🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°#الفصل الثاني: إلتئام الجرح🫀
°●الجزء: 132●°وصلوه الخبار بلي الناس وصلات! .. خرجات زاينة و استقبلاتهوم حتا دخل ماجد هو و الأب دياله و الأم دياله عينيه كايدورو فالڤيلا عجباته ! .. و الأب و الأم لي حتا هوما باينة فيهوم من عائلة مرموقة ولكن ماشي بحال عائلة اليازيدي و هادشي لي زاد عجبهوم كتر حيت ولدهوم اختارها من نفس المستوى ديالهم أو أكتر !! .. رحبو بيهوم و كبرو بيهوم و جلسو فالصالون مجموعين و حطو الشكلاط و الورد لي جايبين معاهم فوق الطبيلة د الزاج لي الوسط ..
أب ماجد مخاطب عُمر: .. الله يكتر من خيركوم !!
عُمر( .. بإحترام ) .. اللهم أمين الحاج !
الحاج أحمد( .. بإبتسامة) .. نهار كبير هادا !
أب ماجد: .. الله يكبر بيك اسي الحاج !
تغذاو مجموعين عاد غادي يهضرو فالموضوع لي جاو على قبله حتا تغداو كاملين و جلسو مجموعين و حطو القهوة و أتاي و الحلاوي و الكيكات و الفواكه المجففة و كل ماتاشتاهيه النفوس موجودة و الخير تبارك الله موجود و فايض عليهوم !!
أب ماجد (حط الكاس من يديه) .. سي عمر عرفتينا علاش جينا عندكوم هاد النهار!
عُمر( .. حاط يديه على رجليه كايسمع ليه) .. الله ياودي الحاج ! .. مايخفا عليا شاي!
أب ماجد( .. إبتسم) .. عارف اولدي بغيت ندخل فالموضوع .. جينا طالبين فبنتكوم عائشة لولدنا ماجد !
عُمر( .. حرك رأسه بهدوء ونطق) .. واشتا نگولك الحاج ! ( .. ضيق عيونه) .. راني عارف عليه كولش !! ( .. شاف فيه قارن حاجبه) .. عايشة راها بنتي ماراهتش تتحسب غير ختي !! ( .. بجدية فكلامه) .. نسمع كلمة وحدة عليه مانعقلش عليه الحاج ( طلع يديه) .. مارانيش ندير بحساب العشرة و النسوبية !! غلط معاها راه يتعاگب !! .. يولي معاها راجل و نص راني نولي معاه راجل و كلمة الرجال هي لي تولي اسي الحاج !!
أب ماجد متبعه فكلامه: .. ماگلتي عيب اولدي !! من حقك تخاف على ختك و لهلا يحاشمنا .. (شاف فعائشة لي ساكتة و كاتسمع) .. واشتا گلتي ابنتي ؟
عائشة( .. إبتسمت و حركات راسها) .. لي گالها خويا هي لي تولي !
ماجد( .. هرب عيونه من على ياقوت و إبتسم فاش سمعها) .. احم هي نگولو الله يكمل بالخير ؟
أب ماجد شاف في عُمر : .. واشتا گلتي اولدي !
عُمر( .. بجدية) .. ربي يجعل لي راه فيها الخير الحاج !
ماعجبهاش الحال ! مارتاحتش ليه و لهاد الخطبة من ساسها لراسها .. من و هوما كايهضرو و ملاهيين لقاها فرصة و علق فيها عينيه و مابغاش يحيدهوم !! .. قالت ياربي غير يكون كايشوف فعائشة لي جالسة حداها و مكايشوفش فيها هي بديك النظرة المكشوفة و المكبوتة !! ..
حولات أنظارها لجيهة عمر لي كان تايهضر مع أب ماجد يعني ماقشعش نظراته ليها غير هي فاش كاتدور عينيها كاتلقاه كايشوف فيها !! .. داز الوقت و خرجو من عندهم بعدما قراو الفاتحة و مشاو و ياقوت طلعات لبيتها نسات الأمر و مايجي منه .. بدلات حوايجها و لبسات بيجامتها و نزلات لقات زاينة جالسة فالصالون و عائشة رجعات لڤيلا مع الحاج ..
ياقوت( .. مشات حلات الريدوات) .. خالتو نعمل ليك أتاي ؟ ..
زاينة( .. كاتفرج فالبلازمة و كتاكل الزريعة) .. لا لا غير اجي كحزي و تفرجي معايا ! .. ( جات ياقوت جلسات حداها ) .. گوليلي ياكما الحفاظة صعابت علك ؟
ياقوت( ..حركات راسها) .. لا بالعكس و عمر كايعاوني فالفهم و كايشراحلي الدروس ! فرحت حيت غاناخد الباك ديالي ..
زاينة( .. إبتسمت) .. ان شاء الله ابنتي !
ياقوت( .. عنقاتها) .. بقا عاندنا اليوم ..
زاينة( .. بادلاتها العناق) .. مايولي غير خاطرك ازينة البنات !! ( .. باستها فوق راسها) .. راني نولي نجي عندك بزاف راكي حاملة و خصني نقابلك شوية! ..
ياقوت( .. إبتسمت بلطف) .. اواعدي ماتعدابشي راسك اخالتو نتينا عنداك مسؤولية اخرى كبار ماني !!
زاينة( .. كاتلعب فشعرها بحنان) .. حتا نتي راك مسؤوليتي و أولى ليا ! الڤيلا راها الحاجة كاينة تكلف و راني نولي عندك قيساش حبيتي !
ياقوت: .. و كون غير سكانتي معانا والله ماكراهتشي !
زاينة: .. لا ابنتي انتي خودي راحتك مع راجلك لوحدكوم .. ( قاست كريشتها كاضحك) .. و هاد الفنكوش د جداتو !!
ياقوت( .. ضحكات و حطات يديها على كريشتها) .. ههههه باين غايحاماقني ..
..
أنت تقرأ
📜اشباه الرجال (مكتملة )📜
Adventure⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ [مــكــتمــلــة]❤️ "حـصــريا و فــقــط عــلـى مـخـتـلـف اللـهجـات" الآمال العظيمة هي ماتخلق الرجال العظماء ..! 🔏[ممنوعة منعا...