🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°#الفصل الثاني: إلتئام الجرح🫀
°●الجزء: 111●°غير دخلات عليهوم و هوما يسكتو معاودوش هضرو غير كايشوفو فيها .. قصدات نيشان الكوافوز حتى هزات صاكها و تيليفونها لي كانت نساتهم عندها فاش يالاه جات ..
الحاجة فاطمة: .. هند ! فين غادا ابنتي ؟
هند( .. شعلات تيليفونها) .. مغادا فين دابا! .. (طلعات راسها و خنزرات فعائشة) .. غانشوف طاتي زاينة و نرجع لداري ! ..
خرجات من عندهم و نزلات لتحت و فطريقها تصادفات مع طاهر لي كان خارج من بيته .. غرغرو عينيها فور مشافته و مشات قصداتو شادة ليه فيديه ..
هند: .. خويا !
طاهر( .. نزل عينيه ل يديها لي شادة فيه عاقد تعابيره)
هند( .. طاحو دموعها) .. خويا واخا نهضر معاك سيلڤوبلي ؟
طاهر( .. حيد ليها يديها و شاف فيها) .. ديجا قلت ليك لي عندي ا هند ! ..
هند( .. رجعات شدات فيه بترجي) .. طاهر راني ختك كتر من عام و نتا قاطع عليا الهضرة! .. ( .. حنات راسها) .. و حتى بابا مابقاش معايا بحال لول علاش تاديرو ليا هكا ؟ ( بحرقة) .. وليت بوحدي اخويا بوحدي كولشي خلاني و مشا ! نتوما لي بقيتو ليا ولكن بحالا مابقيتوش !
طاهر( .. نزل عينيه للباسها لي كان مستور ) .. يحسابليك الخبار مكاتوصلنيش ؟ ( .. طلع فيها عينيه) .. داك العرا و الشيشة و التصاحيب و طريق لحرام ؟ و فاش كاتجي لدار كاتبداي تنافقي فينا ؟
هند( .. خرجات فيه عينيها) .. طاااهر !! مابقيتش كانلبس العرا و الشيشة خليتها من شحال هادي كانحلف ليك !!
مجاوبهاش مشى و خلاها واقفة و متبعة ليه العين بحرقة كبيرة كاتحس بيها فصدرها ! .. دائما كاتبيين ليهوم بلي فرحانة و مابيها والو ولكن هي كاتحصر على الحالة لي وصلات ليها كاتحاول ما أمكن ترجع راسها و تراضيهوم و أكبر دليل تخلات على شحال من حاجة مابيغينهاش ولكن مع ذلك خوها مابغاش يسمح ليها ! .. كملات طريقها و نزلات لتحت لقات زاينة مع مريم أخت كاتونس فزاينة لي من داكشي لي وقع بين ياقوت و عائشة مابغات تنسا ليها ..
هند( .. بحصرة) .. طاتي زاينة !
زاينة( .. دارت ليها بلاصة تجلس حداها و نطقت بنبرة خافتة) .. كحزي ابنتي تگعدي !
هند( .. مشات جلسات حداها و حطات راسها على كتفها) .. صافي ا طاتي نساي لي وقع ! ..
زاينة( .. بملامح ذابلة) لي صرا عمرو يتنسالي !
لالة مريم(أخت الحاجة) .. بنتئ هي لي مئاتسدش فومها .. حشومة تئولها هكك .. ( .. حطات يديها على حنكها بقا فيها الحال ) .. البنت مشاء الله كاتحمااائ بالزين و الضرافات ماتستاهلشي لي تئال عليها ..
أنت تقرأ
📜اشباه الرجال (مكتملة )📜
Adventure⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ [مــكــتمــلــة]❤️ "حـصــريا و فــقــط عــلـى مـخـتـلـف اللـهجـات" الآمال العظيمة هي ماتخلق الرجال العظماء ..! 🔏[ممنوعة منعا...