📜اشباه الرجال (مكتملة )📜

part155

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 155●°

دخلت لدار منرزفة دبصاح ! .. ندمت على النهار لي عطاته فرصة و دخلاته لحياتها .. !! هي من ديما تتصاحب و تتدوز وقتها وغير تتقول الله يعاون حتى هوما متايزيدوش معاها ولكن حكيم واخا دارت معاه لي دارت مابغاش يخليها عليها !! .. الدار كانت خاوية حسين اصلا مكاينش هنا كايخدم فالتيطوان شاد المحل دالبازار ديال خيري و كلثوم خدامة .. دخلت لبيتها و بدلت حوايجها .. و هزت تيليفونها تدور فيه و دخلت نيشان لأنستا أرشيفات تصاورها كاملين !! .. خلات الكونط خاوي و حتى البروفيل خاوي وقتما تتطلع ليها تتقصد تصاورها وتسمح .. دوزت فالحين رقم ياقوت تتسناها تجاوب .. حتى سمعت صوتها حتى ارتاحت ..

ياسمين: .. االو ياقوت !!

ياقوت( .. تتمسح يديها) .. ياسمين ياك لباس ؟ ..

ياسمين( .. تنهدت) .. قنطت اختي بوحدي !! ماتقدريش تجي عندي ؟ ..

ياقوت: .. مانقدرشي اياسمين ! كرشي كاتكبر مانقدشي على الطريق .. جي عاندي تينا !! ..

ياسمين: .. ماعرفت اختي ! حتى نشوف واش نقدر الخدمة و القراية صعيبة عليا .. (ميلت شنايفها) .. حتى القراية هملتها بزاف وليت شادة غير الخدمة بزااف !! ..

ياقوت( .. كمشت حجبانها) .. علاش خدمتي ؟ قوليلي شني خاصكوم اواعدي علاش تخدم ؟ ..

ياسمين( .. إبتسمت و عينيها فالسقق) .. لا لا اختي الزمان هادا الواحد خصو يعول على راسو !! ..

ياقوت( .. تنهدت) .. و قرايتك ؟ ..

ياسمين: .. حتى هي نعطيها وقتها ونتي قريب دوزي ؟ ..

ياقوت( .. حركت راسها) .. ااه قريب !! (تتجمع يديها) .. مستريسية بزاااف والله !! ..

ياسمين: .. ماتخافي والو كولشي غايدوز مزيان ان شاء الله .. راكي بديتي تبريباري بكري !! ان شاء الله اتنجحي ..

ياقوت: .. ان شاء الله دعي معايا الكبيدة ديالي !! .. خصني نجيب فوق 17 راه عمر يقتلني لمجبتاشي !! ..

ياسمين( .. ضحكت) .. ان شاء الله تجيبي كتر غير تهناي !! ..

تحدثثو شوية بيناتهوم وقطعت عليها و ماجاها فير اتصاله!! .. بدات تسب فيه فخاطرها و قطعت عليه و طفات تيليفونها باش مايصدعهاش !! ..

##التتمة

مور فاش قطعت هي و ياسمين نزلت لتحت و عمر خرج .. لقات حليمة و زاينة جالسين تيتحدثو بيناتهوم جلست حدا حليمة مخشية فيها ..

ياقوت( .. تتميل شنايفها) .. ماعدلتيليشي الكيك لي قولتيلي عليه ؟ ..

حليمة( .. ضحكت) .. اواعدي يالملعوقة غادرجاع قد الفيل ..

ياقوت( .. ضحكت من كلامها) .. يااك ؟ .. ايوا ولدي هو لي بغاها ماشي يانا ..

زاينة( .. إبتسمت) توحمي ابنتي كي بغيتي !

ياقوت( .. حطت يدها على كريشتها وشافت فحليمة تتمزح بمعنى سمعي) .. شفتي خالتو شني قالت و تينا تتقولي غانولي فيلة ..

حليمة( .. عنقاتها تتضحك) .. ماتقلقشي انا نوض ديا نعدلالك ..

..#التتمة

زاينة: .. ياقوت بديتي توجدي ابنتي ؟ الإمتحانات مابقاليهوم والو 5 شهور واقيلا ولا 4 شهور !! ..

ياقوت ( .. حركت راسها ) .. ااه اخالتو بديت نوجد !! ..

زاينة( .. إبتسمت) .. الله يوفقك ابنتي !! .. حتى عائشة هاد العام راها غاتروح لكندا تكمل قرايتها !! ..

ياقوت( .. بإبتسامة لطيفة) .. الله يوفقها اخالتو

طاح الليل و الظلام و هي في غرفتها جالسة تتحفظ و تخرج تمارين تجريبية مستريسية حيت مابقالها والو و تدوز !! .. دخل عندها بعدما تعشى ايما هي تعشت قبل .. جاها من لور وعنقها كايوزع قبلاته على عنقها ..

عمر: .. نوضي ترتاحي ! راكي عيانة بنتيلي ! ..

ياقوت( .. تتضحك عاجبها الحال) .. اممم نوضني تينا !! ..

عمر( .. هزها بين يديه) .. تحفيلي روحك على الكتوبة !! .. تحبي تخصني ولا واش ؟ ..

ياقوت( .. حطها على سرير تتضحك) .. امم لا ! راه مابقالي والو و ندوز داكشي غلاش مقابلة غير الكتوبة .. ( إبتسمت) .. فاش نسالي إمتحانات بغيت نعمل لاصال راه بغيت نضعاف شوفي كيف وليت غليييوضة !! ..

عمر( .. ضحك تيتفحص جسدها بعيونه) .. خليك هكدا مليحة !! .. ( عنقها عنده تيفرق قبلاته على عنقها) .. نحبك هكدا عريضة الضعف ماراهش يجي معاك يبينك صغيرة !! ..

ياقوت( .. ضحكت تتميل عندها ) .. عجبتاك هايدا ؟ ..

عمر( .. إبتسم تيحل ليها صدايف البيجامة) .. فكاع الحالات راكي تعجبيني الياقوت !! .. (غمزها) .. و هكدا مليييحة كتااار !! ..

ياقوت( .. إبتسمت و حيدت الفوقي د البيجامة فاش فتحلها الصدايف ونطقت بغنج) .. واخا الكبيدة مايكون غير خاطرك !!

#الأراء .. مضيومة ههه تصبحو على خير ..