📜اشباه الرجال (مكتملة )📜

part60

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء:  (60)●°

خرجات معاها و ياسمين تابعاهوم لور ملهوفة من صباح تشوف لي جاي يخطب ختها ! .. دخلات كلثوم لولة و ياقوت وقفات حدا الباب و صوت زاينة هو لي كاتسمعه كاتهضر مع نجاة .. حسات بيد ياسمين دفعاتها بشوية من لور .. حتى خطات لداخل بخطوات متوازنة و راسها حانياه مشافت فحتى واحد .. حتى جلسات ويديها كاتحركهم بتوتر حشمانة منهم و شوية د الخوف  حتى هو راودها.. جلسات حداها ياسمين كاتشوف في طاهر  يحساب ليها هو لي جاي يخطب ياقوت .. شافت في عائشة و زاينة و الحاج أحمد و كاتباتسم ليهوم .. ياقوت باقا منزلة راسها ماقدراتش تطلعه خصوصا ظنات أنه عُمر جالس معاهم ! ..

كلثوم(عيطات على ياقوت): .. ياقوت سلمي على الناس بعدا ! ..

دقات قلبها تسارعو فاش سمعاتها طلعات راسها بزربة كادو فعينيها مبانش ليها هو .. عاد بدا قلبها ينخافض من سرعة دقاته .. بلعات ريقها و ناضت سلمات عليهوم واحد بواحد و زاينة كاضحك ليها و تمدحها عينيهوم غير عليها و على جمالها بعدما قادات حالتها رغم أنه ماشي شي حاجة كبيرة لي تزينات بيها لكن البساطة ديالها فداكشي لي كادير و زينها باين و واضح مايحتاجش أصلا شي حاجة كبيرة باش تبان زوينة بحال هكا غير شوية د المكياج و حوايجها النقيين بينو جمالها زائد نفسيتها لي تحسنات شوية و جها مابقاش شاحب بحال قبل من قوة المشاكيل و الصداع .. السؤال لي فبالها دابا هو عُمر فينو و علاش مجاش معاهم ! .. حشمات تسولهم لكن تفكيرها فيه حبس فاش شافتو دخل مع خيري و عطره Sauvage سابقو مأنق بكوستار كحل و تريكو دالعنق لداخل .. على معصم يديه مگانة فضية تاتلمع و لحيته كبرات شوية و مطراسية على وجهه بهيبته و طولته و جسمه العريض كايخطي بنخوة جلس جنب الحاج أحمد بلا مايشوف فحتى واحد عينيه ديما قدامو .. إكتفى يلوح ليهوم السلام و شد بلاصته يديه مشابكهم و حاطهم على ركابيه و خيري تبعه و جلس حداه و حط العكاكز جنبه .. هي فاش شافته رجعات حنات راسها مكاتشوفش فيه قلبها رجع كيزدح و الحشمة رجعات ليها كتر من لول هو شاف فيها نص شوفة و قلب عينيه و هي كذلك من نهار عرفاته الشوفة مكاتكملهاش فيه .. ياسمين مرة مرة كاتلوح عينيها على عُمر  و شكون هادي لي مايجذبهاش بهيبته و وسامته الواضحة وضوح الشمس ! ..

زاينة(عينيها على ياقوت فرحانة ): .. مشاء الله عليك ابنتي جيتي زينة ..

ياقوت(كاتعض شنايفها حشمانة و راسها ماطلعاتوش من بلاصته .. جاوباتها بصوت منخفض): .. ربي يخاليك اخالتو زاينة ..

كلثوم(ناضت واقفة بإبتسامة على ثغرها): .. مرحبا بيكوم عندنا ! .. نهار كبير هادا .. (شافت فنجاة) .. جي معايا انجاة .. (إنسحبو بهدوء و ياسمين تبعاتهم) ..

زاينة(مخاطبة خيري و الإبتسامة مفارقاتش ثغرها): ..راك عارف الحاج علاش دقينا بابكم وجينا لعندكوم !

