Omega အဖြစ်ကူးပြောင်းပြီးနောက် ကျွန်တော့်ရန်သူရဲ့အမှတ်အသားပေးတာကိုခံလိုက်ရတယ်။

Ch 79

ထိုအချိန်တွင် ကျိရှင်းလန်က သူ့မျက်လုံးများတွင် အနည်းငယ် အထင်အမြင်သေးစွာဖြင့် ၎င်းကို မော့ကြည့်လိုက်သည်။

'မင်းက ငါ့ကို ချောင်းမြောင်းတိုက်ခိုက်ချင်နေတာလား? နောင်ဘဝမှာပဲ လုပ် '

သူက ကျီစယ်တတ်တဲ့ကြောင်ကလေးကို လည်ကုပ်ကနေ ဆုပ်ကိုင်ထားပြီး ရေချိုးခန်းတံခါးကို ကလစ်တစ်ချက်နှိပ်ပြီးဖွင့်လိုက်ကာ ၎င်းအား သင်ခန်းစာတစ်ခု သင်ကြားပေးနေခဲ့သည်။

ကျိရှင်းလန် အသံကြားပြီး လှမ်းကြည့်လိုက်တော့ အလောင်းကောင်ကဲ့သို့ ဧည့်ခန်းထဲသို့ ဖြည်းညှင်းစွာ လျှောက်သွားနေသည့် ယန်ချုံး ကိုသာ မြင်လိုက်ရသည်။  သူ့မျက်နှာအမူအရာက တကယ်ကို ဆိုးရွားတယ်။

ကျိရှင်းလန်က ကြောင်ကလေးကို သူ့လက်ထဲတွင် ဆုပ်ကိုင်ထားဆဲဖြစ်သည်။ အကယ်၍ ယန်ချုံး ဒါကိုမြင်လိုက်တယ်ဆိုရင် သူအနားမှာမရှိချိန်မှာ ကြောင်လေးကို အနိုင်ကျင့်နေတယ်လို့ သူသေချာပေါက်ထင်နေလိမ့်မယ်။  ထို့ကြောင့် သူက ဆိုဖာ၏လက်တန်းပေါ်သို့ အလျင်အမြန်ထားလိုက်ပြီး ကြောင်ကလေးနဲ့ သူဘာမှမလုပ်နေဘူးလို့ ဟန်ဆောင်လိုက်သည်။

ဒါပေမယ့် ကြောင်ကလေးရဲ့အဝတ်အစားကိုဝတ်ထားတဲ့ ဒီ ဝံပုလွေက အရမ်းဉာဏ်နီဉာဏ်နက်များတယ်။  ချက်ခြင်းပင် မကျေမနပ်ဖြစ်ကာ စတင်အော်လာခဲ့သည်။

ညောင်... ညောင်နဲ့အော်တဲ့အသံကို သူကြားလိုက်တာနဲ့  ကျိရှင်းလန် ကို မစိုက်ကြည့်ခင် ယန်ချုံးက ကြောင်ကို  ကြည့်လိုက်တယ်။

ကျိရှင်းလန် က သူ့ကို ပြုံးပြပေမယ့် ယန်ချုံး ရဲ့ အကြည့်နဲ့ ပတ်သက်ပြီး ဘာမှ ရင်းနှီးပုံမပေါ်ပါဘူး။ အဲဒီအစား သူမြင်လိုက်ရတာက သူ့ကျောရိုးကို ချမ်းတုန်သွားစေတယ်။

ယန်ချုံး ရဲ့ မျက်နှာက တကယ်ကို ဆိုးရွားတယ်။  သူ၏မျက်လုံးလှလှလေးတွေက အထိန်းအကွပ်မဲ့တဲ့ဒေါသတွေနဲ့ ပြည့်နှက်နေပုံရပြီး တစ်စုံတစ်ယောက်ကို ရိုက်ချင်နေတဲ့ပုံရသည်။

သူ့လက်တွေကို အိတ်ကပ်ထဲထည့်ရင်း သူ့စိတ်ခံစားချက်တွေကို ထိန်းချုပ်ဖို့ အတတ်နိုင်ဆုံးကြိုးစားပြီး ထိုင်ဖို့အတွက် လျှောက်သွားလိုက်တယ်။