📜اشباه الرجال (مكتملة )📜

part128

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: 128●°

خرجات من الطمويبل كاتنهج و تمسح فعرقها و الكحول لي سايح ليها ! .. الطريق خاوية واقفين فالخلا و القيفار ..

ياقوت( .. رجليها فاشلين بزز باش واقفة) .. شحال قادني نعاود فالدوش ؟؟

عُمر( .. ضحك و هو كايسد فالسمطة دسرواله قاد حوايجه و جاوبها) .. حياتك كااملة !!

ياقوت( .. زيرات على رجليها) .. مزيييرة ا عُمر !! ( .. كادور فعينيها فجنب الطريق) .. بغيت نعملا !!

عُمر( .. قبض حجبانه كايشوف بعينيه مايكون شي واحد) .. كحزي عندي نشوفلك بلاصة هنا !! ..

داها لداخل شوية دالغابة و وقفها جنب واحد الشجرة .. نزلات الشورط ديالها لي لابساه تحت العباية لي يالاه بغات تهزها باش تجلس حتى وقفها بيديه ..

عُمر( .. بحدة) : .. وشراك ديري ؟ ( .. هز حاجبه) .. ديريها واگفة ماتگعديش !! لازم يدرگوك صوالحك !!

ياقوت( .. خرجات فيه عينيها) .. نعملا واقفة ؟ اواعدي و حويجاتي ايتقاسولي !!

.. ابتلعت ريقها من نظراته ماعاوداتش معاه الهضرة حيدات سروالها حيت غايتقاس و دارتها بشوية غير باش مايتقاسوش حوايجها حتى هوما .. سالات و مسحات على رجعو لجنب الطموبيل ..

عُمر( .. شد ليها فيديها حتى ركب بلاصته و هي متبعة ليه العين كايطبطب على رجليه) .. گعدي !!

ياقوت: .. مغاتبقاشي علا خاطرك هايدا !!

عُمر( .. تقاد فالكرسي و نطق كايأكد على كلامه) .. دروك نتي لي غاتصوگي !! ( .. شاف فيها) .. لاتهوليش راني نعلمك الصواگة !!

ياقوت( .. إبتسمت و وسعات عيونها) .. بصاح ؟ .. ( طلعات حتى جلسات بين رجليه و هو سد الباب شدات فالفولون و قالت كاضحك) .. ايما الحبيبة من ديما بغايت نتعلملا !!

ركبت فوقو وسد لباب وراها فين تدزر باش ديماري ودار مود ديال ديماراج و خلاها تحكم فلكسيراتور كاتوطا غا بشوية ومرة مرة توطا تا تكسيري خطرا وحدا ومتحكمة فلفولون و هو عينيه معاها كان بلبورش مالقاتش موشكيل ديال لومبرياج او لڤيتاس كانت لوطو اوطوماتيك سهلت عليها لوكان قابلت غا كسيراتور وصافي حتا بدات تدور فالفولون خارجة على الطريق و الشجرة قدامها خرجات عينيها بالتلفة محاولة توقفها قبل ماتدخل فديك الشجرة ..

#اكسيييييدون !! اشداك ا عمر تعلمها تصوك اشداااك !!

ركبت فوقو وسد لباب وراها فين تدزر باش ديماري ودار مود ديال ديماراج و خلاها تحكم فلكسيراتور كاتوطا غا بشوية ومرة مرة توطا تا تكسيري خطرا وحدا ومتحكمة فلفولون و هو عينيه معاها كان بلبورش مالقاتش موشكيل ديال لومبرياج او لڤيتاس كانت لوطو اوطوماتيك سهلت عليها لوكان قابلت غا كسيراتور وصافي حتا بدات تدور فالفولون خارجة على الطريق و الشجرة قدامها خرجات عينيها بالتلفة محاولة توقفها قبل ماتدخل فديك الشجرة .. غمضات عيونها خايفة حتى بدات تحلهم شوية بشوية فاش مابقات تاتحس بيلي الطموبيل غاديا ..

عُمر( .. ضحك ) .. ولي لبلاصتك راكي تتدبزي ليا هنايا ! ( .. حل الباب) ..هودي يااجدك هودي !!

ياقوت( .. حطات يديها على قلبها و عينيها خارجين وجهها صفر) .. اواعدي كونت غاندخول فالشجر !! ( نزلات من الطموبيل و ركبات القدام و الخلعة باقي شادة فيها) .. اوووف ايما الحبيبة قالبي غايوقاف ..

عُمر( .. ديمارا الطموبيل) .. مزال تتعلمي هاد نورمال راه يصرا فلول !

ياقوت( .. حيدات شالها قادات شعرها و خلاته مطلوق) .. ان شاء الله باقي نتعلملا !! ( .. شافت فيه و شبكات يديها مع يديه) .. قولي واش غانمشيو نيشان لدارنا ؟

عُمر( .. حرك رأسه) .. واه !

ياقوت( .. ضحكات) .. أنا ونتينا فالدار الراس فالراس و بوحديتنا تخييل ؟

عُمر( .. شاف فيها بطرف عينيه) .. راكي تقلبي عليا الياقوت !!

ياقوت( .. حطات يديها على وجهها كاتضحك) .. غير سماحلي الكبيدة ماقصدتشي نجبدك !!

كملو طريقهم لي خدا ليهوم مدة ماوقفو حتى لواحد السطاسيون غير باش ترتاح ياقوت حيت الطريق كانت شوية طويلة و مابقالهم والو و يوصلو ولكن عيات حتى نزلات و ردات كاع لي فكرشها شد ليها شالها بيديه و اليد لاخرا شاد فيها قرعة تالماء حتى شافت فيه كاتنهج مهدودة و حاسة بالدوخة .. شربات شوية من الماء و غسل ليها وجهها ..

عُمر( .. لاح القرعة فالبوبيل و شد ليها فيديها كايواسيها) .. دروك تتفكي و ترتاحي !!

ياقوت( .. إبتسمت) .. ماعنديشي موشكيل واخا صعيب شويوش .. (لمعو عينيها) .. كانحماق على العوال ..

واحد الكليكة خارجة و دايزا من حداهم فالدخلة د ريسطو لي قريب لسطاسيون .. ضرقها بيديه باش مايقيسها حد لا بيديه لا بأي حاجة و نظراته تحولو للحدة حتى دازو عاد شدها من يديها و شبكها مع يديه دخلو لداخل كانو ناس قلال و الجو بليل هادئ و مريح جلسو و جا سيرفور شدو عشاهم حتا حطوليهم و بدات ياقوت تاكل هي لي فيها الموت د الجوع ايما هو خدا غير اسبريسو ..

ياقوت( .. رشفات من كاس العصير) .. علاش ماتشدشي عشاك ؟ .. ( شافت فكاسه) .. القهوة غاتحياد علك النعاس !!

عُمر( .. رشف منها) .. ماعليش !

تعشاو في جو هادئ و رومانسي ! .. بعده خرجو من الريسطو و شدو الطريق لدار ..

..