📜اشباه الرجال (مكتملة )📜

part78

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 78●°

شافت الجو شوية متوثر و ممكن ينوض صداع بيناتهوم غمزات حسين يمشي فحاله حتى شدو طاهر مزير على يديه الغيرة سيطرات عليه و ماقدرش يتحكم فيها ! ..

طاهر(بهدوء عكس لداخل دياله) : .. فين غادي ؟

حسين(نتر يديه منه و جبد كارو من الجيب وراه ليه ): .. اخويا جيت غير نقاد لمزاج ا .. (طلع يديه لفوق ) .. اشخرجنا لهادشي كامل ! ..

طاهر( .. بنظرات قاتمة دفعه من كتفه بقوة): .. سير فحالك سير ! ..

حسين( طلع حاجبه و مسح بيديه البلاصة فين قاسو): .. جمع يديك اشريف لايحسابليك دمدومة أنا دفع فيا كي بغيتي ! .. (شاف جيهة عائشة فاهم البلان) .. لاكنتي كاتغير عليها ديرها تحت جناحك ماتبعهاش مع من غادا مع من جايا بلا شرع ! ..

حك لحيته مغدد و الدقة ناوي يجيبها ليه فعينيه ! .. شداته عائشة من يديه و جراته لبعيد و حسين مشى ناجي بعينيه صحيحة .. وقفاته كاتشوف فيه مخرجة عينيها و الغضب باين من ملامح وجهها ..

عائشة: .. واشا يكولك روحك راك دير ؟ ..

طاهر(مسح وجهه محاول يكالمي راسه): .. مكاندير والو ! .. (قرب عندها بخطوة مكمل كلامه بهدوء) .. علاش نتي كاديري معايا هكا ؟ علاش ؟ ..

عائشة(كاتشوف موراها و قدامها لايدوز خوها و يشوفهم عاد ركزات نظراتها معاه): .. مانزيدش نشوفك دور كدامي اطاهر ! .. (عقدات تعابيرها أكتر من الأول) .. ماراك كاتب عليا ماراحنا ولاد كرش وحدا ! مامراضعا معاك ! .. عطينا تيقار و وقرني ماتزيدش دور بيا ! .. ( .. هزات صبعها فوجهه) ..  خطيني علك ! ..

طاهر زادت على مابيه بكلامها شد إصبعها لي قدامه نزلو ليها و مسك يديها من المعصم نسى خوها و نسى الأم ديالها ! .. فهاد اللحظة كاتبان ليه غير هي ! ..

طاهر: .. حيت مييت عليك كانجي فطريقك ! .. (زاد فحدة صوته و كاع البرود ديالها معاه بدا يتفكره و يجي فباله و كلامها د دابا زاد على مابيه) .. و حيت مييت عليك ديما وراك بحال ضلك ..

عائشة(نترات يديه بجهد مغوتة فوجهه): .. اخويا طلك يدي !!  طلك مني ! .. ماااتبغينيش أنا ماشي ديال البغيان !!

طاهر( .. بلع غصته و الدموع هوما لي بقاو ليها يطيحهم عليها جهده طيحاتو هو براسه طيحاته .. سكت مدة و هو كايشوف فيها عاد رد عليها بنبرة باردة لا تحمل آي شئ من لي كايحس بيه كأنه مابيه والو ! ) .. كوني على خاطرك ماغتبقايش تشوفيني قدامك ولا وراك ولا فحياتك كاملة! .. رتاحي  ! ..

مشى و خلاها واقفة تما كاتغدد عليه من ديما كلامه ليها مجرد عن فين غاديا ؟ فين جايا ؟ عائشة تزوجيني ! عائشة قبلي بيا ! .. كلامهم في حدود و إحترام لكن هاد المرة كان العكس كانت شرانية معاه وهو نفس الشي ! .. دورات عينيها كاتقلب على مينة مالقاتهاش ! .. دفلات فالأرض و أعصابها باقي ماتهدنو عاد دخلات لدار  ..
..#التتمة

دخلات عند العيالات بانو يالاه كايتقادو بلاصتهم يتعشاو .. مشات جلسات فالطبلة لي فيها العائلة جلسات جنب هند و ياسمين لي لاصقين مع بعضياتهوم من نهار جات ..

هند(شافت فعائشة و إبتسمت ليها): .. الكبيدة ! (شافت ملامحها مخسرين) .. مالك ؟

عائشة(ردات البال لسؤالها): .. والو !

هند( .. بدات توريها تصاورها لي دارت): .. كي جاو هادو؟ ..

عائشة(غير شافت فيهوم و جاوباتها بلا خاطر): .. ملاح ..

هند(شافت ف ياسمين): .. وصلوك التصاور لخرين ؟ ..

ياسمين( عينيها على الميساجات ديالهم ساعة هادي و كاتسناه يجاوبها و مكانش أونلاين طلعات راسها و جاوباتها): .. اه وصلوني ! .. (غمزاتها كاضحك) .. قبل مانمشي خصنا نخرجو نضربو ضويرة بجوج ! ..

هند( بادلاتها الضحكة): .. ضاروري ! .. (حولات أنظارها لياقوت لي كانت جالسة جنب حليمة و كاتهضر مع زاينة) .. ياقوت !!

ياقوت(قاطعات كلامها و شافت ف هند و إبتسمت ليها): .. نعام ازين ؟

هند(إبتسمت ليها): .. تخرجي معانا فاش يسالي العرس؟ ..

زاينة(سمعاتهاش شنو قالت): .. فين هادي تمشيو؟ ..

عائشة(بطنز): .. زعما ايخليها ولدك تروح معاهوم ! ..

ياقوت( .. مخاطبة هند و الإبتسامة على ثغرها): .. حيتا انا مانكرهشي نخروح معاكوم ..

تحط العشاء و الناس بداو ياكلو في جو مليئ بالضحك خصوصا عندهم فالطبلة خالقين النشاط بيناتهوم منين بداو حتى سالاو فاش غسلو يديهوم ..!

..