كاتم ضمير

الحلقة ١٤

#كاتم_ضمير

((( بقلم زينب ماجد )))

الحلقة_١٤

إيهاب المالكي يكول :
تعرف غلاتك لو بعد
محتاج ابينهة اكثر؟
يل بيك لهاني العمر ماركزت بيه من مر
يمكن اذا كتلي شكثر تهواني راح اتحير
الليل اعد محبتك بس باجر تزود اكثر
الي ادري بيه من تبتعد مادري شحس بحيرتي صدري حفر بيه خنجر ،مكطوع شريان ابهر؟

....

صاحت امي : اينااااس

- يلا روح امي دا تصيحني

- وليث كاعد واكيد هسه لبستي التراكسود و القميص فوك الخصر وشد ع المناظر الخلابة .

- انت من صدك هاي عقليتك

- عقليتي هاي ويا التهمني واريدها بس اليه ، اما اذا هيج للضحك والونسة عسى ما تطلع مصلخة مالي علاقة .

- هذا مو سبب حتى تدخل ويا منو اكعد وشنو البس

- لا ما مدخل ، بس ارحمي غيرتي

- واني لازم ما اغار من اشوفك بصورة بطرك البطانية المتغطي بيها

- قبلج وحق الله قبلج ولو سويتها وياج تفلي علي ولا تحاجيني .

ابتسمت : حشاك

- راضية يولي

- طبعا لا

- اليخربه العقل تصلحه المعدة يولي شمشتهية اجيبلج عشا، كبل لا اروح

- وين حتروح

صاحت امي : اينااااااس

- اي ماما اجيت اجيت

- ليث بعده كاعد

- اي، بس كولي وين تروح

- عندي شغل مهم

- وشنو هو شغلك المهم

- خصوصيااااااتي
وحجاها بطريقة يقلد عليه

- عابتلك ، دروح يلا خل اروح اشوف بيت عمي شعدهم

- عشا شمشتهية يولي ، راح اصف حتى انطي عنوانج

- المنيو كله عقاب عليك ، وحتى ترضى معدتي عدل .

ضحك : لج تعبان بالله بس سوالفج جاي اموت بيها .. جنج ع المنيو كله اصيرلج منيو .

ضحكت وقفلت الخط ورحت كعدت ، حجه عمي : شنو قلة هالاحترام بالجذب ما سلمتي من طبيتي .

- عمو اني حدي واصلة الضغوطات بيه لحد هامتي .. يعني امي هاي الاغلى من روحي هم ما بودي اكعد وياها واكابلها ع النفسية الاني بيها .. فكولي

ليث: على كيفج مهما صار ومن باب الأحترام اقلها تسلمين ايناس .

-شلونكم شخباركم ان شاءالله زينين .. هيج زين