📜اشباه الرجال (مكتملة )📜

part43

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء:  ( 43)

بقات كاتشوف فيها شحال ! .. جاتها بريئة و ماجاتش تكون وسط هاد الدار و وسط هاد الذياب ! .. هي ولفات هنا لأنه هنا كبرات و تربات مولفة داكشي لي كيوقع هنا يوميا .. ياما طمعو بنادم بزواج و الفلوس! .. شي حلو ليه عينيه على حياة الرفاهية و الهناء و حيدو ليه كلوته شي جابوه بزز منه ! ..

دارت يديها وسط صداف قميجتها جبدات آلة صغيورة فيها كاتواصل مع الخدم لأنه مول الدار كايسمع كاع حوارات الخدم بيناتهوم ! .. كاين لي كيطفيها و كايعطي عذر ليه لكن العقاب كايكون جحيم ليهوم حيت طفاوها هي عارفة شنو تابعها من بعد هاد الخطوة لكن كيما ضايعة هي ماتبغيش ضيع معاها روح أخرى رغم أنه هي لي كايتيقو فيها فهاد دار لكن ! ..

***(حتى تأكدات واش طفات عاد هضرات):
نتي جابوك بزز ولا بخاطرك ؟ ..

ياقوت(بللات فمها لي كان ناشف بالخلعة):
قالولي مجي دزواج من دايك محمد .. قاتلي يماه توصال طنجة تمشيو عاند لعدول و لقايت راسي في هاد الدار ..

***(إبتسمت ليها): عندك الزهر والله ! ..

ياقوت(نزلات رأسها): فاينو أختي فاينو؟ ..

***(رجعات تأكدات واش طفات ديك الآلة عاد نطقات):سميرة لي شفتيها فاش يالاه جيتي لهنا هي و محمد ! .. (كاتهضر بهمس خايفة و متوقعة أي حاجة) .. طبيبة و كاتاجر فالأعضاء البشرية فالسوق السوداء هي مع عصابات ماشي غير وحدة ! .. راجلها كريم معارف عليها والو من غير أنها طبيبة و هي لي كاتحيد لكلاوي لناس بيديها ! .. حيت قليل لي كايتبرع بيهوم و بزااف غرضها تبيعهم و تسكب الفلوس واخا هي أصلا غارقة فيهوم .. (شافت جيهة الباب عاد كملات كلامها) .. محمد هو يديها اليمنى شحال من كليانة جابها ليها من تما لي ساكنة فيه نتي ! ..

ياقوت (كاتزيد تصدم من داكشي لي كاتقوله حتى قاطعاتها): ونتينا فاين عرافتي فاين ساكنة ؟ ..

***: هنا عارفين كولشي لي داخل لي جاي لي كيوقع فيه كولشي عارفينو ولكن نخرجو بشي حاجة برا ولا لباراني ديريكت لقبر !! ..

ياقوت(وقفات مصدومة): ونتينا ادا عارفوك قالتيلي هاتشي شني غايعاملو فيك ..

***(جبداتها حتى جلساتها): فين غاتعرف مولات هادشي كامل و هي فعداد الموتى ؟ .. بالحق هادشي عارفينو كاملين ولكن كريم مول الشي عاد عرف شنو كاين ! ..

ياقوت(بتساؤل باغا تعرف كتر): فاين عراف؟ ..

***: كانت معانا وحدة كاتخدم و عندها بنت صغيرة كاتجيبها معاها مرة مرة راه نيت جات ولكن ماشفتيهاش حيت مشات فاش جا سي كريم باينة تافقو عليها الموهيم  ! .. سميرة طمعات فيها و بدات تمسكن حتى مكنات فالبنت طارت ليها الكلوة بلا خبار مها و فاش عرفات لي طرا لبنتها حلفات مادوزها ليهوم طارت عند البوليس مافجهدهم والو حيت مكاين حتى دليل فيدها من غير بنتها و لكن فين غايعرفو شكون بضبط ؟ .. هجمات على سميرة و ماصورات منها والو بغات تسكتها بالفلوس و مابغاتش ليها و كانت عوالة كااع تصفيها ليها ولكن بقات كاتخبى مكاتلقاهاش حتى خدات بتارها بيديها .. (صغرات عيونها) .. واحد من الخدم عاونها حتى دارت دليل بين يديها .. لكن لحد الآن ماعرفناش شكون حيت كاع لي فهاد الدار عارف شنو كايجرا فيها ! ..

