကိုယ်တိုင်တောင်သတိမထားမိဘဲ အသက်အောင့်လိုက်မိသည်။
ထိုအခိုက်တန့်တွင် ထင်ရှားက သူ့ကိုသိုင်းဖက်လာကာ သူ့ပုခုံးခေါ် ခေါင်းတင်လာတော့သည်။
ကြည့်ရတာ ကြောက်နေတဲ့ပုံ....။ဝေဟင်လည်း သူ့ကိုသိုင်းဖက်လာသော လက်နှစ်ဖက်ကို ပြန်ကိုင်ထားပေးလိုက်သည်။မကြောက်နဲ့ဆိုတဲ့သဘော....။
အမှန်ကြောက်မကြောက်ကတော့ ဘယ်သူသိမှာလဲ...။
စူးစူးဝါးဝါး ဆွဲငင်ကာ အော်ပြီးနောက်မှာတော့ အသံပိုင်ရှင်သည် အရမ်းကိုစိတ်ထိခိုက်သွားပုံရကာ ဝမ်းနည်းဖွယ် ငိုကာ ပြောလာသည်။
သို့သော် ထိုအသံကြီးက ပိုတောင်ခြောက်ခြား စရာကောင်းပြီး ကြားရတဲ့လူအတွက်တော့ တော်တော်လေး မသက်သာပါ။
"နာ...တယ်....ငါ့အရိုး...တွေ....ငါ့...အ..ရိုးတွေ...အချိုး...ခံ.နေ...ရ.တာ.....ကူညီ...ကြ..ပါ...."
"........"
ထိုအရာကြီးက ပြောလည်းပြော ကြမ်းပြင်ကို လက်သည်းနဲ့ အဆက်မပြတ် ကုတ်ခြစ်နေတာကြောင့် လက်သည်းနဲ့ ကြမ်းပြင်ခြစ်သံကြီးက တဂျစ်ဂျစ်နဲ့ ကျောချမ်းစရာ....။
ခဏလောက်လုံးဝတိတ်ဆိတ်သွားပြီးနောက်.....
ထိုအရာကြီးရဲ့ ယောကျာ်း၊မိန်းမ ခွဲခြားလို့မရလောက်အောင် အော်လာတာကြီးက ကြက်သီးတဖြန်းဖြန်းထကာ နားပါပိတ်လိုက်ရအောင် ဆိုးဆိုးဝါးဝါး...။
ВИ ЧИТАЄТЕ
My lover is not like a gentle (Z+U) (Completed )
Романтикаဥာဏ်ကောင်းပြီးလှည့်စားတတ်တဲ့seme နှင့်ရိုးသားပြီးယဥ်ကျေးတဲ့ uke ဥာဏ္ေကာင္းၿပီးလွည့္စားတတ္တဲ့seme ႏွင့္ ရိုးသားၿပီးယဥ္ေက်းတဲ့ uke start date -29.5.2023 end date -16.10.2023
