📜اشباه الرجال (مكتملة )📜

part145

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 145●° 

مرت ثلات يام دالجنازة ! .. من النهار لول المرحوم تدفن و ياقوت مالحقتش عليه .. كاتلبس حوايجها حيت غادي يرجعو لوجدة و معاها ياسمين فالبيت لي جمعت حوايجها حتى هي تمشي معاهوم ..! دخلت عليهوم بنت عمتها و العمات بجوج قاصدين كلثوم لي جالسة معاهوم فالبيت ..

العمة(سلمت على كلثوم) .. الله يعاونك ! نتلاقاو فساعة حسن من هادشي ..

كلثوم( .. إبتسمت) .. امين !

سلمو على حليمة و ياسمين و دازو لياقوت لي قالبة وجهها عليهوم! فهمو راسهوم و ماسلموش عليها .. يالاه بغاو يخرجو حتى دخل عليهوم حسين و معاه دري هازين ليكادو ومثقلين بيهوم .. و هوما متبعين ليهوم العين منين جا هادشي كامل !!  ..

حسين( .. شاف فياقوت) .. ختي ياقوت ! صيفطهوملك راجلك !

ياقوت( .. وسعت عينيها) .. بصاح ؟ (فرحانة) .. انا نشوفوم دبا ..

عماتها و بنت عمتها غير سمعو شنو قال بداو يشوفو فبعضياتهوم ويبلقو فعينيهوم ونار الحسد و الغيرة كتاكل فيهوم فاش شافو كاع ديك الكمية دليكادو لي جاتها و من عند من ؟ عند راجلها ! مابغاوش يعيقو و توادعو معاهوم وخرجو وكلثوم معاهوم توصلهوم حتى لباب الدار  .. و ياقوت جلست كاتفتح العلبات د ليكادو لي على شكل قلب و مغلفين بالحمر .. فتحت لولة لقات فيها أيفون 14 جديد عوضها على التيليفون لي تهرس حطاته جنب و بدات تحل فلوخرين مكاين غير الكوليات دالذهب و الطالونات عارفهوم كايعجبوها و الشالات فكاع الألوان و الأشكال .. و الصيكان و البياسات من الماركات .. و الروايح اوريجينال ! .. غادي طير بالفرحة طلعت عينيها لي كايلمعو و شافت جيهة ياسمين لي كاتشوف معاها الكادوات بإعجاب ..

ياقوت: .. خود احبيبتي لي بغيتي !!

ياسمين( .. هزت واحد الصاك عجبها و الريحة لي حلاتها ورشاتها ) .. هادو عجبوني !! (غمزاتها) .. السيد مهلي فيك اختي سعداتك !! ..

ياقوت( .. بغنج) .. راني مرتو و حاملة بولدو حقو يتهلى فيا !! ..

ياسمين( .. جاها ميساج من تيليفونها شافته ونطقت) .. شوفي هاني جابا دابا صافي !!

ياقوت( .. حرك راسها ) .. واخا ماتعطالشي !!

خرجت ياسمين و جمعت ياقوت الكادوات لي جاوها فالشانطة وقادات حالتها و ياسمين نزلت كاتقلب بعينيها حتى بانلها بطموبيلته و الكارو بين شنايفه .. ترقبت الأرجاء بعينيها مابانلها حد ! .. وطلعت حداه سادة الباب طموبيل ..

ياسمين( .. معفرة) .. اشبغيتي ؟

حكيم( .. لاح الكارو من الشرجم وتبسم لجنب تايتفحص بعيونه داكشي لي لابسة) .. كنتي خارجة ولا ؟ ..