🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°#الفصل الثاني: إلتئام الجرح🫀
°●الجزء: (51)●°ياقوت كاتشوف هنا و لهيه ماعرفاتش فين غاتخرج ولا شنو غادير ! .. عينيها تغاشاو بالبكا .. شافت نيشان فزاينة لي كانت جايا عندها عنقاتها من كتفها و عمر طلع ليه الوضع فراسه مشى خرج من تما و الحاج أحمد تبعه خرجو بجوج ! .. خدات زاينة ياقوت غسلات ليها وجهها حلفات مابغات تسكت ! ..
زاينة: ياقوت صافي ماشي تال هادشي ! ..
ياقوت(عينينها حمرين و جها حتى هو كايخرجو ليها شهقات مفرقين): .. ي يانا ماكونتشي عارفة غايدجيو لدار خاي عمر .. خالتو خاليني نامشي في حالي ..
زاينة(كاتمسح ليها وجهها): رواحي نجمعو معاهوم و ماتزيدي طيحي دمعة صحا ! .. ماغاتمي لتا شي بلاصة هنا تكعدي ..
مشاو جلسو فالصالة لي غايتغداو فيها .. الكل كان ساكت و البلازما لي معلقة فالحيط هي لي خدامة .. عائشة كاتشوف فياقوت حتى قالت قدام زاينة و مينة و هند و حفيظة و الحاجة لي كانو جالسين ..
عائشة: مشاء الله الشمال فيه بنات زينات ..
ياقوت(ضحكات ليها حشمانة): تشكران أختي .. حيتا نتينا مزيونة ..
مينة تقرصات فاش مدحاتها بقات كاتخنزر فياقوت و ديك الفكرة ديال كانت مع عمر الراس فالراس مابغاتش تقبلها ! ..
هند(إبتسمت كاتشوف فياقوت): باقا صغيرة فين هوما واليديك ؟ ..
ياقوت: لا ماصغيراشي عاندي عوشرين عام .. (حكات عنقها بتوتر و شافت فزاينة ) ..
زاينة(غمزات هند و شافت فعائشة كاضحك): عائشة عندها 22 عام .. كاتبان هي كبيرة و فايخا .. ياقوت كاتبان ضغيرة على عمرها ..
هند: .. كيوت مشاء الله ..
قاطع حديثهم لحاج و عمر لي جاو من الجامع بعدما صلاو صلاة الجمعة .. ياقوت غير شافته حنات راسها خايفة منه يعاود يغوت عليها بحال قبل ! .. هو مبرد بحالا ماوقع والو جلس مكايشوفش فحتى واحد و ملامحه جامدين ! .. حطات الخدامة قصرية دكسكو و اللبن خواته فالكيسان وحطات المعالق جلسو كياكلو فصمت حتى كسراته الحاجة فاطمة .. !
الحاجة فاطمة(مخاطبة عمر): عمر ! .. (شافت فمينة و رجعات شافت فيه) .. شحال وأنا كانتهرب من هاد الموضوع ولكن اليوم خصني نهضر فيه اولدي ! .. (شافت بنص عين فياقوت) .. واخا معانا البراني ولكن غانهظر قدام عائلتي ! .. مينة تنادم معاها الحال لي بغيت منك هو ترجعو لبعضياتكم حيت مينة عمرك تلقا بحالها! ..
زاينة(قاطعاتها مخنزرة فيها): الحاجة! واشتا راك تݣولي .. تفرتكت الخطبة وجمعنا وطوينا !
مينة(سرطات ريقها): لالة زاينة .. راك عارفة لحظة غضب ماقدرتش نشد فيها راسي ! ..
عمر(بحالا ماسمعش كلامهم كله جاوب الحاجة نيشان):
لي مشا عمرو مايولي! .. زواج مزالني مانخممش فيه و الله يسهل عليها !..الحاجة فاطمة(وسعات عيونها فيه): 37 عام اولدي و باقي مكاتفكرش فزواج ؟ .. عمر دير ليا خاطري اولدي و رجع لخطيبتك ! ..
