🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°#الفصل الثاني: إلتئام الجرح🫀
°●الجزء: 80●°كاتشوف فيه مضهشرة من ديك التشقليبة لي دار ليها حتى جابها فحضنه ! .. دوخها و تلفها على القبلة .. ! دفعها على السرير و جا فوقها و وجهه فعنقها و هي شادة كتافه مزيرة عليهوم حتى بدا يدق شي واحد فالباب قاطع راحتهم .. ناض من فوقها عاقد تعابيره ! .. و هي بدورها ناضت لقاتها فرصة تبدل التكشيطة و تلبس بيجامتها .. مشى لاح عليه الفوقية ديالها و حل الباب لقى الحاجة فاطمة فوجهه لي كانت متعمدة تجي عنده فهاد الليلة! ..
عُمر( زاد عقد تعابيره من شوفتها) .. واشتا كاين؟ ..
الحاجة فاطمة: .. العائلة بغات تبارك ليك قبل ماتمشي! .. عندهم الطيارة بعد غذا مايقدروش يزيدو يكملو العرس معانا !
عُمر( حك لحيته و شاف فيها) .. صاي دروك نجي! ..
الحاجة فاطم: .. طاهر عييت نقلب عليه ماعرفتو فين مشى ! ..
عُمر( شد الباب داخل لبيت) .. مانعرف ! صاي روحي انهود دروك ! ..
دخل و سد الباب بانت ليه ياقوت بدلات حوايجها مشى عندها و باس راسها ..
ياقوت: .. فاين ماشي ؟ ..
عُمر( .. حل الماريو و جبد تجاكيطة لاحها عليه و رد عليها) .. دروك نجي ! .. ( شد يديها حتى داها تكاها فالسرير و غطاها) .. رگدي ترتاحي ! ..
خرج و خلاها متكية كاتشوف فالسقف كاتصنت لعظامها حتى يجي ..
.............
حلات عيونها مالقاتوش حداها عرفاته كايفيق بكري شافت التيليفون ديالها لقاتها 7:30 د الصباح ! .. ناضت من فراشها و دخلات لحمام .. مدة قصيرة حتى كانت لبسات حوايجها و نزلات لتحت لقاتهم يالاه فاقو و كايوجدو الفطور .. زاينة و الحاجة فاطمة جالسين كايهضرو و من ملامح وجهها باينة الجدية فكلامهم ! .. مشات عندهم و سلمات على زاينة وصلات لحاجة فاطمة و مدات ليها يديها حشمات و باستها بإحترام و جلسات جنب زاينة ..
زاينة: .. صباح الخير ابنتي ! .. فقتي بكري ! ..
ياقوت: .. اه اليوم مجانيشي النعاس بدزاف ..
الحاجة فاطمة( .. كاتشوف فيها مركزة معاها ) .. امضرا كي دازت الدخلة ؟ ..
ياقوت صعقاتها بكلامها ماعرفات باش تجاوبها ! .. سكتات كاتشوف فزاينة لي كانت كاتشوف فالحاجة مخنزرة ..
الحاجة فاطمة( عقدات تعابيرها) .. مالك سكتي ؟ ..
زاينة( جاوباتها بلاصتها) .. يخرج ولا مايخرحش باش ينفعك الحاجة ؟ .. صاي بينها و بين عُمر ! ..
سكتات الحاجة مكمداها فقلبها ! .. حتى من عُمر ماعندهاش الجرئة تقولها ليه ولا حتى تجبد ليه هاد الموضوع .. بانت ليها غير ياقوت تسولها ..
ВЫ ЧИТАЕТЕ
📜اشباه الرجال (مكتملة )📜
Приключения⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ [مــكــتمــلــة]❤️ "حـصــريا و فــقــط عــلـى مـخـتـلـف اللـهجـات" الآمال العظيمة هي ماتخلق الرجال العظماء ..! 🔏[ممنوعة منعا...