📜اشباه الرجال (مكتملة )📜

part53

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: ثمانية و ستون (53)●°

زاينة بقات معنقاها و ياقوت كتبكي على حر جهدها ! .. بقا فيها الحال بزااف حيت ظلمها و نعتها بعاهرة ! .. واخا ماقالهاش نيشان ولكن ديك الكلمة لي نطق بيها "هربتي مع شي راجل" كافية تفهم معناها .. هي فحياتها كلها ماطولات الهضرة مع شي جنس ذكوري من غير خالد لي كانو واقفين على المعقول هي و ياه لكن ماكملوش و كيفاش تقدر أنه تهرب مع شي واحد و هي غير فدار حتى خرجات نهار لي بغاو يزوجوها .. المسكينة كانت فرحانة حيت صونا ليها و قالت اقدر توحشها و بغا يسول فيها و يطلب سماح حيت عاميين هادي مشافهاش ولا سول فيها و فوقتما كاتصوني ليه هي مرة مكايجاوبش و مرة كيعطيها أعذار ! ..

زاينة(كاتمسح ليها دموعها): صافي .. تزيديش تدمعي ..

ياقوت(طلعات راسها و شافت فيها و جها حمر و شعرها لصق على وجهها كاتهضر بزز شهقتها مانعينها):
نتينا سماعتي كولتشي اخالتو .. سماعتيه شني قالي ..

زاينة(تنهدات بعمق): هضرو فيا وكالو ماكثر من هاكا غير صبرات راسي وصافي حتى كنت غادي ندردز . عطاوني دقة وعطيتهم دقاات بغاو يخرجوني
من داري .. (كملات كلامها كاضحك) .. مشيت جمعت وراقي كلفت محامي ودورت على سمسار يضبر لي على شي واحد يشري دار من عندي بعتها بلا مانفكر ...كانو بغاو يرميوني لزنقة و سبقتهم رميتهم انا شحال رغبوني و زاوكَو مابقالهم والو يبوسو رجليا مارحمتهمش ! لحقاش مارحمونيش ..خرجت من تما وهزيت ولادي ومشيت لوجدة دورت على دار صغيرة شريتها .. جاني ماكفس .. وقعولنا مشاكيل انا و عمر و جمع حوايجو و خرج .. خرجت ندور عليه لكَيتو مشى لفاس عند طاهر ..لحقاش هو و طاهر كانو صحاب تلاقو هو وياه فاش كانو لعبو دوري ديال كورة فاس مع وجدة من تما وهوما صحاب ديما كيجي عندووعمر كيمشي عندو ..فاش جيت نقلب عليه صونيت لطاهر عرفتو غيوليلو ..

ياقوت(كاتسمع ليها و شهقات خفاف تيخرجو ليها حتى سمعات اخير كلامها و قالت مصدومة): .. اوااعدي اخالتو .. (بإبتسامة ذابلة) .. ويانا نقول مالو هايداك صعيب بدزاااف .. حيت نتينا كونتي قاصحة معاه ههههه ..

زاينة(ضحكات ليها): وحمد الله صدق كيما بغيت ربي ماخيبنيش و الحاج احمد لكَيتو معايا داك لوقت مرتو توفات وخلات لو هند وطاهر تزوجنا و عاوني فبزاف ديال لحوايج ..ضايرين بيا الرجاال ابنتي..وموت راجلي لول و العذاب لي دوزت مع عائلتو عوضني عليه الله ..تفهمي المغزى من قصتي ؟ لي صرالك خايبة هي خير لك اياقوت وماشي هاكا ! ونتب براسك خاصك دراعك على يديك و لي خرج فيك عينيه خرجي

ياقوت: الله يخاليوم لك اخالتو .. نتينا تستاهل يكون عانداك رجال ..

زاينة(طبطبات على ظهرها): و نتي تستاهلي ماخير منهم ..

دخلات عندهم هند وجهها مبشور باينة فيها فرحانة مشات قصدات نيشان زاينة عنقاتها ..

هند:أخيرا صالحني بابا ! .. شكرا طاطا زاينة والله كون ماكنتي نتي مكانش غايسامحني ! ..

زاينة(داعبات شعرها و قالت كاتوصيها): .. و نتي ديري عقلك ! .. و بعدي من داك المسخوط مانيش مرتاحالو ..

هند(عبسات تعابيرها): .. غانحاول ! .. و لكن طاهر باقي مشفتو ..

مع نطقات كلامها سمعات صوته كيعيط على زاينة .. دخل لصالة شاف هند و هي شافت فيه بقا واقف بلاصته و تعابيره ماتغيروش لصدمة او غضب بلعكس بقا واقف عادي حتى فجأة قلب دورة و مشى خرج من تما ! .. زاينة غمزات هند لي كان باين عليها التوتر فهمات أنه خصها تبعه تهضر معاه و فعلا مشات بجرى تبعاته كاتعيط بسميته! .

ياقوت(بإستغراب): مالوم اخالتو ؟ ..

زاينة: .. خرجات لهم من جنب بغات عاد تنشط وتعيش لافي يحساب لها لحياة هي لخروج بليل وتعرية وتصاحيب كولش غضبان منها و باه صيفطها لوحدة من البارطمات حتى يبردو شوية وتولي .. لقاها طاهر سكنات معاها زلالها فدار عام هادي وهوما مدابزين شحال من مرة حاولت نصالحهم مبغاوش يسمحو لها داكشي كامل كانت كاديرو موراهم وهوما مقابلينش بداكشي لي كاديرو و مارضاوش تخرج لهم من جنب ..

ياقوت(عضات شفتيها): الله يهديها .. واخا هايداك ضريفة بدزااف و مزيونة ماتستاهلشي تخروج طريق ..

زاينة(تنهدات بحصرة): .. غادي يجي لوقت لي دير فيه عقلها وتمل من داكشي ! .. (ناضت من بلاصتها) .. نمشي نشوف واشا راها دارت معاه ..

خرجات من الصالة و تاجهات نيشان عند وحدة من الخدامات سولاتها فين تاجهات هند .. خبارتها بلي خرجات لجردة .. شكراتها و خرجات من دار دازت من جردة مالقاتهاش سمعات صوت الطموبيل ديمارات بدلات طريق لجيهة فين تيبلاصيو طموبيلات ديالهم لقات طموبيل ديال هند مكايناش عرفات و فهمات شنو وقع ! .. دخلات لقات طاهر جالس كايتغذا فالكوزينة حيت ماتغذاش معاهم فالغذاء مشات جلسات حداه ..

زاينة: ربي يهديك اطاهر ! .. صاي سمحلها و خطيها لها .. !

طاهر(شاف فيها بملامح باردة): .. سمحيليا مانقدرش ندوزها ليها ! .. قلبي باقي مابرد ! ..

ناض مشى و خلاها دار بناقص من شي غذاء و هي متبعة ليه العين .. واخا هو شخص ضريف و مزيان فتعامله ولكن صعيب يسمح ليها واخا ختو لكن باقي ماتقبلش حقيقتها ! ..

#يتبع😍😘