📜اشباه الرجال (مكتملة )📜

part140

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء140●° 

خرجات من عنده و قصدات البيت لي ناعس فيها حلات الباب بشوية عليه لقاته مستلقي فالسرير على كرشه قربات عنده بخطوات بطيئة بلا ماتصدر الحس حيت سمعاته كايتمتم وسط نعاسه غير لمحات وذنيها شنو قال بقات واقفة كاتشوف حتى إبتسمت فعز حزنها ودموعها !!

زاينة( .. بصوت خافت) .. عمر !! عمر !

نعاسه خفيف دغيا حل عينيه ببطئ فاش فيقاته شافها قدامه و هز المگانة دياله شاف فالساعة ..

عمر( .. ناض من بلاصته و النعاس باقي شاد فيه ناطق بصوت باح) .. واشتا ا مّا ؟ .. ( ماطاحت فباله غير ياقوت مسح على وجهه كايتسناها تهضر) ..

زاينة( .. سكتات مدة عاد نطقت ) .. حلمتي بيها؟

عمر( .. حرك رأسه بمعنى شكون) ..

زاينة( .. جاوباته) .. كنتي تعيط بسمية ياقوت و نتا راگد !!

عمر ( .. ابتلع ريقه ومسح على شعره مبدل ليها الموضوع) .. واشتا صرا ؟

زاينة( .. بحرقة) .. باها د ياقوت توفى الله يوليه بالرحمة !! ( .. كلما كاتفكر حالة ياقوت عينيها كايدمعو) .. غير دروك صوناتلي كلثوم خالتها و عطاتنا الخبار ياقوت ماراهاش بخير اولدي !! ..

ناض بزربة من بلاصته و فباله غير هي نهار و مطال و على فراقها لي كسر روحه و على دموعها ليحرقوه فقلبه !!

عمر( .. هز تيليفونه و سوارته بسرعة تالف) .. ان لله و ان اليه راجعون !! .. فييرااها اليااقوت دروك ؟ ( .. تزير قلبه ) .. فييرااها امّا هضري ؟؟ ..

زاينة( .. بنبرة باكية) .. راها مزالها فبيتك اولدي !!

خرج من البيت قاصدها نيشان وقلبه كايضرب ونفسه مزيرة و زاينة مشات لبسات حوايجها و دازت عند هند تجيب عندها الحوايج دخلات عندها و فيقاتها من نعاسها و طلبات منها تعطيها لي تحتاجه و خدات عندها مونطو طويل و السروال و الگاط  .. و

هند ( .. مخلوعة) .. طاتي اشواقع ؟

زاينة( .. وقفت و شافت فيها ) .. هند مارگدتيش ؟ .. (تنهدت بحزن) .. صونتلنا كلثوم خالت ياقوت !! ( بأسى) .. باها توفى !!

هند( شهقت ) .. لااا اطاتي ماتقوليهاش !! .. ( حطات يديها على قلبها ) .. الله ياربي !! ..

خرجات زاينة و خرجات معاها هند من البيت و خلات لهند الحوايج تنزلهم لياقوت  .. و عائشة خرجت من بيتها لي حلف النعاس مايديها بسبب لي وقع كاتطل بانت ليها زاينة و هند واقفة معصبة و مغددة شحال وهي كانت كاتصوني علا ماجد مكايجاوبش !! ماشي مرة ماشي جوج حتى تذكرت النهار لي كان جا خطبها فيه و انفردت معاه فالصالون يهضرو فزواجهم ويزيدو يتفاهمو حيت ماتقدرش تخرج معاه ! .. وفاش ناضت نسات تيليفونها و تما فين عرفاته خدا نمرة ياقوت عندها حيت بقات عندها فتيليفونها هرسات تيليفونها عاد بردات شوية ولكن قلبها مابردش !! .. حسات ب ماجد و ياقوت شمتوها ولعبو بيها !! واخا الطرف لاخر ماعنده حتى ذنب لكن هي بغات السبة !! .. بقات مخبية و واقفة حتى نزلات زاينة و وقفت هند مصدومة باقي مامتيقة شنو تايوقع !! .. مشات عندها حتى قفزت هند مخلوعة فاش وقفات عليها ..