📜اشباه الرجال (مكتملة )📜

part30

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: ثلاثون  (30)●°

طريق طويلة شدوها و هوما فيها قليل فين كيوقف فاش كيشري الفطور و الغذاء ولا فاش كيبغي يصلي حتى مكيقدرش يجلسو فشي قهوة ولا ريسطو باش مايخدوش ليه الوقت بغا يوصل دغيا حيت مارتاحش و هو معاه أنثى معارف عليها والو حتى سميتها معارفهاش ! ..  غير دخلو لوجدة هو تعمد يوقف فواحد الخلى تما شاف فيها من الزاجة لقاها ناعسة كلاكصونا جوج مرات وهي ضرباتها الفيقة من صوت بقات كاتستوعب فين وصلو .. بقات كاتحك فعينيها و كاتشوف فهاد الخلا فين وقفو ..

عمر: هودي و صلنا .. !

ناوي يفرش ليها كدوبها و بلعاني و قف فديك الخلى باش يشوف ردة فعلها و شنو غادير ! .. هي بقات بلاصتها كاتبلق فيعينها ماعرفاتش فين غاتبدا من هاد الخلى خلعاتها و  خايف يطيح عليها الظلام هي تما .. بدات ترعد و هنا عرفات راسها غاتحصل  .. هو عنكشاتو ديال بصاح كايتسناها غير ايمتا تنزل و هي حلفات ماتنزل  .. جاها تأنيب الضمير حيت كدبات عليه و ندماات لي مجاتوش بالمعقول و هي على بالها غادوزها عليه بغات دير راسها ذكية ولكن لي مكلخ مكلخ هو مابغاش يستقوى عليها و لكن عدوه الكذوب و اكتر حاجة كيكرها فبنادم واخا تكون غير كذبة بسيطة كيما دارت هي .. شافها ساهية و هو بغى غير يحيد عليه هاد الحمل لي لصقات فيه و يمشي يتلاح فدارهم يرتاح عيان مع الطريق! ..

عمر: مغاتهوديش؟

ياقوت(فاقت من سهوتها فاش سمعاته ابتلعت ريقها و قالت بصوت منخفض): واخا اخاي تشوكران ليك ..

نزلات و هزات معاها صاكها بقات غير كاتشوف فهاد الخلى لي خلاتها مخلوعة ندمات بزااااف حيت دارت هكا كون غير مشات لكازا عواض هنا .. قلبها طاح بين رجليها كاتلوم فراسها اشبغات شي وجدة تجي ليها غير شافته بدا يديماري الطموبيل مشات كاتجري بلا ماتحس وقفات قدام الطموبيل و كان على شوية يضربها! .. هو مكانش أصلا باغي يمشي و يخليها وسط هاد الخلى كل ما في نيته هو تعتارف ليه ماشي شماتة باش يخليها وسط هاد الخلى و القيفار .. نزل من طموبيل و وقف قدامها

عمر(قبض تعابيره و قال مهدن): گلتي عندك عائلة هنا روحي عندهوم ! ..

ياقوت(بقات غير كاتشوف تالفة و حشمانة منه كولشي تخلط عليها و خافت من ردة الفعل ديالو و هنا قررات تعتارف ليه هنا عرفات بلي بينها و بين الذكاء غير الخير و الإحسان ): ماعنديشي حيتا واحيد هنا ! .. (ذبلات ملامحها بندم) .. خاي سماحلي كدابت علك يانا كونت بغايت غير نبعاد من ديك الشمال ..!

هنا وصل لمراده و خلاها تفضح راسها براسها ! .. مغادوزش عليه هو لي شاف الزمان و دوز فيه بزااف مقارنة بيها هي لي حياتها كلها ضارت بين جوج حيوط !..

عمر(ملامحه حادة زاد فالتخزيرة دياله و قال بصوت قوي): و علااش لكدوب و تمهبييل ؟؟ ..

ياقوت فزعها و زادت حشمات من ردة فعله و هو ماتسرطاتش ليه حيت كدبات فوجهه و استحمراته جاته غير محترمة لي ماحترماتهش و هو كيبان كبر منها واجب عليها تحتارمه و كون جاته نيشان أحسن ليها من هكا ! ..