Uni
ထင်ရှားက မဟော်ပြောပြနေတဲ့ အဲ့ဒီနှစ်တွေတုန်းက အကြောင်းတွေကို ငြိမ်သက်စွာနားထောင်နေသည်။
အတန်ကြာသည်အထိ တိတ်ဆိတ်နေပြီးမှ သူကစကားစပြောသည်။
"အဲ့တော့...ငါတို့ပြန်ပေးဆွဲခံလိုက်ရတယ်..။ပြီးတော့ငါကအခြားတစ်နေရာကို ရောက်သွားပြီး.ကျန်ခဲ့တဲ့မင်းက ပတ်တီးနဲ့တစ်ယောက် လာကယ်တာကိုခံလိုက်ရတယ်ပေါ့"
"အင်း...။မင်းကိုလည်း သူပဲကယ်ခဲ့တာနေမှာ..."
မဟော်က ထင်ရှားရဲ့အမေးကို ခေါင်းညိတ်ပြီး ပြန်ဖြေသည်။
အဲ့ဒီနောက်ပိုင်း သူကKingနောက်လျှောက်လိုက်နေတယ် ဆိုတဲ့အကြောင်းကိုတော့ သူမပြောမိ။Kingအကြောင်းကို မဆင်မခြင်ဘဲ သူပြောမိလိုက်လို့မဖြစ်ဘူးလေ။
အိမ်ထဲကခိုးထွက်ပြီး Kingနဲ့တွေ့ဖို့က သူ့အတွက် လွယ်လွန်းသည်။ဘာလို့လဲ ဆိုတော့ Kingက သူတက်တဲ့မူလတန်းကျောင်းနဲ့ နီးနီးလေးမှာနေတာလေ။
အခုတော့ DARKကိုပြောင်းသွားပြီဆိုပေမယ့်လည်း သူအားရင်Kingဆီကိုသွားတုန်းပဲ။
Kingနဲ့ပတ်သက်ပြီး ဘာမှမပြောမိစေရန် ကိုယ့်ကိုကိုယ်ထိန်းနေတုန်း ထင်ရှားကထပ်မေးလာသည်။
"မင်းကိုမကယ်ခဲ့လို့...မင်းဒယ်ဒီကိုမုန်းတာလား..."
"ငါ့ဒယ်ဒီကို ငါမမုန်းဘူး။သူ့ရည်မှန်းချက်ကိုမုန်းတာ။ငယ်သေးတော့ငါအသေးစိတ် မမှတ်မိတော့ပေမယ့် ငါအိမ်ပြန်ရောက်ချိန်မှာ မာမီကဆုံးသွားပြီ..။အိမ်မှာ ငါ့ကိုရှာဖို့လုံးဝစိတ်မဝင်စားဘဲ အခြားအလုပ်တွေနဲ့ရှုပ်နေတဲ့ ဒယ်ဒီပဲကျန်ခဲ့တယ်.။သူက ဒီမြို့ရဲ့အာဏာအကြီးဆုံးလူဖြစ်ဖို့ကလွဲပြီး ဘာမှစိတ်ဝင်စားတာမဟုတ်ဘူး...။မာမီ့ကိုရော၊ငါ့ကိုရော သူလစ်လျူရှုနိုင်တယ် "
မဟော်က စကားခဏရပ်လိုက်ကာ သက်ပြင်းချပြီးမှ ဆက်ပြောသည်။
"အဲ့ဒါကြောင့် သူအရမ်းမက်တဲ့အဲ့ဒီနေရာကို မရောက်နိုင်အောင် တစ်စစီဖျက်စီးပစ်ချင်ခဲ့တာ..။"
မဟော်စကားတွေကို နားထောင်ပြီး ထင်ရှားတစ်ခုခုကို ခန့်မှန်းမိသွားသည်။မဟော်ရဲ့မာမီက ဦးမြတ်မဟော်လိုမျိုး သားသမီးကို စိတ်မပူဘဲ နေနိုင်မယ့်လူမျိုးမဟုတ်။ဒါကြောင့် မဟော်ရဲ့စိတ်နဲ့ ဆုံးပါးသွားဖို့ ဖြစ်နိုင်ချေများသည်။
YOU ARE READING
My lover is not like a gentle (Z+U) (Completed )
Romanceဥာဏ်ကောင်းပြီးလှည့်စားတတ်တဲ့seme နှင့်ရိုးသားပြီးယဥ်ကျေးတဲ့ uke ဥာဏ္ေကာင္းၿပီးလွည့္စားတတ္တဲ့seme ႏွင့္ ရိုးသားၿပီးယဥ္ေက်းတဲ့ uke start date -29.5.2023 end date -16.10.2023