عمر(لاح المعلقة من يديه و طلعهم لفوق و ناض زعفان ): ربي يخلف .. !
مشى هو خلاهم هكك كيشوفو .. والحاجة ماتسرطاتش ليها حيت ديما كيسمع لكلامها و هي لي قررات تختار ليه عروسة و هو مارضهاش فوجها لكن هاد المرة نفسه ماتسمحش ليه يرجع لوحدة فسخات الخطوبة بخاطر خاطرها ! .. مينة قلبها تزير و ندمات حتى شاب شعر راسها حيت فسخات معاه الخطوبة يحساب لها بعد مدارت هكك غادي يجي يحزرها لكن كان العكس كاع ماتسوق .. زاينة عجبها الحال حيت هي و مينة خطان لا يلتقيان ديما خاطرها كاتنفر منها و شافت منها بزاف د ستونات ماعجبوهاش فريفرة و غير كاتنقز مامتبتاش ! .. شافت فياقوت لي كانت جالسة حشمانة كلمة وحدة مكاتخرجهاش من فمها قبل منهم ! .. بقات كاتشوف فيها و كاتفكر فبالها فكرة وحدة و ولات وحدة من أمنيتها ! ..
تغذاو فجو ماولفوش يتغذاو فيه ! .. الخدامة جمعات طبلة .. و جابت ليهوم يغسلو .. ناض الحاج أحمد خلا العيالات بحدهم و هند ناضت تبعاته بغات تهضر معاه ! ..
الحاجة فاطمة(شافت فمينة كاتفرغ فيها أعصابها):
تصرعتي و درتي لي فراسك كون عرفتك غاديري ليه هكا مانخطبكش ليه ! ..مينة(شافت فيها بعينين مدميعين): لالة ف ..
الحاجة فاطمة(قاطعاتها): مانشوفش وجهك امينة غبري عليا هاد ساعة ! ..
ناضت مينة و حفيظة حتى هي من ديما كاتعاملهم كي الجفاف لكن لي ماعندوش كرامة راه ماعندوش ! .. ناضت الحاجة حنى هي غير كاتهضر هي كولشي كايسكت مايقدرش يجاوبها ! ..
الحاجة فاطمة(شافت فياقوت): هادي ترجع منين جات ! ..إعلم الله شمن فضيحة خلات لواليديها و جات تلصق فينا ! ..
زاينة(جاوباتها): لا مارايحاش فين ! ..
الحاجة فاطمة(خنزرات فزاينة): ماتيقي فحتى واحد ازاينة نيتك ماتخليهاش تغلبك ! .. البنت ماعجباتنيش كيفاش ماعندها حد ؟ هادي مادخلش لعقل ..
زاينة(عقدات حجبانها): صاي الحاجة راني نعرف زاشاندير ! ..
مشات الحاجة كاتخنزر و عينيها قرطاس ! .. عائشة غير كاتشوف فهادشي لي طرا هاد نهار منين صبح الصباح ! ..
عائشة(ناضت حتى هي): نروح نشوف صحاباتي ! ..
بقات ياقوت و زاينة كاتشوف فيها عارفاها غادي طيح تاني دموعها ..
زاينة(تنهدات و قالت): ياقوت ! .. دموع ماشي هو الحل واش غاتبقاي ديما دمعي فأي حاجة ݣالها ليك بنادم .. ؟
ياقوت(طلعات عيونها لي كانو دامعين و قالت بحرقة): شني غانقولا جرحتني بي كلاما اخالتو مانقدرشي نحبسوم ..
#يتبع ❤🐍
YOU ARE READING
📜اشباه الرجال (مكتملة )📜
Adventure⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ [مــكــتمــلــة]❤️ "حـصــريا و فــقــط عــلـى مـخـتـلـف اللـهجـات" الآمال العظيمة هي ماتخلق الرجال العظماء ..! 🔏[ممنوعة منعا...