ياقوت(بقات غير حالة عينيها و فمها): ومشات قالتا لراجلا و قتلا ..

***(حركات ليها رأسها بالنفي): كانظن ماقتلهاش على هادشي ! .. كل مرة مدخلة واحد فشكل لدار فغياب سي كريم حتى من محمد الخدام مقالتوش عليها .. ياويلك واحد منا يهضر لسي كريم على هادشي ! ..

ياقوت(خسرات ملامحها): ياربي السلامة .. عبرات علا فضحاتا و قتلا راجلا ..

***: نتي بقاي هنا حتى نلقا ليك شي حل و تخرجي ! ..

ياقوت(وسعات عيونها): علاش مانخروجشي دابا ! ..

***: دابا ماتقدريش حيت سي كريم مكايخلي حتى شي واحد يخرج بلا مايبقا هنا شهر ولا كتر على حسب الكونطرا شحال ساني فيها نتي ديري راسك وحدة منا علا ماتخرجي غير حتى تبرد شوية القضية  ! ..

ياقوت: شني تاتقول ؟؟ ..

***(إبتسمت ليها): ماتخافيش غانعاونك تخرجي من هنا غير صبري و ماتزربيش ! ..

ناضت من بلاصتها وشعلات ديك الآلة علقاتها فقميجتها

🔙🔙🔙🔙🔙🔙

فاقت من سهوتها فاش وقف طاكسي حداهم بعدما أشارت ليه يوقفحفيظة ركبات و تبعاتها حتى هي .. حفيظة عطاته البلاصة فين يحطهم و وجها صفر بالخلعة .. عارفة بنتها دغيا تاتفقد سيطرتها و كاتعصب ! .. ياقوت غير كاتشوف فيها كيفاش مخلوعة و هي فلول تخلعات فاش شافتها هكك .. ماوقف طاكسي حتى قدام واحد الفيلا واقفين قدامها جوج حراس من الأمن الوطني واحد فجيهة اليمنى و الأخر فالجيهة اليسرى .. جاو نيشان عند مو طاكسي و قفوه باش مايدخلش و هو أصلا مادخلش حيت عارف الدار ديالمن ! .. نزلات حفيظة و تبعاتها ياقوت .. حفيظة من كترة الخلعة ماعرفات حتى واش جات معاها !  ..

حفيظة(عقدات تعابيرها): علاش تبعتيني ؟ ..

ياقوت(كادور فعينيها): ماعرفتشي ! .. ولكن خلاعتوني و تباعتك ! ..

حفيظة مشات ضرب دورة من الجيهة الأخرى لي فيها الباب منه كايدخلو الأغلب د الخدامة .. تبعاتها ياقوت كاتشوف فداك الخير لي قدامها فيلا قد الخلى و الشجار الصنبور مغروسين حداها و الأمن ضاير فكاع الجيهات د الفيلا و هازين السلاح كايشوفو قدامهم مكايشوفو لا هنا لا لهيه ! .. حفيظة و ياقوت دخلو من الباب الكبير كان الداخل مغاير تماما على برا ! .. الجردة قد البحر الورود و الزهور شجاري د الديسير مغروسين فيها مساحتها واسعة يجري فيها الخيل .. من بعيد موجودة دار بنايتها كبيرة و واسعة كلها فلون الأبيض تقول غا قصر ماشي فيلا هادي ! .. معارف حد كي دايرا غير لادخلتي ليها جنة فوق الأرض ماليها باين فيهوم الخير و الفلوس و الهمة و الشان شي حاجة ماشي عادية فالبلاد و الشرق كاملة ! ..

#يتبع