#كاتم_ضمير
((( بقلم زينب ماجد)))
الحلقة _ ٥
حسبالي العدد بي ثمرة من يزود
وعن قلة الواحد تفرق المية
بس تالي ادركت طين الكَلوب اصناف
والعِشرة الطويلة تريد نوعية
(إيهاب المالكي)....
مينا : دخلت للبيت الساعة ١١
هدوء ماكو ولا صوت ، فتت ع المطبخ ، صحت : مامااااا ، ايناااااااسرابي : ماكو احد
فتت للأستقبال : وينهم لعد ؟
- كعدت انتم ماكو ، شوية نزلت ايناس وطلعت حتى ما اكلت
- يعني ما متريك
ابتسم : لا والله
- حتى اني جوعانة ، اهوووو هسه شلون
- شوفي شعدكم بالثلاجة طلعي خل ناكل
فتحت ، صمون ، خيار ، ٢ طماطة ، كيمر كالة ماكول نصة، جبن مثلثات باقي منه وحدة وشغلات ما تشهي ، فتحت الفريز اكو اشكال الوان لحم و دجاج وهمبركر وصوصج : اكلك هاي اكو كلشي بس ما اعرف اطبخ اشلون
- بيض اكو ؟
- اي اكو
- اي طلعي بيض سوي عيون
- واني شلون اسويهن العيون
طب للمطبخ يعرج : شني ما تعرفين اطبخين
- اكلك انت بطنك مجروحة ليش تعرج منها
ضحك : هسه شمدريني دسويلنا اكل متنا من الجوع
- واني شلون اسوي ما اعرف
- عبسي فالح بس بالعرك
- لا بلة لو ما اني جان هسه انت مدفون بحديقة بيت حويرة بت ام حويرة .
- ايهييييي تعال سنة ما تبطل تعيرنا بهالسالفة
- دنجب وسويلنا شي ناكلة
- خب دكلي خذ*** هو اني زين واعرف اصب مي كلشي ما افتهم بالمطبخ
-هي بس بيضة وهيج طكها شيرادلها
- جا ما اسوين ازت ما طولج هيج سباعية
-خب دروح
طلعت طاوة وشغلت العين الجبيرة وصبيت كومة زيت على ما طلعت البيض الطاوة دخنت ، وكف هو يكلي : دنصيها راح تحركنا عبسي- هسه غير لو يوخر الفهيم
جاي احجي وطكيت البيضة وشمرتها بالطاوة من فوك ، الدهن حامي وطاجت جووووب ، اطافر الدهن على اديه ، كمزت من كل حيلي : اااااااخ مااااااماااااتاا
ويا ما كمزت ضربت يدة الطاوة وانكلبت الطاوة طلها وهو واكف ، ديريد يكلي : مو هيج
الدهن اطافر على رجله ، كام يكمز ويغلط ويفشر ويصيح : نعلعله يومج ، حركتيني ، ااااخ بوووية رجلي .
YOU ARE READING
كاتم ضمير
Mysterium / Thrillerتدور احداث الرواية حول ممرضة تتعرض للأبتزاز لقتل مريض قائمة على علاجه ، فتلقى الضغط من اهل المريض .. لتقع وسط حيرة الضمير وانقاذ المصير . كاتم ضمير