📜اشباه الرجال (مكتملة )📜

part25

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: الخامس و العشرون  (25)●°

ماتسطراتش ليها كاع رجعات كلها حمرة و حشمانة من راسها و من مول الطاكسي لي شافهم مشات بزربة حتى ركبات فطاكسي و انطلق من تما لكن هي الموهيم عندها هو خرجات من ديك الvيلا .. و مول الطاكسي غادي لوجهة لي قاليه يلحق ليها عليه مدة الطريق و كاطل من الشرجم طنجة كانت خاوية ناس قليلة لي كاينة و صافي بنادم فشهر 10 مكاتلقاهش كايضور فليل ماشي كيبحال الصيف .. ماوقفو حتى لقدام واحد الأوطيل فخم غير من الطموبيلات لي مبلاصين حداه يعطيوك الخبار .. بقات حالة فيه فمها خصوصا ليل كاع ضواو شعلو فيه ! ..

مول الطاكسي(جبد تيليفونه فاش سمعه كايصوني):
آلو! .. واخا اسيدي ! ..

قطع الإتصال و ضار لور عند ياقوت ..

مول الطاكسي(كايهضر بلهجته الشمالية): السيد قالك العايلة نزال عندو ! ..

ياقوت(إبتسمت ليه): واخا اعمو ..

نزلات كاتشوف فداك المنظر لي حمقها ديال بصاح أول مرة تشوفه فحياتها كاملة ! .. شافته جاي عندها كايتمشى بنخوة و خطوات تابتة  غير وصل عندها حنات هي عينيها وراسها لأرض الهيبة لي عندو تخليك تحتارميه وتنزلي راسك بزز منك ! .. و هي عمرها وقفات حدا راجل بحال هادا هماوي و حرش .. كاع لي شافت فحياتها من أشباه الرجال و شمايت عندهم المرأة والو !! .. شافت يديه ممدودة و فيها ملف مشدود بالحديد  .. هي من عادتها فاش كاتحشم كاتوتر و كاتولي كلها كاترعد .. نسات و مدات يديها لي محروقة حتى شداته عنده بيد وحدة ماحسات بيه حتى طاح ليها و الحديد لي فيه قاس الحرقة حتى غوتات بالحر شادة يديها و مغمضة عيونها كاتدور فبلاصتها و الآلم لي كان شدها فاش تحرقات هو نفسه رجع ليها فاش جرحها فيه الحديد دوك البقع دالحريق طرطقو و خرج منهم الكيح و الحديد جرحها وبدا يسيل دم  .. هو تحنى هز الملف من الأرض حتى سمع مول الطاكسي كايعيط عليه ..

مول الطاكسي(خرج راسه من الشرجم): خاي سماحلي عايطو لي العائلة مراتي كاتولد ! ..(نزل من الطاكسي كيجرى و فيديه صاك د ياقوت) .. الصاك د العايلة أنا ماشي اخاي سماحلي!

شد عنده الصاك و عطاه إشارة يمشي دار الملف تحت كتفه مراقب يديها كاتقطر بالدم ..

ياقوت كاتحل عيونها و كاتسدهم من كترة الحريق عاد رجعات حلاتهم و تصادفات نيشان مع الدم تخلعات و شافت فيه لقاته واقف كيشوف فيها بتعابير باردة ..

ياقوت(باقا كاتشوف فيه): اوااعدي الدام عفاك اخاي حبسو ! ..

***(حيد عينيه عليها وشاف فيديها و قال كيطمأنها):
..كاع لا تهوليش.... دورك تبرا !

مسح على لحيته و قال ليها تبعه لور هي كل همها يتحبس داك الدم و الحريق لي فيديها حتى هو تبعاته لداخل حتى طلعو فالأسانسور .. بقات عينيها غير على داك الدم بغات تمحيه فيديها بلا ماتحس و بزربة مسحاتو فحوايجو عقد فيها حجبانه و حول نظره لقميجته لبيضة لي توسخات بدمها ..

ياقوت(عاد سرات معاها شدارت غرقات بلاصتها و حشمات منه و قالت بصوت منخفض): سماحلي اخاي ..

هو دار راسه ماسمعهاش مجاوبهاش كاع حتى تحل لأسانسور و فنفس الوقت ماعجبوش تصرفها لكن شافها بنت صغيرة معاقلاش و دوزها بالماء ! ..

#يتبع❤💥💥💥💥💥