🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°#الفصل الثاني: إلتئام الجرح🫀
°●الجزء: 72دازو يوميين و هوما غارقين وسط تمارة ! .. خصوصا أنه قررو يديروه فقبيلتهم لي قريبة لحدود الجزائر "أهل أنكاد" لمدة أسبوع كامل و هوما كيوجدو .. كان الليل و الشيوخ و أهل القبيلة كلهم مجموعة ف فالڤيلا لي كانت تقليدية لا من ناحية الشكل ولا الفراش زاينة لي فرشاتها و بناتها على ذوقها بعدما شراو فيها أرض و أراضي هوما! .. الدار عامرة بالناس و حس الراحة مكاينش العيالات لداخل د الدار و الرجال فالخيمة لي على برا فالجردة الرگادة و العلاوي حاضر كاتسمعه من أمطار و أمطار .. العيالات لي لداخل تيغنيو و يشطحو و يزغرتو ! .. فالبيت المجاور واقفة هي و ياسمين و البنات كاتختار اينا قفطان تلبس لليلة الحنة و ليلة عقدها معاه .. طاحت عينيها على قفطان بلدي فالأرونج كان سامبل و مغاتعذبش فيه و راته لبنات و حتى هوما عجبهم من غير عائشة عارضاتها ..
عائشة(عينيها على تكشيطة من بينهم): .. هاديك تجيك مليحة ! ..
ياقوت: .. ماعرفتشي ! .. (شافت فالقفطان لي ختارت) .. ولكن أنا عجبني هايدا ! ..
عائشة(كاتشوف فيه): .. مازينش ! ..
ياسمين: .. الموهيم هي عجبها ! .. هي لي غاتلبسو ..
هند(إبتسمت ل ياقوت): .. غايجيك واااو ! .. (حطات صبعها على عقلها) .. تخيلتو فيك ..
ياقوت(إبتسمت ليها): .. اه مزيون بدزاف ..
حيدات البيجامة لي كانت لابسة بقات بالكولون بيض و ضوني دياله لي فنفس اللون .. لبساته و هوما كيشوفو فيها كي غايجيها فاللبس .. مقارنة مع طايتها لي كانت تزادت شوية فالوزن على قبل كي كانت ملبوس عليها كأنه مخيط عليها جاها نيشان و مواتيها ..
خياسمين(بإبتسامة): .. جاك زوين ! ..
هند(شدات يد و دوراتها كاتشوف قفطانها): .. فنة فنة ! .. كاتحمقي مشاء الله .. خويا عُمر دا الزين ! ..
عائشة(كاتشوف فيها بمياعة): .. ماعجبنيش فيك الصراحة ! ..
ياقوت(ماتسوقاتش كاع لهضرتها الأهم عندها هي عجبها .. كاتشوف راسها من المراية و جاوباتها ببرود): .. واخا ! ..
هند(عينيها على عائشة كاتشوف فيها بهدوء): .. عائشة !! ..
عائشة(هزات قفطانها تلبسه): .. غير گلت لها ! ..
ياسمين هي بدورها كاتشوف فيها مصغرة عيونها .. كاتستافزها لدرجة ماقدراتش طيح عليها بنتفة غير حشمات ! ..
ياسمين(قربات عند ياقوت كاتحشي الهضرة): .. الله يحجبك العينين غايهلكوك ! ..
عائشة دارت راسها ماسمعاتهاش كاتلبس قفطانها ..
ياقوت(شافت فيها بنص عين فهمات قصدها باغا تبدل الموضوع ): .. حبيبة مديلي السمطة ديالو ..
ياسمين هزاتها من فوق السرير كاتركبها ليها ..
ياقوت(شادة كرشها من جيهة السمطة حتى تأوهت): .. اووه .. (مخسرة ملامحها) .. ماتزيراشي بدزااف ..
ياسمين(رخفاتها): .. كرشك لي صغيرة أختي! .. شادة الربع د الحزام ماشي حتى النص ..
ياقوت(قلبات شنايفها): .. يااااك !!
ياسمين(بإبتسامة): .. غير كانضحك معاك !!
..
لبسو البنات قفاطنهم و جبدو المكياج يتزينو بيه و بغاو سبقو ياقوت هي لولة ..
ياقوت(مخاطبة ياسمين): .. ياسمين قاديلي هايداك المكياج لي كونتي عملتي فدايك التصويرة لي وريتيني ..
ياسمين(بإستفهام): .. تاع عيد ميلادي ؟ ..
ياقوت: .. اه هو ! ..
هزات لاتخوس دالمكياج و نفذات طلبها و دارت ليها مكياج سامبل و صبغات ليها ظفارها بالحمر مواتي مع بيوضة يديها و رجليها .. حتى دخلات عليهوم كلثوم خبراتها تزرب لأنه العدول وصل خصها تخرج عنده .. لبسات شالها و الطالون فرجليها و خرجات مرافقينها البنات دخلو لصالون فراشه كان مميز و تقليدي فديكور دياله كاتحس براسك كأنك رجعتي لأيام زمان و أيام البادية التغير فقط فبعض اللمسات لي تبدلو و رجعو أرقى على التقليدي ديال قبل .. حنات راسها بحشمة و جلسات بلاصتها و العدول بدا معاهم مراسيم الزواج و عطاهم ستيلو يسنيو على كتابهم و على عقد حياتهم ماشي غير زواجهم
YOU ARE READING
📜اشباه الرجال (مكتملة )📜
Adventure⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ [مــكــتمــلــة]❤️ "حـصــريا و فــقــط عــلـى مـخـتـلـف اللـهجـات" الآمال العظيمة هي ماتخلق الرجال العظماء ..! 🔏[ممنوعة منعا...