🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°
#الفصل الثاني: إلتئام الجرح🫀
°●الجزء102
ماوقف بالخيل حتى لجيهة الخيمة لي ناصبين وسط الجردة و فيها طبالي و زرابي حمرة تقليدية و الأرض مفرشة كلها و الوسايد فالأرض ضايرين بدوك الطبيلات الصغار .. نزل و نزلها من فوق الخيل حتى حطها فالأرض سبقاته لخيمة و جلسات فديك البلاصة المريحة و هو جلس حداها و جبد تيليفونه صيفط ميساج لزاينة تصيفط ليه مع الخدم الفطور ليه هو و ياقوت باغي يعاود معاها فطورو تكات ياقوت بجسدها و حطات راسها على رجليه و عينيها فيه و هو منزل راسه كايشوف فيها و يديه كادوزها على شعرها بعدما حيد ليها الشال لي لابسة ..
ياقوت: .. فكرت فإسمو ! .. (إبتسمت) غانسميه اولوف ..
عُمر: .. زينة ! دروك لازم تعرفي كيفاش تركبيه !
ياقوت( دورات خصلة من شعرها بين صباعها) .. اممم نتينا لي عاتعلمني ؟
عُمر( .. عقد تعابيره) .. علاه شكون لي راه فبالك يعلمك ؟
ياقوت( رمشات فيه) .. شكون من غيرك تينا ؟
ناضت بزربة فاش وقفات عليهوم جوج بنات من الخدم حطو كاع لي فالبلاطو لي فيديهوم على الطبيلة و استأذنو من عمر و مشاو ..
ياقوت: .. ياك فطرنا قبال ؟
عُمر( .. هز زايتونة كحلة و دخلها لفمها) .. نعاودوه !
ياقوت( .. كلاتها و حيدات العظمة إبتسمت حتى بانو سنانها) .. صراحة مافياشي دجوع ..
عُمر( .. عقد تعابيره فيها) راني وليت نشوفك مكاتاكلي والو ؟ (هزها من جنابها حتى جات فوق رجليه) .. نبغيك تاكلي دروك هاتمرضي بقلة الماكلة !!
ياقوت( .. دورات يديها على عنقه) .. ماعنديشي الشهية ! (قلبات فمها) .. وراه فطرت قبيلة !
عُمر( .. تنهد و دور يديه على خصرها) مديلي القهوة !
ياقوت( .. دورات عينيها لطبلة بان ليها كاس بيض خداته و بدات تشربو بيديها حتى شرب فيه شوية و مسحات فمه بشوية ) .. بصحة !
حيد ليها الكاس من يديها و حطو و خدا الخبز عمرو بالزيت و دار فيه شوية د الفرماج و هي مراقباه بعينيها حتى مدوليها حدا فمها ..
عُمر: كوليي!!
ياقوت( .. خسرات ملامحها) .. الزيت ؟ كون غير عملتي تشوكلاط الزيت مكنحملاشي !
عُمر( .. بحدة) .. راكي تموتي على لي يضر صحتك ! الزيت خيرلك من التدفيش هاد !
ياقوت( .. ابتلعت ريقها) .. ولكن راه مكنحملاشي !!
عُمر: .. سمعي لهضرتي الياقوت !
ياقوت: مكنحملاشي ا عمر غادي نردا .. (دورات يديها على عنقو) .. و أصلا مافياشي دجوع !
YOU ARE READING
📜اشباه الرجال (مكتملة )📜
Adventure⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ [مــكــتمــلــة]❤️ "حـصــريا و فــقــط عــلـى مـخـتـلـف اللـهجـات" الآمال العظيمة هي ماتخلق الرجال العظماء ..! 🔏[ممنوعة منعا...
