📜اشباه الرجال (مكتملة )📜

part92

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 92

●°

فحي ايسلي على برا المدينة قريب للقصر الملكي .. ماوقف حتى ل قدام الڤيلا ..  الطموبيلات مستفين حداها و الأمن ضاير بيها فكاع الجيهات ..غاشاف طموبيلات لي مصطاسيونين ماشي ديالهوم ضرب الدورة وحط طموبيلته من اللور ديال الفيلا .. نزل من الطموبيل و نزلات حتى هي حلو واحد من رجاله الباب و دخلو تلاقات ليهوم زاينة لي شافتهوم حيت الباب كاتخرج فالكوزينة وجردة لورانية .. مشات نيشان قاصداهوم ..

زاينة( .. مخاطبة ياقوت ) .. ياقوت !! الله ابنتي بطيتو انا گولت هادي غا تلحگو علينا و نمشيو لحمام وتشوفي لكساوي ..!! تعطلتو يابنيتي !!

ياقوت ( .. باست يديها) .. سمحيلي اخالتو !! ..

زاينة ..دخلو بعدا .. !!

غاجاو داخلين و عمر كايسمع الهاراج و الهضرة والضحك بالجهد ..

عُمر( .. عقد تعابيره) .. لافامي كاع وصلات ؟ ..

زاينة( .. حركات رأسها بالإيجاب) .. واه !! راهوم هنا بنات الحاجة وشي لافامي ورجال گاعدين مع الحاج والطاهر كانو يسولو عليك !! ..

دخلو للصالون لي جاي الداخل فالدار كان عامر بالنسا وكل مجموعة جالسة بوحدها طوابل عامرين بأي حاجة تشهاها الخاطر بلا الفواكه الجافة لي ماكايخطاوش الضيافة .. دخلت ياقوت مع زاينة وكولش نتابهليها سلمت عليهوم كاملين وجلست مع هند وياسمين وعائشة  ومينة وشي بنات من عائلتهوم  غا جلست حيدات الشال وخلاتو على كتافها ... مني  دخلات اياقوت ومينة تعبر فيها غا شافت لبراصليات والسنسلة قشعتهوم ذهب وهيا تشوف فيديها لقات نفس الشكل ونفس لامارك غا هوما بلاكيور ..دارت يد على يدها وزيرت عليهوم بالسم لي فيها ماكرهتش تجيف ياقوت فالأرض !! السم فقلبها كايكبر نهار علا خوه من جيهة ياقوت .. مزال ماسرطت العرس وشحال تخسر فيه و عاد كاتحاول تسرط اش سمعت قبل من الحاجة على البلاصة لي غايديرو فيها التقصيرة .. جات دابا ياقوت دايرا براصليات شحال وهياا تمنا بحالهوم و شحال وهي تبني و تخيط فأحلامها مع هاد العائلة!! ..

ياقوت( .. شافت جيهة ياسمين و ناضت جلسات حداها و باستها نيشان فخدها) .. ختي مقلقة مني ؟ ..

ياسمين( .. قلبات عينيها) .. لا !! ..

ياقوت( .. قلبات ملامحها) .. واصافي سماحلي ! ..

ياسمين: .. كلامك قهرني ! ..

ياقوت( .. عضات شنايفها) .. عفاك سمحيلي ! .. كونت معصبة ماقدرتشي نتحكم في كلامي .. ( .. عنقاتها) .. عفاك أختي !! ..

ياسمين( .. بادلاتها العناق ) .. واصافي سمحناليك صافي !! ( .. فصلو العناق و شافت فيها بإبتسامة) .. شي حاجة مبدلة فيك !!