📜اشباه الرجال (مكتملة )📜

part90

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 90●°

ضحكات من كلامه و حيدات العباية لي توسخات و مشات جبدات سروال دجينز وقميجة فالنيلو مع شال مناسب لون القميجة .. حطاتهم على الناموسة و مشات عنده كاتبتاسم حتى قربات عنده و كاتحل ليه الصدايف دالقاميجة بالمهل حتى حيداتها ليه و حطاتها .. و خدات قميجة أخرى لبساتها ليه و سدات ليه الصدايف و هو متبع ليها العين ..

ياقوت( .. قاداتها ليه من العنق و نطقات بإبتسامة) .. جات مزيونة! ..

عُمر( .. نزل عينيه لتحت شاف فالسوال لي حتى هو تقاس و أشار ليها بعينيه) .. بقالك السروال !! ..

ياقوت ( .. وسعات عينيها حشمانة ) .. اهممم ؟؟ ..

عُمر( .. طلع راسه لفوق ) .. گلعي السروال !!!

خدودها تحمرو عاضة شنايفها حشمانة .. حتى من لياليهوم مكانتش كاتشوف فيه بحكم كانو كايشعلو غير لامبة لي كان ضوءها خفيف و مكايميزش كولشي .. مدات يديها كاتولول فخاطرها حتى حلات ليه السمطة و حيداتها و حلات السنسلة و الصدايف نزلات السروال و هي غاتموت بالحشمة كان هو لي كان كايحيد حوايجه لراسه فعلاقتهم الحميمية .. شافت الميني الكحل لي لابس تنفسات بإرتياح و نزلات سروال وسعات عينيها فاش شافت مدى إنتفاخه قدامها طلقات منه و مشات كاتجري هزات حوايجها و دخلات هاربة لحمام سدات عليها الباب حشمانة و هو وقف كايضحك على ردة فعلها كايعيط عليها مكاتجاوبوش .. حيد السروال كامل و خدا واحد جديد فالكحل لبسو و دار السمطة و مشى قاصد الباب د الحمام كايدق عليها تخرج .. و هي باقا كاتبدل سمعاته و لبسات قميجتها دغيا و حلات عليه الباب كاتشوف فيه ..

ياقوت: .. اممم باقي كانبدال ..

عُمر( .. ضحك و جرها عنده عرفها حشمات منه لي شافت) .. مزال  تشوفيه وتهزيه  الياقوت كاع لاتحشمي دورك  !!

ياقوت( .. وسعات عينيها فهمات قصده جاوباته بزربة) .. لا مابغيتشي نتشوفو ..!!

عُمر( .. قهقه بصوت مسموع و نزل عينيه لسوال لي لابسة مزير و فخيضاتها الغليوضين واضحين .. عقد تعابيره و شاف فيها بجدية) .. بدلي  السروال لحمك كاع يبان!! ..

ياقوت( .. شافت فالسروال لي لابسة و رجعات شافت فيه) .. واخا !! ..

عُمر( ..مشى جبد وحدة من العبايات لي عندها و مدها ليها) .. السراول مانشوفهومش علك عاود !! .. ( .. طلع حجبانه و بنبرة قوية كمل كلامه) .. نحبك تلبسي لمستور لا فخاض يبانو ولا ذرعان ..صّْحا ..؟؟!!

ياقوت ..(حركات ليه رأسها ) .. واخا صافي !!

و لبسات العباية و سداتها .. قادات شالها و مشات هزات لاتروس ديال الميكاب و وقفات قدام المرايا باغا تبدا ديره حتى رد ليها البال و قاطعها بحدة ..