📜اشباه الرجال (مكتملة )📜

part46

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: ستة و خمسون (46)

زاينة كاتجر فياقوت لي حمارت بالحشمة .. كل لي جالس على طبلة أنظارهم على ياقوت لي ماعرفوهاش ! ..

زاينة(أشارت لحاج): هادا راجلي احمد ! ..

ياقوت(إبتسمت ليه و قالت بعفوية): تيشبهلو لخاي عمر ..

زاينة( خرجات ليها ضحكة): لا ماشي باه ولدي ربيبو اما باه مات شحال هادي الله يرحمه ! ..

ياقوت نزلات راسها بإحراج و الحاج أحمد و زاينة تيضحكو حيت ضحكاتهم بديك تيشبه ليه وهو ماشي باه ! .. زاينة اشارت لبنت لي جالسة حدا أحمد كتاكل مامسوقاش لا لياقوت شافت فيها شوفة وحدة ماهمهاش تعرف شكون ولا تعرف على شنو تيهضرو لابس زيفها و حوايجها مستورين كادير غير شوفة فيهوم و ترجع تاكل ..

زاينة:  هاديك خت عمر ولدي سميتها عائشة ! ..

أشارت ليها لشخص لي جالس أونفاص مع عائشة و هو عينيه غير عليها غايب عليهوم و على شنو تيهضرو فينما يسمع شي حس تيهرب عينيه ولا فاش تيشوف عائشة غاطلع عينيها كايهربهم منها ..

زاينة: هداك ربيبي اسمه طاهر ! .. (عيطات عليه) .. طاهر !..

هو غير سمع اسمه طلع عينيه شاف فياقوت و إبتسم ليها ..

طاهر: مرحبا بيك أختي! ..

ياقوت(بادلاته الإبتسامة): تشوكران اخاي ..

قاطعاتهم الحاجة لي جات و معاها مينة .. ياقوت عاد ردات لبال لمينة لي لابسة لباش محتشم و غطية شعرها كله بالزيف .. عكس البارح لي كان المعري كتر من المغطي ! ..

زاينة(طلعات حجبانها و نعتات بعينيها): الحاجة فاطمة لالة !  ..(عكوزتها) ..

الحاجة فاطمة(شافت فياقوت شوفة باردة و قالت مخاطبة الجميع): عمر غايجي لغذاء كولشي بغيت كولشي يحضر ! .. (شافت في مينة) .. كيما خطبنا ليه البنت كاملين غانصالحهوم كاملين

أمينة ضهرات شبه إبتسامة على ثغرها و حفيظة حتى هي عاجبها الحال ! شكون يكره ينظم لهاد العائلة لي مناقصهم حتى خير؟ .. زاينة ماعجبهاش الحال هي و الحاج لكن غير ساكتين لأنه من عاداتهم و التقاليد هي الجدة لي تختار العروسة لولد ولدها ! .. رغم أنه عمر ماشي حفيدها لكن رباته على يديها و حاسباه بحال ولدها ماشي غير إبن مرات ولدها ! .. جلسو على الطبلة و أمينة حدها لاصقة مع الحاجة فاطمة .. زاينة جلسات فالجنب لاخر معاها ياقوت جالسة حداها عينيها غير على الماكلة لي محطوطة على الطبلة فيها الجوع حتى العشاء ماتعشاتوش .. بداو ياكلو و ياقوت شادة يديها مابغاتش تبدا تاكل حتى يقولها ليها حشمانة منهم و حيت دخلات عليهوم لهاد الدار و هي غريبة عليهوم ! ..

زاينة(ردات ليها البال): كولي ابنتي ماتحشميش ! ..

ياقوت إبتسمت ليها بخجل و هزات زايتونة كحلة كلاتها كتاكل بالقياس ..

الحاجة فاطمة(عينيها على ياقوت حطات كاسها د أتاي): منين جابك عمر ؟ ..

الكل شاف فيها كايتعجب من غير أمينة و زاينة لي عارفين كولشي .. طاهر و عائشة و الحاج أحمد لي معارفين والو جاتهم غريبة عمر تكون معاه شي وحدة و هو حتى بنات العائلة مكايهز فيهوم العين ! .. ياقوت جاها سؤالها عادي ماحشمات ماوالو منهم لأنه غير عاونها مكاين حتى شي عيب فالأمر ! ..

ياقوت(جمعات يديها عندها حانية عينيها بحشمة و وقا): خاي عمر غير عاوني اعزيزة ..

الحاجة فاطمة: جابك عند حفيظة ؟ .. على ما قالت ليا مكاتعرفك مكاتعرفيها ؟ ..

ياقوت(إبتلعت ريقها حشمانة منهم): لا لا ! .. (حنات راسها و قالت) .. حتى يدجي هو و يقولكم ..

زاينة(طولات شوفة فالحاجة فاطمة و قالت مخاطبها): حتى يجي عمر ! ..

طاهر(شاف فياقوت و إبتسم ليها): مرحبا بيك أختي عندنا ! .. (ناض واقف و شاف فعائشة لي كان عقلها مع كلامهم ) .. نوصلك معايا ؟ ..

ردو لبال لكلامه حيت الأسرة كلها عارفة طاهر كيبغي عائشة و شحال من مرة طلب يديها و كاتعطيه عذر أنه باقي صغيرة و مابغاتش تزوج .. !

عائشة(إبتسمت ليها):  لا لا غير رووح شكرا! ..

زاينة(غمزاتها): روحي يوصلك طريڤو فطريڤك! ..

عائشة(عقدات حجبانها): باقي مابغيت نروح ! ..

طاهر فهم راسه سلم على الكل ومشى خارج معاجبوش الحال ! .. فكل مرة كاتهرب منو وهو ناوي معاها المعقول ماشي يتفلا ختارها هي تكون حلاله ولكن هي كل مرة كاترفضه بعذر حتى عيى دبصاح و طلع ليه هادشي فراسه على الأقل إلى مابغاتوش تقولها ليه نيشان ! ..

#يتبع🍷