عُمر رد البال لكلامها و شاف فيها بنظرة معناها بلاتي باقي الحال على لي جايين على قبله! .. هي فهماته و أومات براسها و شافت قدامها ..

طَاهِر(شاف فياقوت بإبتسامة بشوشة): .. ختي ياقوت واخا تنتعي ليا طواليت ؟ ..

ياقوت(طلعات راسها فيه كلها حمرة و خدودها غايطرطقو .. بللات شفايفها و ناضت من بلاصتها واقفة): .. اه اخاي جي معايا ..

خرجات كاتمشى و رجليها كايترعدو و تبعها هو نعتات ليه طواليت فين جات شكرها و مشات نيشان لكوزينة دخلات عليهوم كانو كايقادو البسطيلة فالطبسيل و الموناضة و الكيسان فالصينية و الشلاضة فطبيسلات صغار  ..

كلثوم(مدات لياقوت كاس د الماء و قالت بضحك): .. شربي ليك شربي ! ونتي بقالك شوية و تموتي لينا هنا ..

ياقوت(شداته عندها كاتشرب بشوية .. شرباته كله و حطات الكاس و تنفسات بعمق.. ): .. اووووف ايمتا غير غادوز هايد الخوطبة ..

ياسمين(مشات وقفات حداها باغا تأكد من شكوكها): .. اجي اينا واحد العريس ؟ .. (صغرات عيونها) .. واش هادا لي كان جالس حدا ديك البنت لي لابسة الزيف باج ؟ ..

ياقوت(أومات براسها بالنفي): .. لا هايداك طاهر إبنو د الحاج أحمد .. (دارت نصف إبتسامة خجولة) .. هايداك لي دخال مع جدو هو خاي عُمر ..

ياسمين( بدهشة فملامحها همسات فوذن ياقوت ): .. اويليي وأنا لي كنت مزعوطة فيه .. (حلات فمها) .. بابابابابا شحااال م9وود منين طحتي عليه اصاحبتي ؟؟ ..

ياقوت(حابسة الضحكة): .. الأرزاق أختي ..

ياسمين(تاتضحك خارجة من الكوزينة): .. واا سعداتك زهرك يهرس الحجار و الحيوط ماشي غير حجرة تبارك الله ..

خرجات ياسمين تاضحك قاصدة طواليت حتى بان ليها طاهر خارج منها .. وقفات تاتشوف فيه من لتحت لفوق! .. رد ليها البال و إبتسم ليها و بادلاته نفس الإبتسامة ..

ياسمين(وقفاته بكلامها): .. واش نتا خو خطيب ختي ؟   ..

طَاهر(حرك رأسه بالنفي): .. بحال خويا تربينا بجوج .. (كايشرح ليها و الإبتسامة على وجهه) .. حنا أصلا كنا صحاب و فاش تزوج الأب ديالي و الأم ديالو كبرنا و تربينا بجوج ..

ياسمين(دخل ليها خاطرها إبتسمت ليه): .. الله يدومها محبة بيناتكوم .. (وساعت إبتسامتها كاطلع فيه و تنزل عجبها) .. و نتا مناويش تزوج؟ ..

طَاهر( إبتسم ليها بوقار و باله مشى لعائشة): .. ان شاء الله كولشي فوقتو زوين أختي  ..

ياسمين(عضات شنايفها فديك "أختي") : سميتي ياسمين ! ..

طَاهر(حرك رأسه): .. متشرفين أختي ياسمين! .. حنا عائلة وحد
عمر👇

ة دابا .. (حط يديه فجيبه ونطق قبل ماينساحب من حداها شاف بلي جات ناقصة يوقفو بجوج بيهوم و بوحدهم هنا !) .. نخليك دابا !

دورات وجهها متبعة ليه العين حتى دخل لصالون ! .. دارت إبتسامة خفيفة و دخلات لطواليت  ..